تكفون يارجال الأزرق تكفون (قصيدة) - نادي الهلال السعودي - شبكة الزعيم

سامي (188) · #1 04/04/2006, 08:04 PM

بسم الله الرحمن الرحيم
يوم الجممعة القادم يوم مصيري لكل الهلاليين فهو يعني اما مواصلة الهلال خطف البطولات واحدة تلو الأخرى وإما ايقاف الزعيم عن لعبته المفضلة
لذلك يجب علينا كجماهير مخلصه لناديها ملئ مدرجات استاد الملك فهد الدولي عن بكرة أبيها هذا اذا كنا نريد من الأزرق تحقيق البطولة!!

في الحقيقة أنا لست بشاعر ولكن أردت ان اشارك اليوم بهذه القصيدة المتواضعة دعما للأزرق لذا أتمنى العذر من شعراء الزعيم المميزين إن كان هناك أخطاء في القصيدة.

تكفون يا رجال الأزرق تكفون
نبي نشوف الكاس بيديكم تشيلونه
نبي نضحك ونفرح ونملئ الكون
ونصرخ بأعلى الصوت: هذا الأزرق لا تحدونه
نبي الناس تدري الزعيم من يكون
نبي نرد على اللي يحاربونه
نبي بعد خمسة بطولات تواصلون
تجيبون السادسة والمشوار تكملونه
نبي بكاس الملك وولي العهد تفوزون
وبعدها الكاس الآسيوي تحققونه
ولكم منا يوم النهائي تشوفون
استاد الملك جماهير الأزرق يملونه
جماهيرنا إذا بغوا يحضرون
سبعين ألف ما يحضرون دونه
جمهور يشجعون يساندون ويرعبون
والخصوم كلهم يهابونه
حتى فلنسيا لنا يشهدون
يقولون الأزرق كل هذولا يحبونه!!!
وأنا متأكد أن يوم الجمعة بيكون
يوم جماهير الأزرق ما ينسونه
دام سامي الكابتن الفوز مضمون
وبوجود ابو فيصل البطولة مضمونه
وباقي النجوم كلهم في العيون
وبوجودهم في الأزرق (يحلَونه)
يارب تحمي الأزرق من كل العيون
وتعطي جمهوره كل اللي يتمنونه

وسلامتكم