[lonely_wolf]

[align=center]أول شي أبارك لكل الزعماء على وجه الأرض البطولة 42 حتى لو أنكرها الحساد

ثاني شي احترت في أي منتدى أحط موضوعي
البعض بيقول المفروض في منتدى المنتخب السعودي والبعض بيوافقني أن مكانه هنا

لاننا حنا الهلاليين فقط إللي نقدر نتخذ قرار فيه




شفنا كلنا المنتخب وش سوا خلال 72 دقيقة بدون سامي في مباراته قدام أوزباكستان
وشفنا وش سوا سامي خلال 21 دقيقة في نفس المباراة

كبير والله يا أبوعبدالله

في ما يقارب 20 دقيقة سويت إللي ماقدر يسويه ياسر القحطاني خلال عامين
أو بالأصح ما يقدر القحطاني يسوي إللي سواه سامي في 20 دقيقة ولو يلعب بيدينه ورجلينه



أثبت الذيب أنه ما يهرول عبث

ومن خلال تمركز واحد ومن أول كوره وعلى الواقف سجل هدف
بينما خلال 70 دقيقة ما قدر القحطاني حتى يشوت كوره في يد الحارس على الأقل

وشفنا كيف تغير أداء اللاعبين يوم نزل كابتن حقيقي للمنتخب
كابتن سعودي من جد مو تقليد



وينكم يللي أزعجتونا بالقحطاني
وينكم ياللي تطبلون للقحطاني ليل ونهار
وينكم من الدروس الكرويه إللي يسطرها لكم سامي في الملاعب واللي بدري على القحطاني يستوعبها



مع الأسف قدر البلوي يجركم على وجيهكم ويفاوض عليه وأنتم تعلقتوا على طول (ما يبيلكم شي) وصدقتوا أنه لاعب القرن الجديد


أبي أعرف حماسكم للقحطاني على أي أساس ؟

وش هو السجل الكروي للقحطاني وأي أنجاز حقق وأي بطولة قدر يحسمها
ولا شي

زعمائي أسئلوا أنفسكم:

هل القحطاني يقدر يسد محل سامي؟ (بيطلع لي واحد بيقولي هذا مهاجم وهذا صانع لعب والخانة تختلف... لا الخانه وحدة بس القدرات تختلف)

هل الزعيم بحاجة القحطاني؟ (لا...الموجودين أفضل مستوى منه وبكثير)

هل سيضيف القحطاني للهلال شي؟ ............بالعكس الهلال سيضيف للقحطاني الكثير



شفنا الأزرق في مباراة الاتهاد رغم عدم وجود سمسم بس أنه قدر يوقف على رجوله ويفوز وبدون القحطاني أيضاً

بس الفرق بين مباراة الدوري ومباراة التضامن ضد الارهاب النتيجة

الهلال بسامي يسحق الاتهاد 4 وبدونه يفوز 2
هذا هو الفرق

أنا ما أقلل من الموجودين في الهلال بس لازم نعطي كل شي حجمه

ولو جاء القحطاني لن يفوز الهلال بأكثر من 2 إذا كان سامي غير موجود



أقول للمطبلين للقحطاني
عرفنا الهلال من ريفالينو
وشجعناه مع صالح النعيمة
واحترمناه مع المصيبيح وسعد مبارك
وعشقناه مع الفيلسوف ونواف والغشيان ووووو........

وعرفنا كرة القدم مع سامي
وصحيح ... ياقهرهم ياسامي

وسنضل نشجع الهلال بدون القحطاني


تحياتي للجميع ........ وبدون زعل [/align]