[القلم النابض]

أنا هــلالي والعشق للهـلالي
ماعاش من هو يبعده عن مكانه

في القلب ماكن والاماكن تلالي
هذا الهلالي دام عزه وشانـه

هو رمش عيني والنظر والخيالي
متربع(ن) بأقصى فؤادي كيـانه

هو نور دربي والسنا لاضوالي
يسقيني من صافي وداده حنانه

من عاشره طول العمر والليالي
يعرف أصول الحب لا للخيانه

عهد(ن) علي أوفي بدمي وحالي
هذا الهلالي صار مثل الامـانه

في كل قلب(ن) يعشقه بالهبالي
يحميه ربي الهلالي وصـانه

أول غـرام القلب وآخـر وتالي
ماعاش من هو يبعده عن مكانه