[^هلالية^]

من أرض الواقع
الهلال - الإتفاق




عبدالله الجمعان كإحتياطي أخطر منه كأساسي..

من كان يستحق الاستبدال في الشوط الثاني قوارو وليس الشلهوب والحسنة الوحيدة لقوارو في مباراة الاتفاق كانت الخطأ الذي نفذه بطريقة جميلة ولكن كان غائبا طول المباراة وخاصة عند دخول التايب..


الشلهوب والتمياط والتايب أخطر إذا لعبوا بالوسط..


هناك نخبة من لاعبين الشباب لدى الهلال في منطقة الوسط أفضل بكثير من قوارو الكثير طالب بالصبر عليه طيب ليه أصبر عليه وأنا عندي نخبة من اللاعبين الشباب هم مستقبل الهلال أمثال ( فهد المبارك ) ماشاء الله مراوغة وثبات و سيطرة على الكورة وتسديد و ( مشعل الموري) سرعة ومراوغة وقوة تسديد و (سعد ذياب) تمريرات وسرعة و قراءة للعب ، يعني بصراحة عندنا شباب يحلمون فيهم أي أندية أخرى..


(الهلال يقترب من ضم بدر الحقباني) قرأت هذا الموضوع في إحدى الجرائد ، ليه إن شاء الله يقترب؟؟؟؟ أنا يوم دريت إن الحقباني مع المنتخب غسلت يدي ، ياناس الحقباني ماينفع محور تغطيته الدفاعية سيئة سيئة سيئة مايجيده فقط هو التمريرات فقط لا غير يعني لا مراوغة لا سرعة لا تغطيه و إحنا ما شاء الله عندنا بدال المحور 6 ، 6 بعين العدو وكل واحد يقول الزود عندي ( الغامدي ، عزيز ، الغنام ، البرقان ، الدوسري ، شراحيلي ) لازم نصبر شوي عليهم حرام والله حرام..


(الهلال يبحث عن استعارة مهاجم محلي) هنا أنا معكم إحنا محتاجين مهاجم ولو يكون محلي يكون أفضل عشان ما يجي أجنبي ونقعد نجرب ولا يتأقلم وغير كذا ،ياسر والصويلح للمنتخب والجمعان مستواه منخفض و سامي لسه مارجع للتشكيلة مابقى إلا الخراشي ، لكن من باب أولى استعارة المهاجم المبدع (مالك معاذ) وخاصة في طريقة لعب 4-5-1 فهو مناسب جدا لهالطريقة و سيفيدنا جدا بالأسيوية ، أو الحارثي إذا وضع اسمه على قائمة الانتقال..


صالح بشير وعيسى المحياني لن يفيدو النادي صالح بشير نصراوي ومزاجي ، أما المحياني فلا ينفع لطريقة بيسرو أبدا سيضيع لو لعب وحيدا..


لكل من رشح غير الدعيع في استفتاء أفضل لاعب ، للأسف ظلمتوا الأخطبوط..


ياسر استحق نجومية المباراة ولكن طارق التايب أعتقد إنكم بالغتوا بردة الفعل فمن تمريرة أصبح أفضل لاعب للمباراة وهو لم يلعب سوا 30 أو 20 دقيقة فقط ، لكن الدعيع اللي صد إنفراده وصد كم هجمة كانت المفروض تكون هدف وتخبط من مهاجهمين الاتفاق لين قال بس لم يستحق النجومية ، عجبي على جمهور يطير بالعجة ..


العبدالسلام أثبت أنه ظهير أيمن ممتاز وتغطيته الدفاعية ممتازة و إن شاء الله مع الوقت يثبت نفسه أكثر وأكثر..


الكثير طالب بمدافع بجانب تفاريس سواء محلي أو أجنبي ، ياناس الهليل أكثر من رائع في التغطية وخاصة جوا ال18 ، و المفرج قادم إن شاء الله و لدينا مدافعين شباب في الأولمبي مبدعييييييييييين و ينتظرون الفرصة ، فمن أولى بوجهة نظركم؟


ما أدري وش قصد بيسرو لما يطلع بدر الدوسري في أخر المباراة ويدخل بداله محور ثاني مرة الغنام ومرة البرقان ، يوم الحزم ودخل الغنام قلنا يبي يتأكد من جاهزيته ، لكن ليه دخل البرقان ؟؟ الدوسري لاعب صح ومغطي و تمام، من باب أولى طلع قوارو ودخل الخراشي لتعزيز الهجوم وإضافة هدف أخر (وجهة نظر)..


ياجمهور الشرقية طائرة الهلال محتاجتكم اليوم ، وجمهور الشرقية ما يقصر..


المدرب بيسرو له فكر كبير مرة و أنا بصراحة متفائلة فيه و إن شاء الله بحول الله راح يسعدنا كلنا..


آآآآآآآآآآآآآآآآآآآآآه ياياسر لعد تعودها وتصاب مرة ثانية..