[أباقصي]

السلام عليكم
الحقيقه حبيت اعرض عليكم تجربه واقعيه بعد استخدامي للسياره وبمصداقيهك
السعر : 220 الف ريال
الفئه المستهدفه: الباحث عن سياره سيدان فخمه رياضيه قويه
المنافسون:
البي ام الفئه الخامسه وبالتحديد 545
الاودي الايه 6 الكواترو
المرسيدس الاي كلاس الفئات فوق اي 320
الكاديلاك الاس تي اس 8 سلندر
الجاجوار الاس تايب
الانفينينتي الام 45
في البدايه السياره مرنه جدا على الطريق وبثبات رياضي غير طبيعي
تحكم قوي بالقياده ونعومه على الريق
طبعا البعض يقول ان السياره صوتها شوي مزعج والسبب مو بالسياره السبب ان الجنوط والكفرات الرياضيه تحدث صوت رياضي يمتع اصحاب المزاج الرياضي وبامكان اي احد مو عاجبه الصوت يغير الكفرات لكفرات عاديه
طبعا صوت الماكينه مافي برغم قوتها إلا انه هادئ جدا على قولهم الهدوء اللي يسبق العاصفه
طبعا التصميم الداخلي واللمسات اللي بالداخل لا تنقصها اي شي اي شي تتمناه موجود بالسياره من الالف للياء وبفخامه تليق بمكانة السياره
طفشتكم بالكلام عن السياره
لكن
اخيرا احب اقول ان السياره عليها مكينه 8 سلندر 300 حصان
من صفر الــــى 100 كلم في 5.7 ثانيه
ولك ان تتخيل
اترككم مع بعض الصور للسياره
واي اسئله عن السياره انا حاضر