[المشذاب]

سلامات ياهلاليين ؟؟

سلامات ياجوال الهلال ؟؟

وين تحفيز الجمهور وين الرسايل اللي امتلاء جوالنا منها يوم مبارة الاهلي ؟؟

سلامات من جد سلامات ؟

برود عجيب والبعض يقول انه اصابه الاحباط بعد ايتو وان الاتحاد بيكوش على البطولات

يا شيخ روح والله لو يجيب رونالدينهو حرام بالله حرم الدم ان يصير الاتحاد زي الفارة بالرياض ..

من جدكم انتم ؟؟

ترا الاتحاد زي الفارة اذا قابل الهلال ..
و
اقسم بالله يصير فأرة من الخوف .. وانتم ابخص بالانفعالات حقات شلة الانبراش والاحتجاج من زود الذراقه ..
ترانا فايزين عليهم بالاولمبي العام الماضي ..

وبنطلعهم من المربع بعد هالسنه هذي ..

آآخ والله اني اتمنى يفوز الاتحاد ..



ياعمي بلا اتحاد بلا اهلي بلا خرابيط انديه ..

قم انت وياه المدرج ينادينا .. عندنا مبارة قدام مارشال ..

يله الملعب ينادي والهدف الاسيوية بإذن الله ..

يله ياحقوي نبي نهز الملعب هز ونفرج العالم منهو الهلال ...

دقائق وسوف اتجه بسيارتي من عنيزة الى الرياض ومعي اربعه زعماء + نصراوي بيساند الهلال ..

قم ياشيخ ترا هذي نهاية الموسم واي هزيمة وتخاذل تعني خسارة بطولة ..

اجيك ياهلال يسلم راسك وشلون ما اجيك ...


يله ياشباب واتركوا عنكم البرود .. وعذرا للاسلوب العامي اللي مثل وجهي لكن من زود الحماس ..

نلقاكم بعد المبارة ان شاء الله ..