[شموخ]

من المراريت طلعت بالموتر وفرفرة في شمال الرياض(واحد فاضي)
وفي جولة العصرية
شفتها مع مجموعة من زميلاتها معتزة بنفسها رافعة خشمها
رحت أدور حولهم وأخيرا تشجعت ووقفت عندها ونزلت وقعدت أشوفها وتشوفني
وأبتسمت لها ولكن هي ساكتة والسكوت علامة الرضى
المهم ركبت بجنبي في المرتبة الي قدام..
وبدينا ندور في ربوع الرياض بين خضرتها وجوها الربيعي
هذا كله وحنا ساكتين بس نظرات
قلت يا ولد خل نشغل شريط واحوس أدور بس ماش كله السيارة كسرات وفارس مهدي ومزعل الفرحان ..
بس الله ستر وولقينا شريط لراشد الماجد واشغل أغنية يا حبيبي
وفي جولتنا حول ربوع الرياض قابلنا من بعيد
ازرق أحمر ازرق أحمر ازرق احمر ازرق احمر
====> الله من البلشة تفتيش
ربطت الحزام والتفت للي بجنبي واقول لها أربطي الحزام بس لا حياة لمن تنادي
يمين يسار بس ماش ما قدرنا شايفه نفسها بزود
حاولت أرجع بس السيارات ورانا
جاااك الموت يا تارك الصلاة..
بس نزلت رحمة الله علي شافني الشرطي على نياتي .. قال أمش يا ولد
واقعد أقول الحمد الله .. أستغفر الله .. الله أكبر .. 33 مرة ===> توه قاضي من الصلاة الظاهر
المهم يوم بعدنا شوي ويجيني بليس لعنة الله عليه ويقول يا ابن الحلال حط يدك عليها يا ولد وش وراك .. وانا دلخ أدربي رأسي معه
وأمد يدي وأحطها عليها ولا هي ملساء وناعمة..
بس قلت يا ولد هيه أعقل ترا عيال الحرام كثار خاصة أهل الرياض ما قد شافوا خير عاد تنتشر الفضيحة..
وقلت يا ولد مالك الا بيتك وازرق له .. ويوم وصلت
الا أخوي الصغير بوجهي ويشوفها ويقعد يصيح
وأنا أحاول أسكته خلاص زيووودي أشتري لك عسكريم أبو ريالين زياد حبيبي أهجد لا تفضحنا عند الجيران بس مافي فائدة راح يشدها وأنا أشدها من الجهة الثانية
عاد أهل البيت ما قصروا طبوا علينا وطلعت الوالدة من المطبخ وشافتني ..
خلاص أنا ضيعت مدري وش أسوي ضيعت قلت لاخوي رح جيب السكين..
ويوم جابها خلاص وأنا ناوي أفتك منها للأبد جت الوالدة وتقول تعوذ من ابليس خلها بعد الغداء ..
قلت لا والف لا تراها قاهرتني من اول ما ركبنا السيارة..
وأجيب السكين وبكل ما اوتيت من قوة قطعتها نصفين
الا أهلي يصاحون هيييييييييه حمرراء
وحمدت الله أنها طلعت حمراء مو زي العادة بيضاء مالها طعم
والله وأجتمعنا عليها وما شاء الله أخواني مافي توفير قضوا عليها حتى الحبوب السوداء الي فيها كلوها
===> أعوذ بالله ولا صومالين معزومين على العشا
المهم أكيد عرفتوا وش هي ..
جح او بطيخة او حبحب بالأسم تسمونها..

[نايف]

==========
وانا جالس احتري نهايتها وتطلع جححححححححححححه ههههههههههههههههه الله يرجك ياشيخ حلوووووووه وكثر منها
==============================

[allord]

ملساء وناعمه
انا قلت بس

جحه هاه
ههههههههههههههه حلوه بس والله تركيبتها

[ولهان الليل]

هاهاهاهاهاها حلوة الجره ياشموخ وحياك الله

[khlloodi]

اذا فضيت ثانيه مره
قل لي علشان نفرفر سوى
ترى مثلك العصريات فاضي
<--------------(كنه ما انجر)

اجل جحة ياشموخ

[الصاروخ]

اقـــــول شكلها جحه عليها علم

ومسكته الله يرجك مااكثر عجك

انا يوم قلت اروح لبيتنا قلت بس لاعاد تكمل

مايبيلها واخرتها تطلع حمراء

[RAID2001]

اقول بدت تخاريف الصيف تطلع ترى في معسكرات صيفيه ياشباب للفاضين.....................

[شموخ]

نايف لبن أنا ترجني !!

allord : حلوه بس والله تركيبتها ===> متاثر الأخو

ولهان الليل : سلامة وجهك من الجرات :p

khlloodi : البنزين عليك =)

الصاروخ : لعلمك هذا صاروخ من صواريخك ;)

RAID2001 : تخاويني للمهرجان الخرج 22 ؟؟ (( خرج غير ))

[زعيم آسيا]

ياعيييييني على الجرررررره....


حلوووووووووووووووووووووة

[fahoode]

هلا والله اخوي شموخ :

اخوي من اول ماقريت الموضوع وانا داري ان في السالفة ان .

بس مادريت انها جحة .

[شموخ]

واضح من الوجيه ( ) الي أنت حاطها

أجل كنت تحسبها خيارة:p