[أصيلة]

يانـــــــــــــــــــــــــاس
يعني مو معقولة علشان خسرنا مبارتين وتعادلنا مبارتين ...نطرد المدرب ..وين عقولنا ياناس..شئ طبيعي يحصل للفريق هبوط في المستوى ..شوفوا تشلسي تعادل في آخر ثلاث مباريات له في الدوري ..واتسع الفارق بينه وبين مانشستر يونايتد في النقاط ومع ذلك ماأقالوا مدرب الفريق حوزيه مورينهو ..يعني حنا الحين أفهم منهم ..عندهم المدرب له الحريه الكاملة في تكوين فريق كامل ..وحنا المدرب ماعنده إلا ثلاثة لاعبين وليته يختارهم بعد.
أيضاً اللاعبون يظلون وقت كبير مع أنديتهم ومايروحون للمنتخباتهم إلا قبل أي بطولة بأربعة أيام ..لاحظ قبل أي بطولة ..مو أي مباراة ودية ..وحنا إذا صارت عندنا بطولة راح لاعبينا لمنتخب قبل البطولة بشهر ..وياليته لاعب أو لاعبين .
ومباراة اليوم وبالرغم من النقص في الفريق إلا إننا استطعنا الفوز وهذا طبعاً يرجع الفضل فيه للمدرب.