[سعد بن ناصر]

ياجماعة الخير كتبت اليوم موضوع عنوانه نواف .. باكيتا .. ومن سيرحل

ومأدري وين اختفى هالموضوع يمكن بلعه واحد من الربع

واقصد بكلامي ان المدرب باكيتا متاحمل كثير على نواف التمياط ومو داخل مزاجه

والمباراة الاخيره لعبه بعد ان تدخل محمد بن فيصل لتقريب وجهات النظر

ولكن اذا المدرب من الاساس مو معجب باللاعب ولا مقتنع فيه راح تضل المشكله مستمره

واكبر دليل على كلامي انه مستعد يجامل كماتشو والغامدي على حساب نواف والغنام

حتى لو كان كماتشو رائع فنواف اروع

والغامدي حدث بلا حرج دافن الغنام ومو معطيه فرصه ابد والغامدي قدم كل ماعنده وتوقف عند

مستوى معين والغنام صغير تقدر تستغل صغر عمره في عطاء مباراة كامله مو مثل الغامدي شوط

واحد حرام عليه

والان المصيبه كبرت وصار في تجنبي ثالث برازيلي (جيلسون) واتوقع انه راح يشغل خانة الوسط الايمن والوسط المتقدم يعني هو وكماتشو راح يتبادلون المراكز مع ان كماتشو يأدي اكثر شي بجة الوسط المتقدم والوسط الايسر يعني في اليمين راح يكون مقيد كثير بينما نواف يأدي في الوسط المتقدم واليمين راح يكون على دكة البدلاء = افضل لاعب اسيوي عام 2000 = على دكة البدلاء الى ان يدفن ؟؟

بصراحه انا اتمنى من الادارة الهلالية ان تنظر لوضع نواف ابن النادي وخادمه وخادم المنتخب يقتل بالطريقه هذي بسبب لاعبين اجانب بيرحلون في اي لحظه وانا ما اتمنى اشوف نواف بالقميص الاتحادي او الاهلاوي او اي فريق ثاني لأني تعودت عليه هلالي والمنتخب ولو يستغلون مثلا تجهيز نواف بالاحتراف العربي او الافريقي او الخليجي على اقل تقدير بس لايجلس في الاحتياط والا ينتقل من الهلال

ومابي احد يقول لي هذا نواف غير ونواف ونواف
نواف يبي يلعب عشان يستمر مستقبله ويؤمن مستقبله ماديا لايريد البقاء على الاحتياط سنتين ثم يعرض للانتقال ويكون الكل ناسي نواف

اتمنى اشوف نواف يلاعب الكره من المركز اللي ابدع فيه كثير وهو وسط مهاجم يدخل من العمق ويسدد ويصنع ويراوغ ..... هذا ابو بندر اللي نعرفه مو محصور في اليمين ونص شوط والا ربع

اتمنى باكيتا يقتنع بنواف بأسرع وقت لأنهم اثنينهم دواهي وياليت اشوف نواف اللاعب رقم واحد في تشكيلة باكيتا لأن نواف فعلا يستاهل الرقم واحد

وشكرا ولا اسف على موضوعي اللي اختفى