[ABU YA3GOB]

بسم الله الرحمن الرحيم

هاردلك للهلال وإن شاء الله الجايات أفضل ...

بعيد عن التعصب ونلوم شخص معين ... الهلال ماهو الهلال اللي نعرفه أيام باكيتا ...

من يوم جا كاندينيو والهلال متدهور ... أنت مدرب جديد على الفريق أقل شي تسويه تتكلم مع المدرب السابق

وتحاول تاخذ منه اللي ينفع الفريق ... لما كان الكسندر مدرب الهلال في كأس الأمير فيصل كان الهلال يقدم مستويات

أفضل من الآن ...

والله لو الهلال مباراة أمس قدم مستوى ولكن ما توفق في النتيجة ما أحد تكلم ...

بسألكم الفريق أمس قدم مستوى ؟؟؟

هل هذا مستوى نواف التمياط ؟؟

هل هذا مستوى كماتشو ؟؟

الغنام ؟؟ الخثران ؟؟

سامي ؟؟

المفرج ؟؟

ما راح أذكر الأسامي كلها لكن ما أتوقع هذا مستوى اللاعبين اللي ذكرت

وين انطلاقات التمياط ... وين تمريرات كماتشو .. وين صنع سامي للأهداف ...

وين تغطية المفرج القتالية .. وين النزعه الهجومية عن الخثران ...

أنا ضربت مثال فقط لبعض اللاعبين ...

أنا ما ودي أقول شي في العنبر لأني بصراحه اعتبر الهلال أمس يلعب بعشرة لاعبين ...

بالنسبة للمدرب .. أنا اتوقع إن المدرب ما يدري إن الإداره دفعت الملايين عشان ياسر وجيوفاني ...

لو سألت أخوي الصغير وش تشكيلة الهلال المفضله عندك .. أول لاعبين راح يذكرهم جيوفاني و ياسر ..

وهو توه صغير ما شاف جيوفاني وياسر إلا مع الهلال ...



أنا اتوقع مستوى اللاعبين أمس مقصود والهزيمه مقصوده ... اللاعبين ما يبون المدرب ...

وهذي عادات لاعبين الهلال إذا ما اعجبهم المدرب .. أنا اتوقع لو الكسندر يدرب الفريق ..

راح يرجع الهلال لمستواه الطبيعي ...

لاحظت أمس بعد مباراة الهلال ... مدربنا الذكي رايح للاعبين الاتحاد وحاط محمد نور تحت يده ويسولفون ويضحكون ...

ولا معبر الهلال ولا الهزيمه اللي صارت ...



أنا أمس حضرت المباراة ... وهي أخر مباراة أحضرها هذا الموسم ...

أتوقع متابعة الدوريات الأوربية أفضل بكثير من متابعة الهلال ...

ما أقول إلا على الهلال السلالالالالالالالالالالالالالالالالالالالالالام



نشوفكم الموسم الجاي