[ابو ردح الهلالي]

بسم الله الرحمن الرحيم

نقاط هلاليه من مباراته قدام الوحده امس
=============

بالبدايه الفريق قاعد طوال موسمين او اكثر يلعب بتفاريس والخثران والمفرج بشبه ثبات
فلما تجي مره وحده تبعد الخثران وتفاريس فطبيعي انه يكون فيه خلل بالدفاع وعدم تأقلم
وانا مثلكم زعلت على الجري لكن الظروف تحكم ويجب اننا ما نقسو عليه وتوصل للمطالبه بتنسيقه !!
فالمباراة كبيره وظروفها صعبه.
فلا تقسو على لعيبتكم - من لهم غيركم ياقفون معهم . انقدوهم لكن عطوهم أمل بالمستقبل .
=====
سامي الجابر وما ادراك ما سامي الجابر هذه الظاهره الهلاليه والاسم الي ما راح ينساه جمهور الهلال
وحتى جماهير الانديه الثانيه ما راح تنساه بحكم انها متضرره منه
اسطوره هلاليه ما حبينا نشوفها بهالحال ليلة امس والكبير كبير ياسامي
وانا ماني مع اللي طالبوه بالاعتزال لانه هذا اخر موسم له بالهلال ويجب ان نكون معه لكن انا مع اللي يطالبونه بالعوده للياقته
باسرع وقت وعدم الزج به وهو ناقص لياقياً لانه ياسامي خلاااااااص قرب وقت الحسم ونبيك سامي السام جداً للخصوم .
وبعدين للي ما يبون سامي ينقد اقولهم مافيه احد فوق النقد ونرحب جداً بالنقد البناء اللي فيه مصلحة الهلال .
لكن كون كل من نقد نقد هادف صار مندس فهذي ما تطلع منكم يالزعماء.
=====
الفرص المهدره امس من اللاعبين يجب ان ينبهون لها لاننا كنا حنندم عليها كثير لو جاء التعادل فيجب ان لاتمر مرور الكرام على
الاداره واللاعبين لمجرد فوزنا ننسى ما صار بالمباراة فليه بدل ما نفوز 2 ما تكون 4 او 5 ترى الجمهور يستاهلون وناسه اكثر ولا لا ;)
====
الفن لاعب برازيلي جديد باين عليه ان له مستقبل مميز بس بحاجه لشوي تاقلم مع الاجواء فخلونا نجمع اننا نعطيه وقته وجوووه المناسب للابداع
=====
نواف الحقيقي نحن بانتظاره ان شاءالله قريبا فلا تتأخر علينا يالذهبي
====
مدربنا يبشر بالخير ياجماعه ويكفي حركته وتوجيه وحماسه وذكرنا بطيب الذكر يوردانيسكو


ارق تحيه لكم