[يا ليل خبرني]

السلام عليكم ورحمة الله وبركاته ...

والله مدري وش اقول بصراااحة المصيبه اكبر من اي تعبير ياناس حراااام والله حرااااام اللي جالس يصير مهزله مابعدها مهزله ياناس مستوى الهلااال غريب يعني شي مو معقووول ولاهجمه زي النااااس ومستووى ضعيف جدا الا بعض العناصر...


_ بصراااحه اقولها للاسف كنت اضحك على ولد عمي ويمكن معضمنا كهلاااليين كنا نضحك على اي نصرااوي يتكلم ويمجد بمااجد ونقول مساكين هذي اعذارهم وماعندهم غيره بس بعد اللي شفته امس واللي يصير بالملعب والله لن الومهم بعد اليوم فبعد سامي لايمكن انك تتوقع انه فيه احد راااح يحسملك مباراة والله انا متاكد اي واحد من الجمهور اذا صار مباراة محتااجه حسم يقول اليوم مافيه خوف مادام الذيب موجود... سآآآآآآآمي وينك !!


نقــــــــااااط :

_ تعبنا وحنا نتكلم عن المفرج ياخي الله يرحم والديك فكنا ملينننننا والله مستعد اصبر على اي مدافع مهما كان ان شاء الله الهليل بس هذا خلااااااااص .

_ العنقري بصراحه حرام اتكلم عنه واتعب نفسي لاعب من افقر اللاعبين اللي شفتهم بحياتي فنيااا .

_ الغامدي مستووى مخيف جدا والله كانه اول مره بحياته يلعب مباراة وبصراحه اقولها الغامدي محور وغير كذا آآوت .

_ عزيز والله انك وحش يكفي حماااسك والله حرثت الملعب طول وعرض بس مامعك احد للاسف .

_ نواف رغم ملاحظاتي عليه كلاعب بس يكفي انه اليوم متحمس ويحاول احسن من بعض الناس .

_ ياسر لاعب غريب جدا جدا يلعب ببرود غريب وكان النتيجه ماتهمه واقف مايحاول يستسلم للرقابه وين ياسر المنتخب وين الاخلاص يعني له 3 سنوات مع الهلال ولا مباراة تحتاجه تحصله يهتم بالمظاهر اكثر من فائدة الفريق مافيه احد يختلف على امكنياته بس لعبه غريب غريب ياسر نبي مهاجم يجيب قول وينهي مانبي لاعب فنان بالله مالك الاهلي وش يفرق عنك والله بالامكانيات انت افضل بمراااااااااحل بس شف مالك وش يسوي بالاهلي رغم ضعف امكانياته وكرهي له بس الحق يقال حتى اسماعيل شف وش يسوي من كوره انهى كل شي .

_ الصويلح والله كنت اتمنى انك اساسي قتاليه , احساس بالمسؤوليه يكفي التحرك ورى كل كوره والله بالنسبة لي انت المهاجم الاول بالهلال ولايزعل احد .

_ محمد بن فيصل خلاص توكل على الله واستقيل سبحان الله على نياتكم ترزقون ومافعلته بسامي بتشوفه من الجمهور .

_ الجمهور والله لو بيدي شي والله ماخليكم ترجعون كذا لكن قدر الله وماشاء فعل ..

_ كأني بالاستاد يقول وينك ياسامي



اخيراا .. اسف على ضعف التعبير بس والله من القهر كتبت بسرعه ..