[فهد الحربيـ]

السلام عليكم ورحمة الله وبركاته

ياشباب أنتم تعرفون صيد الجرابيع كيف ؟
تحفر في جحره وتغرقه ولو يحصل من الشكمان يازينها
وآخر شي يجيك الجربوع مدوخ مايدري وين دربه ومستسلم

بتقولو وش جاب طاري الجرابيع بمنتدى رياضه
اقولكم صبرو هذي مقدمه لموضوعي أو بالأصح قصتي

كنت قبل كم يوم مع واحد طعس يشجع النصر
هو يقرب لي بس انه الله يصلحه نصراوي
المهم ونجلس انا وهو نترادد بالكلام هلال ونصر ونصر وهلال وماجد وسامي ومدري شو
الولد قهرني وكأنه مركب لمخه قفل بنك
مقرر ان النصر ابرك من الهلال
المهم وانا ابدا فيه من زمان الزمان
جبته من فاولات ابو يعقوب وكيف كان يخلي مضحي يصور له الفاولات
وهو يبدا وجهه يتغير لونه
ثم رحت لدبل نجيب الإمام ةحشرته فيه .. المهم والولد يسكت ماله وجه يتكلم
ثم جلست أتكلم عن مواهب الشلهوب فيهم وكم من مره ومره سوى كوكتيل بالدفاع
وشوي وأطلع لسامي وتاريخه مع النصر
وختمتها بالكاسر ياسر والسحبه حقت مفتاح الخوجلي والكعب حق كيف الحال

المهم الولد بعد ذا تدرون وش سوا ؟
وربي سوا مثل الجربوع (( مسك الباب ))
طبعا ماله وجه يحارش هلالي


وهذي السالفه واتمنى عجبتكم