 | إقتباس |  | | |  |
الرسالة الأصلية كتبت بواسطة كاكاو |  | | | | | | | | |
اخوي ياسر انا بنتقد على طول اولا ليش ما فيه عضو يمثل مجلس الجمهور الهلالي هنا في المنتدى عشان نقدر نوصل له افكارنا ولا تقول لي ان انتم تقرون اللي يكتب في المنتدى لان فيه مواضيع ممتازه ولكن تضيع مع الزحمه ومحد يقراها عشان كذا يا ليت يكون فيه لكم ممثل هنا في المنتدى عشان نقدر نتواصل معه . ثانيا مسأله ان فيه ناس ينتقدون وما يحضرون المعلب فما هو عيب خاصه اذا كان النقد منطقي وبناء ولا تنسى ان ابو سلطان بنفسه غاب عن بعض المباريات فهل هذا يعني ان ماله حق في النقد انا في وجهة نظري الهلال ملك للجميع وكل واحد له الحق في النقد بشرط ان النقد يكون هادف وفي حدود الادب . ثالثا انا وبعض الاخوان هنا في المنتدى كتبنا الكثير وناقشنا الكثير من احوال مجلس الجمهور الهلالي وتطرقنا للكثير من الافكار الجميله والجديده وطالبنا فيها ولكن محد رد لنا صوت وحتى محد ناقشنا لا منكم ولا من مشرفين المنتدى واذا حبيت اعطيك الافكار فأبشر رابعا وهو الاهم مجلس الجمهور الهلالي غير منظم غير منظم غير منظم وبسبب غياب التنظيم خسر المجلس الكثير من عمله الكبير من دون فائده وانا في وجهة نظري لو تم تنظيم المجلس ( طبعا في عمله في الملعب) راح يتغير الوضع خامسا انت تقول ان العمل تطوعي في المجلس وصدقني يا اخ ياسر حنا نعرف المجهودات الكبيره اللي تقومون فيها ومقدرينها لكن حنا طماعين ونبي الافضل ونعرف اننا نقدر على الافضل خامسا هل شاهدت نهائي الكأس في الامارات الشقيقه اذا كنت شاهدته فراح تعرف الفرق الكبير بينا وبينهم وراح تشوف الاستعدات الكبيره اللي سووها قبل المباراة على سبيل المثال لا الحصر البالونات اللي خلف المرمى ومكتوب عليها الزعيم او الملك شكلها رائع جدا قصاصات الاوراق اللي انبحت اصواتنا وحنا نطالب فيها وما اعتقد ان العين والشارقه افضل منا . القنابل الدخانيه اللي اشعلوها عند دخول الفريقين وبعد الاهداف شكلها رائع الشعارات الكبيره والمطبوعه على قماش او ورق فاخر واللي علقوها على جنبات استاد زايد قبل المباراة وعليها عبارات عن النادي . اخوي ياسر في الاخير تقبل نقدي وانا جاهز للمساعده في اي شي تطلبونه اذا كان باستطاعتي اهم شي اننا نقدم فريقنا بالشكل اللي يليق نبهر الناس مو الناس هم اللي يبهرونا | |  | |  | |
اخوي حماسك وكلامك يدل على ان النادي فيه رجال وكوادر ممتازه
واحب اوضح لك بعض النقاط\:
1) فيما يخص وجود عضو مايحتاج لان اكثر الرسميين في مجلس الجمهور اعضاء في المنتدى وابولما المشرف واحد منهم وابراهيم حقوي رئيس الرابطه
2 ) فيما يخص انتقاد الاستاذ ياسر في الجمهور اللي مايحضر ماعمم بل خصص اللي جالس في البيت ومايواجه الصعوبات اللي يواجهونها اعضاء المجلس مع الامن وادارة الاستاد والجمهور الغير واعي وهم اكبر مشكله.
3) فيما يخص الدوري الاماراتي والنهائي احب اقولك الحب او الفصفص ممنوع يدخل تبي يدخل مفرقعات!!!!
ولو تجي يوم تشوف الامن وش يسوي بالجمهور واحيانا اعضاء المجلس ماتلومهم
ياخي ابسط شي العلم ملاعبنا الوحيده في العالم مالها عصا ! اما البولاين التكلفة الماديه كبيره اعتزال يوسف كلفت مبلغ وشغل 5 ايام متواصله يعني تحتاج تفريغ مكان داخل الملعب والنوم والاكل فيها تحتاج اللاف البالونات
4) اما بالنسبه للاقمشه والصور ممنوعه بقرار من الرئيس العام واعتزال يوسف خسر النادي 40000 ريال لان القرار نزل قبل الاعتزال بيومين فقط
اخيراً احب اشكرك على اهتمامك واتمنى بانت الصوره
للمعلوميه انا كنت زيك انتقد لكن عايشت الوضع لقيته صعب صعب لان الاطراف اللي فيه تختلف اقصد الامن والمباحث وادارة الملعب..واللي يقومون فيه مجلس الجمهور متفوق حد الامكانيات المتاحه
ياسر الطلاسي : مجلس الجمهور لكم أنتم والنهائي يحمل الكثير من المفاجآت 
رد:ياسر الطلاسي : مجلس الجمهور لكم أنتم والنهائي يحمل الكثير من المفاجآت 
الوضع المتطور
