[نواف وينك]

آه آه آه يالقهر يالزعيم ليه سويت فينا كذا ليه والله شعور صعب .... حتى أن أحد المشجعين صرخ في ملعب القطاره بكلام تضايقنا منه كلنا وكاد ان يتشابك معه ولد عمي حيث قال ( انا غلطان اني جيت ) والله ياناس الزعل مو عشان خسرنا ، الخساره وارده لكل فرق العالم ومن فرق أقل منها ولكن الهلال وقتها كان مو مؤهل ان يفوز وبس بل مؤهل ان يكسب بنتيجه كبيره للفارق الكبير بين الناديين مع احترامنا لفريق العين وحتى لو حضر منتخب الامارات وزاد معه منتخب قطر والكويت وعمان والبحرين فالزعيم هو الزعيم ولكن ماحدث شي غريب عجيب وغير منطقي اطلاقاً فالمستوى كان أسوء من السىء وهذا ما حز في خاطرنا وخاطر بعض الاخوان الاماراتيين الذين حضروا لمسانده الزعيم .
فوائد رحلة الامارات:
1ـ الزعيم الاسيوي ( هلال أسيا) والله ياناس بدون مجامله له شعبيه غيررررررر طبيعيه بالامارات وخاصتاً من نادي الوحده فجميع جماهير نادي الوحده جميعهم الذين قابلناهم يشجعون الهلال ؟؟؟ لا ويعرفون تفاصيل دقيقه مثل عن عودة تركي الصويلح واستبعاد ياسر الياس وعدم مشاركه بدر الخراشي وعبدالله الجمعان ؟؟؟
2ـ كانت فرصه رائع للتعرف على الامارات عن قرب فمدينة العين مدينه صغيره لكن جميله ومليئه بالنخيل والغريب فيها ؟؟ ان نادي العين له ملعبين بالمدينه في منطقتين مختلفتين بعيدتين عن بعض ليه مدري ؟؟؟؟
3ـ بعد نهاية المبارة ومن ضيقة الصدر على (المستوى مو النتيجة ) دخلنا عمان ؟؟؟ بدون جوازات بدون شيء ؟؟ لان هناك منطقة اسمها( البريمي)قريبه من مدينة العين .
4ـ كلمة حق تقال ( الف الف الف شكر ) لاخوانا الامارتيين على معاملتهم الرائعه لنا وخاصتاً افراد الشرطه.
5ـ الف الف شكر لزعيم اسيا الي عطانا فرصه لنتعرف عن قرب على دولة الامارات حيث قمنا بزيارة كلاً من ( ابوظبي ـ دبي ـ الشارقة ـ عجمان ـ ام القوين ـ العين ) وعلى سماح المدير لي ولثنين من الشباب بالاجازه حيث ان مديرنا هلالي ولما قلنا له بنروح نساند الهلال في مبارة العين اشترط علينا انه يشوف تذاكر السفر اول ولما شافها وقع على الاجازه ( آه يالهلال ) حتى المدراء مخلصين لك .
6ـ اخر يوم لنا باالامارات يوم الجمعه الماضي كانت اذعة دبي أف أم مقابله الفنانه احلام وسؤلها عن أخر اخبارها فقالت :ان يوم الاربعاء الماضي يوم سعيد بالنسبه لي وذلك لفوز العين على الهلال السعودي وقالت حنا فزنا عليهم ثلاث مرات ونبي نفوز عليهم بالرياض ؟؟؟؟؟؟ يعني حنا الزعيم وعمر الخسران مايكون زعيم وقالت بهذه المناسبه بهدي الزعيم العيناوي أغنيه وغنت اغنيه خاصه بنادي العين قد غنتها قبل (بس انا أبغى افهم وش علاقة اخر أخباراها بفوز العين على الهلال ؟؟؟ احد يجاوبني )
ياشباب خلو ثقتكم بالله ثم بابوسلطان والاعبين كبيره (فاالبطولات) نجوم الزعيم هم من يحققوها وليس المدربين ( بس بيني وبينكم المدرب من يوم جاء والظغط عندنا فوق فوق هام السحاب الازرق )
بس باذن الله تعالى رب العزة والجلال وبحوله وقوته بنصعد للدور الثاني للبطولة الاسيويه ووقته باذن الله راح أهدي وفي جميع القنوات الفضائيه هذا الفوز للفنانه احلام حتى تعرف من هو الزعيم

أخوكم : نـــواف ويــنــك