[انا احب الهلال]

[align=center] سرى الليل يابو ثلاثه

8
8
8
هذا اللي يسمونه مدخل للموضوع ,,,

المهم..مالكم بالطويلة ,,,منيب عارف اسوي مقدمة عشان كذا ابخش على طول بالموضوع ,,

- شباب الهلال تفننوا , يمين يسار , غير الهلال لاتختار <<مالها سنع بس يقالي سجع

-لعب الهلاليون الشوط ألاول , بل مجمل المباراه بشكل أفضل من النصر , وخير دليل الرباعيه
-حارس الهلال شراحيلي , يجي منه , بس باين عليه أنه مرتكب كثير كثير , كابتن شد حيلك مرتن ثانيه
- الدفاع , يخوّف , شديد , نشبوا لأم ابو عصب (( ابو عصب هو العليان ))
- على طاري العلياني ياهو دقش العارضه دقشه , من قوي الدقشه قالت العارضه أي
الراجل جاي ينبرش على الكورة , والكوره راحت للحارس , والرجال مازال مكمل الانبراشه وهوووووبا بالعارضه , وبسم الله على العارضه
-حارس النصر في الشوط ألأول , مهوب مفهّي وبس :sad: الله يعين النصر عليهم , ومايمنع ذلك أننا ضحكنا عليه شوي
ترى حارس الهلال مهوب هاك الزود , بس عاد جايبينه بذيك القيمه , اكيد عنده شي
-فيه واحدن مدري وش اسمه , هو جناح ايمن مع الهلال , مهوب سحّب وبس , الا أكلهم أكلهم كواهم بكاهم
- على طاري الرابطه <<محد جاب طاريها يانصاب , المهم على طاريها <<بالغصب على طاريها وين رابطه الهلال , والله فرق لاهلال برابطه وبدون رابطه الله يوفقك يابو خليل .
- رابطه النصر جايبين واحد هو اللي يطق وهو اللي يغني وهو اللي يردد 3 ×1
-في لفته جميله من اللاعبين , بعد المباراه أتوا محيين للجمهور , صراحه حركه حلوه , نفتقدها في الفريق الاول
-ابخصص هالنقطه لمهاجم النصر العلياني (( من قدك خصصنا لك نقطه )) مهوب ضحكنا عليه وبس , الله يسعده ويخليه لاهله وعين ترجيه ((الحين فيه اثنين ضحكنا عليهم العلياني والحارس
-جمهور جيّد من قِبل الجانب الهلالي , ومٌُنعدم من قبل الجمهور النصرواي .
- تفاعل طيب من الجمهور الهلالي , لكن صدقوني لن يكون يكون بروعة الرابطه .
-حركه حلوه من اداره الملعب , أنهم فتحوا المدرج الاخضر للجمهور الهلالي , سعة صدر كراسي يالله من فضلك

ختاماً ابصلي العشاء , عن اذنكم


[/align]