25/06/2007, 04:06 AM
|
| موقوف | | تاريخ التسجيل: 17/06/2004 المكان: حيث يكون الزعيم
مشاركات: 866
| |
|
( إهـــــــــــــــــــــــــــــداء خاص )
[CENTER]السلام عليكم : .............
إهــــــــــــــــــــــــدء لصاحب السمو الأمير محمد بن فيصل :
هــات القلم والله لحـده على الجـــــال
يكتـب لنــا مـن نــادرات الـعنـاويـــــن
وليـا انتهى حبـره تـرى ما به اشكـال
عدلـت لــه مـن وسـط قلبي شـراييـــن
ســـر يــا قلم واكتب جميلات الامثـــال
اكتـب لنـا المعنـى علـى الآل والإيـــن
ابـيــات مـوزونــه وعذبــات وجــــزال
نبــا نقول الحق في ابــن الكــريميـن
الطيب في الطّيب على مــر الأجيــــال
والا الردي مـا انجـب عيـالٍ ميــاميــن
أخــذت مـع كـل المطـاليـق منـــــوال
وعـفّيـت نفسـي عـن مرافـق ردييــن
لا شك ابو فيصل رقى واعتلى عـال
نجمٍ سطع نوره على العسـر والليــن
لاضـاقـت الحلقـه ومـــال الدهـر مـال
زيـزوم ربـعـه ريـف كـل المسـاكيــن
انـشـهــد انــه طيـب العـم والخـــــال
تـشـهـــد على فعله جميع الميـاديـن
بيته لمناعيــر الـريـاجيـل مـدهــــال
ورايه سديد ولا اختلف فيه شخصيـن
حــاز المـراجـــل كـلهـا دق وجــلال
حــرٍ ولــد حــر فعــولــه بـراهيــــن
له ترفع البيضاء على روس الأقذال
وبيديه رايــات الجــدود المسميـــن
ذخرٍ لبوه اللي كسب طيب و إجلال
وذخــرٍ لجـدٍ قـــوم العلـم والديــــن
يشرب فناجيل المصايب والأهـوال
مـن لابــةٍ عن الخلايـق مـنيـفـيـــن
ربعٍ لهم في هامة المجد منـــــزال
وتشهد لهم حتى جموع المعاديـن
بنوا لهم في ساحة العز تمثـــــال
يشهد علىناموس فعل السلاطيـن
هذا الكــلام اللي ليــاقلت ينقــال
مثبتٍ في نجــــد سيـره وتدويـن
جاك الكلام اللي يعبر عن الحــال
من خاطـرٍ ثمن معـانيـه تـثـميــن[/CENTER]
اتمنى ان تحوز على رضاكم واستحسانكم |
الوضع الشجري
