[HA|SAUDI]

السلام عليكم


يا شباب هذا المعتوه الي تشوفونه بالصورة طالع على قناة لبنانية
اسمها الجرس واظنكم تعروفونها

حاط صورة علم ( لا إله إلا الله محمد رسول الله ) خلف ظهره
وقاعد يتكلم بمواضيع عن الشباب السعودي وصخه مثل وجهه بقناة كلها
عهر ورقص وهز ومسوي راعي الفضيلة والشرف

فياليت أحد يوقف هالغبي عند حده لإنه مصخها مره

لإنه يسيء لنا كسعودييين وقبل كل شيء يمتهن علم التوحيد علم لا إله إلا الله

[ASOoOoOL]

وش دخل ذا في نادينا هذا الموضوع له قسمه الله يحييك


ويقولك دائما هناك كلاب تنبح ومو شرط نرد على كل واحد
الله يهديه ويهدي الجميع انشالله



تحياتي

[الأمبراطور]

إذا نطــق السفيــه فلا تجبــــه ..

أخوي هــذا أكيــد إنسـان مريض ..

على فكــره المنتدى لمناقشــة أمور نادي الهلال ..

00تحيتي 00

[فصولي 9]

الله يعطيك العافية

[هلالي شمر]

شوف ياخوي انا كنت من اشد المعجبين فيه طبعا قبل ذي الحلقه اللي زي وجهه
الحين فئة عااالة حثاالة في مجتمعنااا يقووم يحطلهوم موضوع والله ماتسوى

الحين نظرت العرب لنا بتقووول هذا شعب الشذوذ مااليه

هذا الشخص اسمه بندر المنيف وهو شخص والله انه مبدع يتكلم فيه مواااضيع حلوووه بس بعد موضوع اليوم خلاص كرهته هو مواااضيعه

لانه عمم موضوع عاىى الشعب السعودي ذا المروح

بعدين دقت وحده على البرنامج وقالتله انت تحااول تظهر على حسااابنا احنا السعوديين

ومشكور وماقصرت

[ali-1]

مشكور على التنبيه

[ذهبـ يا هلال]

قناه فاشله وفي قمة الأنحطاط بئرة فساد وش ترجي منها ؟ إلا كل شي غير أخلاقي

ياليت ما نذكر مثل هالأمور ونكبر عن ذي الأشياء

[اناوابي]

لا حول ولا قوة إلابالله

[AL BRENS-14]

لا يضر السحاب نبح الكلاب

[ابو طـــــلال]

مره بندر .. وقبله ندى .. وكلهم يسئيون لأنفسهم ولبلدانهم

مساكين والله

تقبل مروري

[LBa your heart]

اللي يبي يعرف شي أسمه تميلح..
يناظر في برنامج هالغبي..

[بقايا حطام]

اللي يقولون ان المنتدى لمناقشه امور نادي الهلال انت سعودي وهذا يسبك وين الغيره ولكــن....
يا بندر خل ينفعونك

[أبوسـراج.]

اانا والله ما ادري وش سالفته ..؟

يعني ياليت احد يقولي وش قايل المعوق < - هذا وانت ماشفته

[برنسيسة الهلال]

بالعكـــــس عندهـ اسلووب ومثقف وكون له جمهور في فترهـ قصيـرهـ بس ...

وموضـوع اليـوم ماشفتـه كامل بس لاحظـت انه ماخص الشعب السعودي بكلامـه

قـال الظـاهرهـ منتشـرهـ بالوطـن العربي ...

[صدى الامس]

ماشفت الا حلقة اليوم اللي كانت تتكلم عن الشذوذ الجنسي ..

بالبداية شفت الموضوع قبل لا اشوف الحلقة .. جاء ببالي انه مسوي بلاوي ..

لكن يوم قريت عن البرنامج حسيت انه عكس ما كتبته .. ومع ذلك ما حكمت عليه الا يوم شفت الحلقة ..

ويوم شفت الحلقة اللي انت شبيت عليه عشانها (( الواضح من الصورة انها حلقة اليوم )).. بالعكس كان كلامه فيه كله صحيح ..

وما خصص الشعب السعودي بالظاهره هذي قال المجتمع العربي ..!

واستشهد بكلامه بـ رأي شرعي ..

بعد ماشفت الحلقة . استغربت من كلامك ..!!

وياليت محد يطير بالعجه ويتكلم وهو ماشاف الحلقة ..

اول ماشفت الحلقة تذكرت كلامك لقيته عكس اللي صار 900 % ..!!