[حبيبي توتي]

السلام عليكم ورحمة الله وبركاته


كيف حالكم شباب والله حبيت اشاوركم في جامعة الملك سعود بخصوص الاقسام وش اختار منها لان ماعندي خلفيه عنها

والاقسام هذي هي


كلية العلوم الإدارية>>> الاقتصاد

كلية العلوم الإدارية>>> المحاسبة

كلية العلوم الإدارية>>> العلوم السياسية

كلية العلوم الإدارية >>>الأنظمة

كلية العلوم الإدارية >>>إدارة الأعمال

كلية العلوم الإدارية>>> الإدارة العامة


كلية الآداب >>> لغة إنجليزية

كلية اللغات والترجمة >>>اللغة الإنجليزية

مع العلم اني شرعي واتوقع ان الاقسام هي احسن شيء للي عنده علم ارجوا ان يفيدني الله يعطيكم العافيه

وش اقتراحاتكم

[نـــــــ15ــــــمر]

مسكه معك اداره وانجليزي
الله يوفقك يا رب

للاسف ما اقدر افيدك

لاكن الله يختارك ويوفقك للي فيه الخيره

تشـــــــــــــــــــــــــــــــــــــــــــــــــــــــــــــــــاو

[حبيبي توتي]

إقتباس الرسالة الأصلية كتبت بواسطة نـــــــ15ــــــمر مسكه معك اداره وانجليزي الله يوفقك يا رب للاسف ما اقدر افيدك لاكن الله يختارك ويوفقك للي فيه الخيره تشـــــــــــــــــــــــــــــــــــــــــــــــــــــــــــــــــاو

مشكور اخوي على مرورك الله يعطيك العافيه


بس والله ياخوك شرعي >>>>> تخصصاته واجد


مافيه الا ذا التخصصين الي اتوقع انها زينه ولها مستقبل

واللي يقدر يفيدني لايتردد الله يعافيه



وتقبلوا خالص حبي واحترامي
°•°ابو فيصل°•°


سبحانك الله وبحمدك ..اشهد ان لا اله الا انت استغفرك واتوب اليك

[عاشق الفيلسوف 15]

حبيبي توتي ممكن اعرف النسبه عشان افيدك .

[حبيبي توتي]

اخوي انا نسبتي 91 وشوي

شرعي

[عاشق الفيلسوف 15]

حلو أخوي حبيبي توتي ،

نسبتك ان شاء الله تقدر تدخل اي قسم تبيه

بحكم أني متخرج من قسم القانون مع وقف التنفيذ .


اذا كنت أنسان راعي دراسه عليك بقسم (( القانون ،، والمحاسبه )) أفضل قسمين ووضائفهم متوفره .

واذا قدرت تتخرج بتقدير جيد من هذين القسمين ، أقل وظيفه راح تحصلها 6500 ريال .

اما اذا حصلت على تقدير مقبول راح تحصل وظيفه بحدود 5000 ريال أو على حسب واسطتك ..

اما اذا كنت شخص تذاكر ليلة الاختبار فعليك بقسم إدارة الاعمال (( دكاتره عسل ، قسم حلو ، دراسة سهله ))

من عيوب قسم القانون ، (( الدكاتره معقدين )) وتعامل سيْ

ومن عيوبه أن أكثر مواده مواد تخصص ، بعكس الاقسام الاخرى .

[حبيبي توتي]

إقتباس الرسالة الأصلية كتبت بواسطة عاشق الفيلسوف 15 اذا كنت أنسان راعي دراسه عليك بقسم (( القانون ،، والمحاسبه )) أفضل قسمين ووضائفهم متوفره . .

المحاسبه حلو ويمدحونه اذا جيت ابسجل ابحط اول شيء محاسبه

إقتباس واذا قدرت تتخرج بتقدير جيد من هذين القسمين ، أقل وظيفه راح تحصلها 6500 ريال . اما اذا حصلت على تقدير مقبول راح تحصل وظيفه بحدود 5000 ريال أو على حسب واسطتك ..

والله حلو

إقتباس اما اذا كنت شخص تذاكر ليلة الاختبار فعليك بقسم إدارة الاعمال (( دكاتره عسل ، قسم حلو ، دراسة سهله ))

والله ليلة الاختبار ويالله يالله بس القانون يعني ماودي به

إقتباس من عيوب قسم القانون ، (( الدكاتره معقدين )) وتعامل سيْ ومن عيوبه أن أكثر مواده مواد تخصص ، بعكس الاقسام الاخرى

القانون لا خلاص ماعاد ابيه



ترتيب الاولويات

1 - محاسبه

2- علوم سايسيه

3 - انجليزي >>> بس اي شي لغات ولا اداب الزينه:sad:

[حبيبي توتي]

خلاص الانجليزي كنسلته >>>> يبون 87 من وين اجيبها


يعني الانجلزي باي باي احسن خلني ارتاح منه :sad: :sad:


والرغبات الثلاث الاولى


محاسبه
علوم سياسيه
اقتصاد

وش رايكم حلوه ولا لا

لاحد يقولي على حسب الرغبه الرغبه والله ماودها بالدراسه

[abo-s3ood]

هلا اخوي.. حبيب توتي

الفيلسوف كفى و وفى وماراح ازيد على الي قاله .. بس عندي شي بسيط اتمنى انو يفيدك حبيب قلبي

على حسب رغباتك .. اسمع نصيحتي لك

عليك بالمحاسبة ولا تردك الا هي ... بس شوووف وانا اخوك ترى القسم يبيله عقل مفتح على الاخر مو مقفل

وانت استخير لربك .. والله يوفقك

وبالنسبة لمجالات توظيف المحاسبة ... مافي مكان في الدنيا الا فيه محاسبة يعني مجالات العمل كثيييرة وكثييييرة

[عاشق الفيلسوف 15]

إقتباس والرغبات الثلاث الاولى محاسبه علوم سياسيه اقتصاد وش رايكم حلوه ولا لا

أخوي توتي نصيحتي أن تشيل من بالك علوم السياسه ، ماله مستقبل ، إقبال الطلاب على القسم ضعيف ، أخر قسم يتم اكتفائه من الطلاب .

الرغبه الاولى حلوه مرررره . (( المحاسبه ))

أنا أشوف الرغبه الثانيه (( بكلية التربيه ، قسم تربية خاصه ، قسم حلو ويشترط تقدير امتياز ))

والرغبه الثالثه عندك ادارة أعمال أو ادارة عامه .

نصيحة أخويه أبعد عن قسم السياسه ، لعدم مستقبله
وابعد عن قسم الاقتصاد (( لصعوبته )) ويمكن باقي أخواني الاعضاء يشاركوني برأيي .

[iq1399]

ممكن اعرف ليه علوم سياسية ماله مستقبل ؟؟


انا احس اني اميل للقسم هذا واتمنى اسجل فيه ... بس هم يبون نسبه 87 وانا نسبتي 83 ... والحين ادور فيتامين واو علشان يدخلني هالقسم



ياليت اللي عنده خلفيه عن القسم يعلمني ... وش مواده ووش وظايفه بعدين

[حبيبي توتي]

إقتباس الرسالة الأصلية كتبت بواسطة عاشق الفيلسوف 15 أخوي توتي نصيحتي أن تشيل من بالك علوم السياسه ، ماله مستقبل ، إقبال الطلاب على القسم ضعيف ، أخر قسم يتم اكتفائه من الطلاب . إقتباس والله انا مدري عن علوم سياسيه بس شكلي ابغيرها الرغبه الاولى حلوه مرررره . (( المحاسبه )) أنا أشوف الرغبه الثانيه (( بكلية التربيه ، قسم تربية خاصه ، قسم حلو ويشترط تقدير امتياز )) والرغبه الثالثه عندك ادارة أعمال أو ادارة عامه . نصيحة أخويه أبعد عن قسم السياسه ، لعدم مستقبله وابعد عن قسم الاقتصاد (( لصعوبته )) ويمكن باقي أخواني الاعضاء يشاركوني برأيي .

يعني الاقتصاد صعب

طيب قسم الاقتصاد مستقبله حلو ولا

إقتباس الرسالة الأصلية كتبت بواسطة iq1399 ممكن اعرف ليه علوم سياسية ماله مستقبل ؟؟ انا احس اني اميل للقسم هذا واتمنى اسجل فيه ... بس هم يبون نسبه 87 وانا نسبتي 83 ... والحين ادور فيتامين واو علشان يدخلني هالقسم ياليت اللي عنده خلفيه عن القسم يعلمني ... وش مواده ووش وظايفه بعدين

اخوي دور فيتامين واو وتنقبل ان شاء الله

بس علوم سياسيه الشباب مايمدحونه

[قوي الباس]

انقليزي يابطل .. و لانه اكثر وظايف واضمن مستقبل ..
و اذا قدرت تدخل تسويق ترا حلوو كثير و مستقبله مضمون .

[الهنوووف]

اداراه اعمال
محاسبه


انا علمي وافكر ادخلهم

[افتخر بالزعيم]

شوف يااخوي ان كنت بالرياضيات تمشي حالك ماعليك

فأنصحك نصيحة اخو عليك بقسم المحاسبة لانه من اكثر الاقسام في فرص التوظيف

اما ان كنت بالرياضيات مو مرة فانصحك بدخول ادارة اعمال لانه يحتل المرتبة الثانية بعد المحاسبة

اما الاقتصاد ماانصحك فيه لان فرصة بالتوظيف اقل ودكاترته معقدين شوي

بالتوفيق اخوي