ملاحظه: الموضوع غير صالح لغير الناطقين بالقصمنجيه
في امريتسه كلشين جايز
يالله ان تحييهم ابد الله مير يسلمكم ذاتس اليوم طفشاتن وطاقتن تسبدي
اقول بس بلا مقدمات بلا خربطط بربطط
الزبده
الله مير يسلمكم كنت حصل معجزه واخوي حصل له على بعثتن بجامعتن وش زينه بفلوريدا ماش شكله راشي مدير مدرستهم الين نجحه الزبده
يوم دريت الا ويطير طيري وانهبل تكل داخلن بي الله يكفينا واياكم هالجنانوه
وراااااااه؟! اخيي يروح امريتسا وانا لابطتن بعنيزه
زررررررررر وزرررر
الااا بروح معوه
وياويلي يا ابيي ضاق صديره وقال والله ما اغث بنيتي همن تشين وماتخطب
والله لا افرحه واكزه تدرس معوه بمدرستن هنياك
عاد انا يوم دريت الا واتشششششششششششششققق من الوناسه
واقش اميمتي واروح للجدًيدًه اقضي لي ملابس خبركم لازم اكشخ هنياك
واقش قش من مبارك هالقميصات
واروح مع اخيي
ويوم ركبت الطياره الي بتودينا لامريتسه الا وحصل متساني جنب اثنين امريتسان واحد اشقر والثاني عبد وياويلي انا خايفتن بالحيل
قلت والله ما اسكت واصرخ ذيتس الصرخه
مااااااااااااابييييييييييييييييييييي اجلللللللللللللللللللسسسسسسسسسس جنببببببببببببب كفاااااااااااااااااااااااااااااااااااااااااااار
والا هالطياره قامت تناقز من كثر الركاب الي فطسوا ضحك علي وانا ياعردزي طايرتن عيونيى ويجي دحيم اخيي ويقشن ويغير متساني ويجلسن جنب عجيز وش حليله
وقعدت اسولف معه تقول لي انه رايحتن تتطمن على وليده رايحن يدرس من 7 سنين وللحين مارجع وسمعوا هه حتسي انه معرس من هالبني الشقر ولحست مخيخه وشفطت قريشاته وهجت وتركت معوه هالورعان واللحين هو يشتغل بمطعم ماكدونلدز
مدري هالعجيز وش تقول خصرته وهي تقرق ونمت وعقب شوي الا ويجين دحيم اخيي ومعوه المضيف يقومونن بس المضيف هج لاني الله مير يسلمكم نيمتن وخشيشتي مفتوحه وهو شم ريحت خشيشتي وطس يصتفرغ وانتم بتسرامه
وصلنا هنياك لامريتسا وقبل لا اوصل المطار
مسكت اخيي قلت لوه على قولت مطربي المفضل خلودي بن دحومي
(( انـــــــــــت بطريييييييييييييق وانا بطريييييييييق الي يودي للبعييييييد))
عاد هو اختب وقال طسي يلا بس بروح للجامعه مواعد اخوياييي هنياك<<<نصاب امداك تصادق
وابد اروح هنياك واوقف لي ذيتس السياره الصفرا يقالنه تكسي واركب معوه واقوله ودن لمدرستي
قال ((وات؟)) قلت ودن لمدرستي اييييه نسيت اني بديره الكفار وانا ما اعرف احتسي عنقليزي وش هالبلششششه ياويلي ويلاه قلت لوه اصبر هنيا بدور لي احد يعرف يحتسي معك
وقام يدربي راسوه تكل سواقنا(مار) الي نسميه حمار من شده دلاخته وغباءه
وامسك ادياته اخاف يروح وياخذ قشي معوه واقعد ادور بين هالشقران والعبيد(الزنوج) وابحل بروحي بحلتن مهيب طبيعيه وش السواااة؟!
وانغثيييييييت واتربع بوصط هالمطار واصارخ ابييييييي
(( اروووووووح عنييييييييييييييييييييييييييييزه))
الا ويقبل علي هالرجل شكلوه هه يعني مهوب غريب علي ويقولي وش عنيزتوه بامريتسه وين انتي عايشتن بوه؟!
قلت لوه انت سعودي؟
قال ايه انا سعودي وش سالفتس انتي؟
قلت لوه اني بحلت بروحي مع هالتكسي عجزت افهمه وين مدرستي بوه
قال انتي جايتن لحالتس؟ قلت لوه لا جايتن مع اخيي بس اخيي لقا هالشقرا وطار معه وخصرن وانا بحلت بروحي <<< وين اللي بطريق وماطريق!
قال وش اسم مدرستس؟ قلت لوه (......الداخليه) قال هلاااا والله اجل انتي معي بنفس المدرسه قوه معي اوديتس قلت هاو المدرسه اختلاط واخزياه؟
قال ايه ياعمه حنا بامريتسه محنب بعنيزه واروح للتكسي ويركب معي جنبي ورا مع هالتكسي وقالوه مدري وشو يعني انه حتسا معوه وفهمه وين بنروح قلت له يادزليل الحيا وراك راكبن جنبي ورا ماتطس قدام قال لا يادبشه اذا ركبت جنبتس ازين ترا بأمريتسه يفتحون البيبان ويسرقونتس بس لاصرت جنبتس مايسرقونتس<<<سبحان الله !!!!!!
هو هو شافن ويقالنوه خق <<<مصدقتن روحه بالحيل
الموهيم
وصلنا للمدرسه ويجي ويدخلن غرفه الموديره وتعطين هالمفيتيح تقول هذي مفتاح غرفتس
واروح هنياك وقبل لا ادخل غريفتي الا مسكن خويي الي بالمطار قالي بقولتس شئ ترا هالمدرسه كله قصمان حتى الموديره والاداره بس انهم بعضهم صابغين شعورهم وملططين هالعدسات ويحتسون عنقليزي علبالهم محنب عارفينهم
قلت هاو وانت قصمنجي ؟ قالي ايه هو انا من بريده ياتسافي شوفي اسمي مكتوب على شنيطتي ويوم التفت والقا (عزيزان الخمبقاني ) قالي اسمي عزيزان ويدلعونن عزازي عشاني اشبه للمطرب ذاك عزازي راعي اغاني الطعوس قلت يعني انت تبي تقنعن انك منتب طعس يلا طس تراي تعبانه جايتن من رحله 15 ساعه مهيب لعبه يلا وخر عن
وادخل غريفتي وانجطل واخذ لي غفوه ويوم قمت لقيت الدنيا ظلااام وانا ياعردزي جويعانه
واجي اطمغ هالقميّص الي شاريتوه من الجديده واطلع بره كاشختن بوه
واقعد ادور بهالمدرسه والقا واحدن منجطل بالارض يصيح ياويلي كسر خاطري واجي لموه قلت تعرف وين المقصف بوه جويعانه
طبعا هو صحى من نوبه البكاء ودخل في نوبه من الضحك وهو يقوولي وش مقصفوه انتي وخشتس بوه مطعم هنيا قلت اويلاااه بوه ((هرفي)) هنيا؟
قالي وش هرفيوه بوه مطعم خاص بالمدرسه بس اكلوه لوه وقتت محدد يعني مالتس الا تصبرين الي يجي الصبح وتدخلين تفطرين
قلت وش يصبرن الى الصبح قالي عاد الشكوى لله
واجيي اقعد جنبوه ويقعد يخمبق على رويسي وانا مدروخه مادريت الا الي يجر شوشتي ويدخلن غريفه ويوم انفتحت اللمبه والقاه خويي راعي المطار عزازي ومعوه اثنين يكركرون علي وانا ياويلي اناظرهم وطايرتن بوهتي ويقولي عزازي انتي وش مقعدتس مع هالي بالارض واجي ياويلي واقص عليه قصتي ياويلي من شده منا كاسرتن خاطره قام يصايح ويقولي ياعمري جويعانه واجي الفحه بالزنوبه الي برجلي واقوله يادزليل الحيا وش هالحتسي احترم رويحتك قبل لا ازهم على الهييييييييييعه توريك شغلك
والي التفت والاقي هالثلاثي المرح منجطلين على الارض ويهززون وخششهم مفتحه وباين هالسنون المتراكبه تقول نمل متجمع على خبيزه وصصصصصصصصصصصفر ياويلي ماقد سمعتوا عن اختراع اسموه تقويم<<<اوخص منب العب
وانا طايرتن بوهتي اقول وش القصه احد يفهمن ياعالم
ويرد علي واحد منهم ويقولي وش هيييييعته انتي وخشتس بأمريتسه
قلت هاه ايييييه ادري بس وش اسوي نسيت رويحتي<<<مناك بس
ويجي عزازي ويقولي جويعانه اصبري باقي ساعه ويفتح المطعم
بعدين مرتن ثانيه وانا اخوتس لا تجلسين مع ذا الي دايم ينجطل بالارض تراه وانا اخيتس راعي حركات مهيب زينه
قلت ايه ان شاءالله يلا بروح غريفتي البس واكشخ الا اقول مير
فيشكم ذا ميتين وعشرين ولا ميه وعشره عشان بشبك فيش الاستشوار حقي
الموهيم ويجي عزازي ويروح مع لغريفتي ويشبك استشواري واستشور كشيشتي
واجي استشور كشيشتي واطمغ مريولهم تنيرتن قصيره واخزياه استحيت على رويحتي البس هالقصير واخزياه واطمغ تحته سروال خط البلده شاريته من الجديده والبس واطلع برا وادخل على مطعمهم واقعد ابلع ابلع تسني اول مره اشوف اكل وانا اكل جتن وحدتن وش حليله باين انه من اهلنا
وتقولي الاخت سعوديه ؟ قلت ايه من عنيزه قالت هلاااااااا بهل عنيزه ترا انا خوالي من عنيزه وانا من الرس
واتعرف عليه اثر اسمه ((سوير الخاقه)) وتجي تسنعن وتاخذ لي جدولي واثره معي بنفس فصلي واروح معه لم فصلي والتفت والقا خويي عزازي الي جاء لمي وقال انتي بكل متسان القاتس طفشت منتس
قلت استح على وجهك انت وخشتك الي تسنه بياره بيت اهلي
الموهيم وتدخل المدرسه وابحلق به والقاه مرت عم بنت خاله جدتي
والقاه صابغتن شعيراته ولابستن هالعدسات مثل مايقول عزيزان ولابستن هالمزلط وتبربر بهالعنقليزي واخزياه وتناظرن بنص عين وتسنه شبهت علي واجي بفشله واقوله هلااااااااااا بحصيص وهي تقولي هاي ريري
قلت له ريري بعينتس ياللي ماتستحين على خشيشتس وش هالمزلط اللي لابستوه واخزياه قامت طمست وقالت لي بذني : اسكتي وافهمتس بعدين
وادربي دميجتي وارجع متسيني وتبدا تشرح وانا طايرتن بوهتي مدري وش تخمبق
عقب ماقضينا وتجي سوير وتاخذن عند شله عزازي وتعرفن عليهم
واحد اسموه ستيف ولا هو يتسذب اسموه الصدزي(مناحي) والثاني اسموه تركي الحمد قلت لوه انت الكاتب؟ قالي لا ياشيخه انا اسمي الصدزي (عبيد المنصلخ) بس يسمونن تركي الحمد عشاني اشبه لوه قلت اهااا
ومرت الثواني
والدقائق
والساعات
والايام
وانا بهالمدرسه وابد تعرفت على الكل وتعرفت على شغاله المدرسه الي تطبخ لهم وواجرته تزين لي الفطور حار وقبل كل الناس
الين ذاك اليوم بحصه(( النصوص ))ويجي يوقف عزازي ويقول مدرستنا حصيص ابي اقول قصيده
ويسطر لكم هالقصيده
على ارض المطار
شفتها وقلبي طار
شفتها تصارخ
كان ودي معها اتطارح
قهرتني بوقتها
وبنفس الوقت حبيتها
علموني بس يا اخوان
هي تموت في ايوان
ودي اقولها احبك بيوم
بس اخاف تجري منها علوم
والا كل الفصل قام يصفق لوه الا انا ياويلي في عالم الهواجيس ياترا منهي هالبنيه الي شافه بالمطار وحبه لايكون انا
قمت وقفت وقلت لحصيص ابي اقول انا بعد قصيده
وجت خلتن احتسي
على ارض المطار
شفته وقلبي طار
جاني وانا محتاجه
وخلان منب معتازه
وفجأأأأأأأأأأأأأأأأه سكتتتتتتتتتتت
كلهوم طارت عيونهم يالله يا ريري كملييي
قلت قضت القصيده
همن فجأه صفرت الحصه وطلعنا
وجان عزازي وقال ريري
انا
انا
انا
طررررررطششششششششششششت
ريييييييرييييييييي وجعتن توجعتس قومي يسد نوم
انا : عزاااااااااااااااااازيييييييييييييييييييييييييي
وجع وش عزازيه انتي وخشتس قومي يالله تكشخي تتجي خويتي ام عزيزان هي كلمتن امس ولمحت انه وده تشوفتس تتخطبتس لولده عزيزان
انا: هاه ورا توتس تحتسين وشلون اكشخ وانا وجهي متنفخ
لا ماعليتس مهوب متنفخ يورالتس
وعقب شوي طمغت مقطع العيد حق قبل العام
وكشخت بوه عند ام عزيزان
وتمت الخطبه
وليله العرص
والتفت اناظروه وصرخت عزااااااااااازيييييييي
وهو طايرتن بوهته وش عزازيه شكل اهلتس هاكين علي ومزوجينن بنت مهبوله
يلا وخري بس ويلا بسرعه تعالي نلعب سوني كراش
ابتسمت على حياء واطمغ هالقميّص واقعد العب معوه
تمت
مايستفاد:
1/ لاتنام بالحوش .
2/ لاتفحط في الصاله فالماء امانه .
مع تحياتي
$هلاليه من القصيم$
>|< فــي امــريـــتـــســـآ كــلـــش جـــآيـــــز >|< 
؛
الوضع العادي
