السلام عليكم ورحمه الله وبركاته
اول شيء هارد لكم على الخروج المر من البطولة الاقل اهمية في
بطولات الاتحاد السعودي وان شاء الله يكون التفكير منصب على
الدوري وعلى ولي العهد والاسيوة اكبر الطموح للعالمية ..,, 
طبعا الكل حزين على البطولة ولكن الحزن الاكبر على اعضاء الشرف
اللي خذلوا ابو سلطان في الاونه الاخيرة ..,,
لكن بصراحة تعودنا على كذا من بعض اعضاء الغفلة وليس كلهم للامانه
ولكن الهلال من فترة والرئيس هو اللي يتحمل كل شيء بمعنى انك انت
الرئيس اذا لا تنتظر الدعم الكافي لك ..,,
فـ اصبحت الرئاسة من هواجيس الرؤساء القادمين خوفا من تنحي الاعضاء وهذا الي صاير ..,,
فـ عبدالله بن مساعد من افضل الرؤساء بتاريخ نادي الهلال ولكن من
اللي اخرجه !!
للاسف اعضاء الشرف هو من اخرجوه دعموه في الاول وخذلوه في
الاخر ..,,!! طبعا الكل اللحين فكر في ان يدعم ابو سلطان في اي طريقة منها
طرحها احد الاخوان وهي ان يفتح النادي حساب للتبرع من الجمهور
وهذا شيء جيد التواصل بين الجمهور والادارة ولكن !!
الجمهور ما يحب الا الشيء البسيط بمعنى ان مستحيل احد يذهب الى
احد البنوك او الصرافات لكي يدعم النادي بـ 50 ريال او 100 ريال !!
وهذي حقيقة الجمهور يحب الشيء البسيط والسهل اللي في متناول
الجميع ..,,
يعني مثلا الجمهور النصراوي الكل يتفق انهم يحبون ماجد عبدالله
وانا ضربت مثل فيهم لانهم يعتبرون انفسهم مثال للجمهور الوفي 
يعني يوم قالوا ان الجمهور هو من راح يسوي حفل الاعتزال ما دخل
الحساب الا 250 ريال فقط !!
اين الوفاء واين واين !!!
طبعا هذا ينطبق على الجماهير السعودية عامه ..,,
جوال الهلال اكتسح جميع الجوالات لانه ببساطه و جمهور وفي
وجمهور يعشق الفريق ويعشق السهل
يعني لازم نبحث عن الحلول الداعمه والقريبة من الجمهور مثلا
لو استغلت اطقم النادي بحيث تكون بأسعار مناسبة او بأي طريقة
استثمارية يكون فيها تواصل بين الجمهور و الادارة وصدقوني الجمهور
ما راح يخيب الظن وهذا العشم فيهم ..,, 
الوضع الشجري
