[Qarni98]

السلام عليكم ورحمة الله وبركاته


كيفكم زعماء وزعيمات



انا قبل ساعه ونصف تقريبا كنت عند نادي الهلال

وكانت الجماهير واقفه من برى الاسوار يتابعون التدريب


وانا كنت اهجول <<< من الطفش خخخخ


شوي الا يجيني اتصال من اخوي :

اخوي: السلام عليكم
انا : وعليكم السلام
اخوي: تعال عند النادي الامير محمد بن فيصل قاعد يسولف مع الجمهور
انا: الحين انا بجنب النادي جايك


واوقف واطفي السيارة وانزل


واروح عند مكان التجمهر


الا الامير جاي عند الجمهور اللي يتفرجون في التدريب ويسولف لهم من ورى السور



طبعا انا وقت ما جيت كان الأمير يكلم واحد


بعد ما انتهت المكالمه بدوا الجماهير يسالونه اسئله ويجاوبهم


وطبعا الحديث يدور حول الخروج من الاسيويه واسئله ثانيه



المهم ويجي طاري اسامه الهوساوي



قال الامير محمد بن فيصل بالحرف الواحد:


انا فاوضت اسامه الهوساوي ووصلت المبلغ الى( 17 مليون) لكن الوحداويون رفضوا
لكن عقد اللاعب بينتهي بعد فترة وراح اجيبه الا اذا اللاعب رفض فهذا شيء ثاني



طبعا اول ما انتهى من كلامه الا الجماهير تصفق وتصيح كفو يا ابو سلطان




وطبعا جاء طاري بعض الاعبين وليش يبقون في الهلال والامير يناقشهم






طبعا في الاخير قال للجمهور تبغون تخشون داخل النادي تتابعون التدريب من على قرب << وش عنده يتكلم فصيح


واشترط الامير اننا ما نجيب طاري المفرج


ووافقنا على شرطه




وبعد ما خشينا جاء واحد عطانا موعد مقابله مع الرئيس ابو سلطان




الموعد غدا الساعه 10:30 في النادي






ودمــتــم ســالــــمــــيـــــن