[سديـراوي]

السلام عليكم جميعاً

أغلبنا تابع مباراة روما - الإنتر اللي كانت فعلاً قمة في المتعه ..
استغربت,, إني اللي تابعوا المباراة تكلموا عن كل شي في المباراة إلا تصرف كاسانو (الغير أخلاقي) !!
أنا متأكد إن أكثركم عارفين أي تصرف ...
لكن للتوضيح ..
يوم قام مدرب روما الجديد (دل نيري) بإخراج (كاسانو) و إدخال( أحمد ميدو) و النتيجه 3 - 1 للإنتر,,
طلع كاسانو وهو زعلان !! و ما جلس في دكة الإحتياط ...
طلع و ما سلم على ميدو مثل ما هو معتاد ..
طلع وهو يصرخ في وجه (دل نيري) !!
مع العلم إن التغييرات (بعد الله) هي اللي سببت التعادل !!

يا جماعه أنا اعترف إن كاسانو من المهاجمين الرائعين,,,
لكن هذا طفل بحركاته ولازم يتوقف عند حده ... و كابيللو كان مدلعه شوي ..

أنا اللي أعرفه إنه توقف في إحدى مباريات روما بسبب تغيبه عن التدريب ( تغيبه بدون سبب) ..
وأيضاً اللي أعرفه إن مدرب روما السابق (رودي فولر) كان متضايق من تصرفاته..
و قرأت في إحدى المواضيع في شبكة الزعيم ,,
إن توتي صرح و قال كاسانو طفل (ما قالها حرفياً لكن المفهوم من الكلام) ..
...
...
و أنا ما أقولها لأني أشجع الإنتر ...
لكن ما تمنيت أشوف هذي الحركه لأن ميدو اللي كان داخل



نقطة أخيره :: اللي يقدر يجيب صوره كاسانو وهو طالع يا ليت (تعابير وجهه تبين إنه زعلان)!!

سلامي للجميع ،،
أبومحمد - سديراوي