[<<<دمه ازرق]

السلام عليكم ورحمة الله و بركاته

بسم الله الرحمن الرحيــــــم ...


يا جماعه فاضين ذا الصيف ما عندنا شي ...


و فيه كلام يقرقع بقلبي من الموسم اللي فات ودي اقوله .....

اللحين حنا نشتكي نبي لاعبين نبي لاعبين ...

ونقول فريقنا استهلك بشكل عااام ... وان اللاعبين ما عاد عندهم شي جديد يقدمونه ..

ونبي نجيب فلان و علان ... عبدالمطلب الطريدي ... من جدهم ذولا والا يستهبلون ,,,

ما ادري عن اللاعب انا صراحه بس متابع طول الموسم اللي فات.. و ما قد لفت انتباهي ذا اللاعب ...

اللحين يبون يجيبون لاعب اجنبي مهاجم .. صح ؟؟؟

طيب نقول ليش ما عندنا مهاجمين يقولون الا عندنا بس مهوب قد المستوى الي نبغاه ..

اقولكم ليش مهوب بالمستوى اللي نبيه ... لانهم ما قد طقوها اساسين ...


يعني يا جماعه اذا لعب اللاعب خمس مباريات على الاقل ولا قدم شي ممكن نقول انه فااشل وما عنده سالفه ...

تبون اسااامي ...

الصويلح ... هل معقول انه يصير المهاجم الاساسي للمنتخب الاولمبي و هو ما فيه مستوى ؟؟؟؟؟

الخرااشي .. لعب مباراة الطائي وجاب هدفين .. لعب مباراة الاتفاق كاس الامير فيصل وجاب هدف ... وش معناته رغم طول الغيبه عن الملاعب الا انه لاعب هداف ..


العنبـــر << يا لبا قـلبه ... ما يحبونه بس اني اموت فيه ...

العنبر مهوب لاعب مجهود ... لاعب هداف .. يعني حط له واحد يتحرك معه و ازهل الموضوع ... فيه نوعيه من اللاعبين كذا ... ما يتحرك واجد بس انه هداف .. زي حسين العلي لاعبنا اول .. ما كان يتحرك بس هدااف ..


فهد مبارك ... لاعب مجهود و مهاري .. ليش ما تعطيه فرصه

الغناام ... كاتبن المنتخب الاولمبي ... ومايمسك خط الوسط اللا هو ... وان شاء الله انه محورنا بكاس العالم 2010 ...

.....


هذولا لاعبين يمثلون نص فريق ... يعني اذا ما تبونهم يعني ما اقنعتكم مستوياتهم بع عقده لنادي ثاني على الاقل نستفيد ماديا ... ونجيب اللاعبين اللي نبيهم ,,,

واذا انت مقتنع بمستوى اللعب بس عندك الافضل حاليا .. وده لنادي ثاني اعاره موسم موسمين ... ونستفيد من جهتين .. جهه ان اللاعب ما يغيب عن الملاعب ... ولا يهبط مستواه ..

ومن جهه ثانيه نستفيد ماديا .. <<< مقدمات عقود ... مكافاءت .. رواتب


يعني ماسكين اللاعبين على الفاضي ...



خلصت


سلااااااااااام عليكم ...