[Dr.M]

[align=center]بسم الله الرحمن الرحيم

مدخل
لما كنا نجلس مع اتحاديين أو نصراويين وكانوا يتمسخرون علينا ويقولون خلو الشيخ منصور يتصدق عليكم ..
وكان ردنا باعتزاز..
الهلال غني برجاله.. :sad:
ولكن للأسف أين رجال الزعيم ..
هل المقاعد الخالية في غرفة الاجتماعات هي هم..؟

أقول وبكل حسرة الله لا يعافي من كان السبب في ان منصور البلوي يتبجح ويقدم ربع مليون كهدية للهلال
الربع مليون يقدمها منصور للاعب من لاعبينه ..وكأنه يساوم على كرامة الهلال

مسكين يا منصور..
ما تدري إنه من حاولت اللعب معه هو محمد بن فيصل
هو ابو سلطان
كفو يا بو سلطان والله يخليك ذخر لنا..
يعلم الله ان حبي لهذا الرجل يزداد يوم بعد يوم
ويبدو ان منصور يحتاج لشوية "تسحيب" بعد ان ادمن عليه.. بعد سحبة ياسر العالمية

عملية حسابية بسيطة
س1:كم عدد اعضاء الشرف..؟
لا اعتقد انه يقلون عن 200 شخص
وكما هو معلوم ان اعضاء الشرف في الهلال غالبيتهم من رجال الاعمال والأثرياء"الله لا يغير عليهم"
فلو كل عضو دعم الهلال ب200 الف ريال فقط لا غير اصبح المجموع..: 20 مليون ريال

س2:كم عدد الجمهور الهلالي ..؟
أتوقع العدد ما راح يقل عن 8 مليون سعودي " أعلم ان العدد اكبر بكثير ولكن نقول مبدئياً "
الثمانية مليون كم واحد فيهم مستعد يدعم النادي..؟
الجادين راح يكون عددهم قليل جداً..
ولكن لو قلنا انه ما نبي من كل مشجع إلا 100 ريال فقط لا غير
اعتقد انه "بالراحة" راح يدعم النادي مليون مشجع..
إذا راح يطلع الناتج ..: 100 مليون ريال
100مليون+20مليون=120مليون ريال
وهذا المبلغ يساوي حاجة الهلال لخمس سنوات مقبله

السؤال البريء اللي يطرح نفسه..
القصة الخيالية اللي خرجت من واقع قهر يغلي في نفسي لو طبقت على ارض الواقع هل تجرأ البلوي أو غيره على التطاول على الهلال اللي سكته وهو ما يملك ربع هذا المبلغ..
أتمنى ان تطبق بطريقة منظمة جمع الدعم من الجماهير بطريقة سهله وممكن يتكفل في جمعها من الشرقية مجلس الجمهور الهلالي في الشرقية..
ومن الرياض في نفس مقر النادي..
وتعيين مندوبين في باقي مناطق المملكة مثل القصيم والمناطق الشمالية والجنوبية والغربية..
واعتقد ان الفكره يجب انه تأخذ منحنى جدي لأن 100مليون ريال مبغ لا يستهان فيه ولا اعتقد انه ممكن يتجمع بسهولة..
وما ادري انتم وش رايكم

خاتمه
ياسر القحطاني بدايته السيئة تبشر بالخير..
فهو لاعب يدل على انه صاحب امكانيات وأن كل ما يحتاجه هو فترة بسيطة من الوقت ليتأقلم مع جو الفريق..
وانه ليست مجرد "طفره" طلع فيها ياسر بعدين ينتهي ..
الكثيرين بصراحة اتحفونا برأيهم بياسر وانه فاشل رغم انه لم يلعب إلا ثلاث مباريات رسمية مع الفريق وحده فيهم نهائي
فكماتشو لم يحسم الدوري في أول مباراة
وتفاريس لقب في أول مبارياته بـ "مطاريس"
خالد عزيز طالب الجمهور بتنسيقة في وقت ادارة الامير عبدالله بن مساعد :p
المفرج كم وكم من السب والشتم جاء على رأسه.. :sad:
كل هذا وما انتوا قادرين تصبرون شوي على ياسر..عجيب امركم..


واعتذر جداً على الاطالة [/align]