[$مايكبرني لقب$]

اول شي هاردلك للهلاليين ومبروك للاتحاديين..
سبب خسارة الهلال..
- الهلال بعد ماجاب الهدف الاول صار يدافع وكل اللاعبين رجعوا وراء,وكانهم كسبانين2-0 او 3-0 , والسبب خطة المدرب الفاشلة..
- تغييرات باكيتا ..المفروض ينزل الصويلح بدال الفن لانه لاعب مشاغب ويتحرك بسررررعه , وبدال ياسر القحطاني ينزل سامي الجابر لان الاتحاديين مجرد مايشوفون سامي راح ينزل راح يرتبكون وبكذا يقدرون المهاجمين يخترقون المدافعين ويسجلون هدف ..
- فيه لاعبين والله حرام يلعبون في نادي الهلال مع احترامي لهم هم الخثران والعنقري
الخثران ضيع اكثر من كورة في المباراة وكان سبب في دخول هدفي الاتحاد وطريقته في الدفاع مرررررة سيئة يبعد عن اللاعب متر وكانه واقف يدافع عن المرمى ..,اما العنقري اللي ماادري وش سوى في مباراة امس ؟؟
عالعموم ماخلصت البطولات وان شاء الله فيه بطولات جايه ..وهاردلك لنا ..
وبصراحة اللي يستحق انهم يكونون نجوم المباراة عمر الغامدي ومحمد الدعيع ..
اتمنى انكم تشاركوني في الاراء ..
مع اني بنت ولاحضرت للملعب وقاعده اشوف المباراة في البيت , حسيت ان هذي الاشياء سبب في خسارة الزعيم ..
واتمنى ان الامير محمد بن فيصل مايستقيل ولاتفاريس يرحل ..
وتحيااااتي لكم..