[R a k a n]

الـ سلام عليكم وصبحكم الله بالخير ..

جميعنا سمع أخبار المحاكمه أمبارح وبعض الناس قال عادله والبعض يقول لافيها ظلم والبعض الآخر يقوول لا نص ونص ..

يعني كلن يقدر بحسب استفادة فرريقه من عدمه .. ( يالبيه ياروما )

عـ العموم الحكم كان كذ
ا ..
يوفي هبوط للسيريا بي مع خصم 30 نقطه .. يعني لو خلوها للسيريا سي كان أرحم لأنه ممكن كذا يهبط بعد للسي ثم يروح فيها وننسى هـ الشيء اللي كان أسمه يوفي ..

بعده الفيولا .. هبوط ايضاً .مع خصم 12 نقطه .. يعني ممكن يرجعون بـ سررعه ..

لاتسيو برضوه للبي -بخصم 6 نقاط .. يعني رجوعهم مؤكد ..

الميلان ثاني أقوى المتهمين بعد اليوفي بقاء مع خصم 44 نقطه مدري وش تبي من الموسم اللي راح و15 للموسم الجاي وحرمان من الشامبيون ..


وروما والانتر شرفاء خخخخخخخخخخخخخ


على العموم الجميع ماكان متوقع هبوط الفيولا ولاتسيو وبقاء الميلان .. مهوب كلامي ترى كلام الجميع بمن فيهم الطليان انفسهم ..


لو تسأل أي واحد يعررف الكالتشيو زين .. عن التلاعب والتحكيم والرشاوي .. على طول بيقولك اليوفي وميلان بدون أي تفكير .. مقرونيين مع بعض يعني كل واحد مكمل للثاني ..

وصدر الحكم بأستغراب وذهوول من الجميع وكانت الفاجعه ببقاء الميلان .. مع أنه ثبت رسميا تلاعب مياني ..هذا الميلانيين يقولون ماله دخل أوكيه لعيونكم ماله دخل _ طيب جالياني وش يصير بعد ماله دخل مثل الحارس ايام الثمانينانت ماله دخل في الفرريق .. للمعلووميه تراه أعتررف بكل شيء .. والمصادر موجوده عندي في رابطة الذئاب في الرومانيستا .. بحاول اجيبها عشان يكوون كلامي موثق .. يعني صارو اثنين متورطين في القضيه . وفضائج جامده
وموثقه ..

خلوكم من الفيولا الحين .. لاتسيو المساكين .. الجميع يعررف حالتهم .. ديوون وغثاء ومالهم ومال التلاعب والتحكيم
وشخص واحد متهم في القضيه والجميع يعني بصراحه يشووف ان لاتسيو ماأستفاد أي شيء بتاتاً .. ومع ذلك نتفاجأ بالهبوط لهم ياللهووول

يعني لاتسيو يهبط والميلان على كل اللس سوواه يجلس .. ( لأحد يجيبي من الميلانيين يستظررف ويقوول وش سوا الميلان ) ترى كف على طوول

اليوفي حصل فعلته بسبب موجي على قولة الميلانيين ان جالياني ومياني مالهم دخل وتصررف شخصي أجل موجي واللي كان معه تصررف شخصي وش دخل اللاعبين ...

وبعدين جماهير اليوفي مقتنعه ومسلمه بالأمر حتى اللي هناك في إيتاليا مسلمين بالأمر ويقولون نبي البي ماله سنع السي ..

صراحه رغم كررهي لليوفي لكن قسم بالله مالها سنع حركات الشميسي اوكيه انا كنت ابيهم يهبطون للسيريا بي صرراحه ..متوقع سنه وراجعين بس بينظبطون يعني موجي برا ولاعاد فيه لف ولادوران وهذا من صالح الجميع ..

لكن هبوط للبي مع خصم 30 نقطه يبلهم بواقعيه أقل شيء أربع سنوات والظاهر بيجيهم ماجاء تورينو ونابولي والشله .

الميلان أوكيه لو كانت الـ 44 نقطه للموسم الجاي كان نقدر نبلعها شووي .. بس في موسم رااح ومع ذلك قرار لحاله حرماتهم من الشامبيون ..

ويجيك واحد من الميلانيين لا الميلان مظلووم .. خخخخخخخ

قسم بالله شيء يقهر ياجماعة العشيره


خصوصاً اذا علمنا ان الميلان له سوابق في هالحركات وقد هبط في فترتن ماء من الزمان .. خخخخخ



برايفت / للأعضاء اللي بيردون وبتناقشون في الموضوع .. الأحرتام أهم شيء عندك كلام في صلب الموضوع تفضل ماعندك بـ سلامتك ..

ردود خارج النص ماابيها حتى لو مثل ينطبق على الحاله ماابيه .. لحد يستظرف ويجي على باله الضباع وسباع و و وو و

عجزنا وحنا نعلم المشكله انهم شيبان مهم بزران قسم الواحد يستحي يقوول مثل هـ الكلام بس وش نسووي ماامداني كاتب موضوع وجاي ابرد عليه الا الموضوع مقفل .. أنا وش دخلني اذا شفت اني اخطيت حرر كلامي اخطيت مرره ثانيه وقفني يوم يومين .. اما بدون سبب ماتنبلع ذي ويقفل موضوع كامل اخووي بسبة واحد قط كلمتين يمكن عشان هـ الاساس يبي الموضوع يتقفل وخلاص ..

حتى الردود اللي على شاكلة شكراً _ يعطيك العافيه _ بالتوفيف لجميع الفررق _ يقتبس من أحد ويقول تعجبني .. ألخ مابيها تزويد مشاركات عـ الفاضي ..

عندك شيء تود بطررحه تفضل مشكوراً لامأمورأ


وأخيرا .. بحبكو كلوياتكووو خخخخخخخخخخخخخخخ


* * ولا اشووف حقين البريمر والليقا يجوون يتشموتون يقط كلمتين وفالاخير يقوول يازين البريمر .. .. ترى والله لـ علم عليكم ميلانيللو

للمعلوميه / الجميع مخوول للرد على أي عضوو وأي جمله يراها ولكن بأنتظام لكي لايتشعب الموضوع ويتلخبط ..