[هلاليه@ميلانيه]

السلآم عليكم ورحمة اللهـ وبركاتهـ ,,

كيفكم ؟؟ وشخباركم ؟؟ وش علومكم ؟؟
^
بالسعودي

شحالكم ؟؟

^
عشان خاطر الآماراتيات الي انهمروا علينا << متعوب عليها انهمروا :p

how are you all ??

^
لغير الناطقنين بالعربيهـ :p

[][][][][][][][][][][][][][][][][][][][][][] ؟؟

^
للناطقين باليابانيهـ صح ياليو ميسي

نجي للموضوع ..

السالفهـ ياطويلين وطويلآت العمر إني قابلت ياسر القحطاني امس ..!!

أكيد بتستغربون وتقولون وشلون شفته وهو مو في السعوديه

اسمعوا القصه ,, قصدي اقروها :p

امس دقت علي بنت خالي وقالت انا بطلع للسوق وودي تجين معي ,,

قلت لها : على حسب السوق ؟؟ <<<وتتشرط بعد:p :p :p

قالت : ياالله خلآص اصلآ أنا بوديكـ لمجمع غرناطهـ عشان أوريكـ ياسر القحطاني ..!!

أنا عيوني صارت كذا وقلت وش ياسر شكلكـ مضيعهـ :p

قالت : تعالي وتشوفينهـ ..!!

انا بديت اخاف وقلت وش عندها ذي

المهم رحنا هناكـ ورحنا لآحد المطاعم وقالت لي شوفيه ,,

طلع واحد يشبه له موب هو :p ,, بس والله الحق ينقال نسخهـ طبق الآصل من ياسر

انا قلت لها كان قلتي لي انه يشبهه مو هو قالت : عشان توافقين بسرعه أعرفكـ

المهم أنا قاعدهـ أناظرهـ وأقوول ((سبحان الله)) وأتذكر صديقاتي أيام الدراسهـ

يقولون لي أنه في واحد يشبه لـ ياسر بس ماصدقتهم ,,

المهم جاء هذا وشاف اني اناظرهـ وكذا قال : وش طلبكـ ؟؟ ويعيدها مرتين

وانا ماانتبهت له المهم كذا رفع صوتهـ وأنتبهت

وقلت لهـ : نعم خيييير

قال : طير ..!!

قلت : يطير عيونك ياقليل الآدب ,,

جاء قال : والله ماسويت شي

أنتي الي قاعدهـ تناظريني واللهـ لو أنكـ مضيعهـ شي في وجهي

قلت : من زين وجهكـ عشان أضيع فيهـ شي :p

قال : ياللللللللله طيب وش تبغين تطلبين ؟؟

قلت : من زين مطعمكم هذا عشان اطلب منه

المهم قعد يضحكـ وأنا قمت وعصبت ورحت

مايستفاد من القصهـ <<<<ماأقلد احد :p

واللهـ مادري وش يستفاد بس أول مرهـ أحس

بأن المثل الي يقول ((يخلق من الشبه أربعين)) صادق

نجي لـ سالفة سواقنا :p

تدرون سواقنا متعصب مرررررهـ ويشجع نادي

.
.
.
.

سواقنا هلآلي :p وقسسسم باللهـ ,, وأبووي يوم عرف قال بسفرهـ <<أبوي نصراوي

والسالفهـ يوم جاء يودينا اليوم كان لآبس بلوزهـ زرقاء

وأختي تقول لي : وش عندهـ ذا غريبهـ أول مرهـ يلبس أزرق

المهم يوم شفنا البلوزهـ من قدام طلع فيهـ شعار الهلآل وصورة يوسف الثنيان

ههههههههههههههههههههههههههههههههههههههههه

واللهـ مهب سهل يوسف الثنيان مرهـ وحدهـ لو يحط ياسر ولا سامي كان ممكن بس ...

يووووسف مرهـ وحدهـ وشدراهـ هالآندونيسي :p

بس عشان تعرفون شعبية الهلآل وين وصلت

\
/
\
/
\
/
\
/
\

دعواتكم للمنتخب بالفوووز بكرا






تحياتي
هلاليه@ميلانيه

ملآحظهـ/ لآتتشرهون على الآلوان ترا نصي نووووم