[حوطي وهلالي]

السلام عليكم ورحمة الله وبركاته وبعد:

اقول وبكل صراحه

الادارة الهلالية تجامل كثيراً على حساب النادي

يعني اليوم البطولة الثالثة اللي نخسرها والسبب ماجاملتنا للاعبين

عندنا لاعبين سيئيين ومدرب سيء

يعني بالعقل هي مدرب مانجح مع منتخب يضم نجوم الكرة السعودية بالله عليكم كيف بينجح مع نادي بااتعس حالاته وكذلك عندنا مهاجم اللي هو ألفان والله ثم والله لو اجيب أسوء لاعب في العالم راح يكون افضل منه اليوم كسرت جوالي N95 وكسرت ريموت التلفزيون كل هذا بسبب مجاملتنا لبعض اللاعبين انا باسأل المدرب القدير العنبر ايش يقدر يسوي انا ماادري لاعب مثل هذا وارجوا انه مايزعل مني نادي الهلال مو نادي يلعب فيه والتائب وماادراك مالتائب في الحقيقة انا احترم اللاعب هذا بس اللاعب مايعطى اكبر من حجمه شوفوا اخرتها البلوي جالس يستهزئ بالامير بندر بن محمد قسم بالله انقهرت يوم قال الكلام هذا عنه كيف نسمح لأشكال مثل البلوي انه يتكلم على عمه الامير بندر بهذا الكلام عموما اناشد الادارة الهلالية انها تشوف حل مع ياسر القحطاني مو معقوله ثلاث بطولات والاسيويه الرابعه ولاشفناه وش ذا المهاجم صحيح انا اقدر القحطاني وامووت فيه بس مااحب اجامل احد على حساب النادي عموما اقول للادارة الهلالية في لاعبين لايمكن بقائهم في النادي امثال : الفان , العنبر , الياس , احمد خليل , الهليل ..
وانا اشكر من اعماق قلبي الكابتنان محمد الدعيع وتفاريس على ادائهم الممتع في المبارة والذي احزنني انه تفاريس اللاعب المحترف الاجنبي بكى بعد نهاية المبارة والله اشكر اخلاصك ياتفاريس واقول للادارة الهلاليه بدل ماتدفعون مبالغ طائلة مقابل لاشيء انصحهم بطلب انضمام مالك معاذ للفريق الهلالي وانصح سامي بالاعتزال لانه الواحد مايأخذ زمانه وزمان غيره

عموما ألف مبروك لجماهير النصر اولاً لاني عارف انهم فرحانين بالفوز اكثر من الاتحادين وثانياً الاتحاد واقول لمنصور البلوي انتبه لاتغلط على اعمامكم عشان ماتجيب البلوه لنفسك


اتمنى اكووون تكلمت عن الجانب السلبي للفريق واترك النقد لاخواني الاعضاء والمشرفين


تحياتي واشواقي لكم...