[الحاتمي]

[ALIGN=CENTER]صباح الليل أخواني و اخواتي بالمقلّط العام

موضوعنا هالمرة بيتكلم عن القصة التي كانت السبب في اختيارك لليوزر المشارك به في شبكة الزعيم , و هل أنت مقتنع فيه أم نادم على اختياره ؟!

مثلا : عندك ( حبي تيماوي ) يوم يختار الاسم هذا , كان التيماوي على عزّه ..
بس الحين قعد ( يصوّر ) مع يوزره

مثلا : ( البارق 2000 ) كان يحسب أن تيوتا تبي تغير أشكال السيارت قبل ما يطق ذاك الموتر , بس اللي صار أنّه التاريخ فات !! و برضه قعد ( يصوّر ) مع يوزره


مثلا : ( كوكتيل ) كان يداوم يوميا عند ( ماما نورة ) ;) و ياخذ أكبر حجم كوكتيل !! بس اللي صار الحين أن ( ماما نورة ) دج ;) بس ( كوكتيل ) طاح بالايراني


مثلا : ( الاعصار ) كان طالع يكشت بالبر مع اخوياه , و ما درى الا و ذيك العجّه اللي طيرت خيمتهم و بغوا يطيرون معها !! بس ( الاعصار ) فكّه الله ;) بس حلقه الى هالحين يوجعه !!


مثلا : ( قرقاص ) صيدلي , كان عنده كورس طب باستخدام الأعشاب , قال : ياولد , ما لك الا تختار اسم عشب !! و يطق ( قرقاص ) ;)


و فيه ناس واسطات مثل ( كادي ) و ( هلالي شامخ ) غيروا يوزراتهم عند الأحوال بعد موافقة العمدة اللي بصمّهم على كمبيالات


والخ , الخ , الخ ,,, اتشوووو


المهم كل واحد يكتب قصّة يوزره و سلامتكم
.
.
.
.
.
.
.
.
.




ترى هذا مهوب هلالي الجوف أبد !! [/ALIGN]

[فيرون الرياض]

هلا بالحاتمي وصباح الورد

والله مافيه قصه فيه روايه استخفاف دم على الصبح

نجي لب الموضوع حلوه لب مادري من وين طلعت يمكن علشان مفطر لبنه بس نسيت النه

انا من اشد المعجبين بفيرون الاعب الارجنتيني لا تشلسي حالياً ولاتسيو الا يطالي سابقاً

وساكن بالرياض يعني جبته صح فيرون الرياض عز الله جبته اسم مركب

يعني اذا دقيت على mbc اقول فيرون الرياض من الرياض

تحياتي

[نبض المشاعر]

ههههههههههههههههاي

الله يرجك على هالصبح والله وأنك مهوي بقوووووه

<<<تبي تسوي زحمه والشارع فاضي على هالصبح ..

بس تعليقاتك على يوزرات الأعضاء زاحفه أستقعدت لهم بقووووه ...

أما أنا كنت مشاركه هنا بأسم عاشقة الأزرق لأني مسجله بمنتديات الهلال ويوسف الثنيان والجابر بهذا اليوزر لكن هنا ضاع مني وسجلت بيوزر قريب من نفسي يلامس المشاعر أكثر..

وأنا مش نادمه عليه طبعا لأني أحب كل شيء يلامس المشاعر..

تحياتي لك..

وعلى فكره وش سبب أختيارك لليوزر تبعك هل لأنك من حائل وهم أبناء حاتم>>>تحليل منطقي..

وصورة هلاااالي الجوف زاااااااااحفه فلته..(ضاع مستقبل الرجال )

تحياتي..

[تيماوي]

[ALIGN=CENTER]@ وأنا اللي قاهرني واحد من الأعضاء اللي راز بأسمي يوزر له !!;) الا وش رأئك بما إن وقت التيماوي تغير ...!! أغير يوزري لـ ( ا لطارقي )!!;);) [/ALIGN]

[prince1111]

[ALIGN=CENTER][TABLE=width:70%;background-color:transparent;background-image:url(backgrounds/8.gif);border:1 solid darkblue;][CELL=filter:;][ALIGN=center]تدرون وش المشكلة

المشكلة موب باليوزرات

المشكلة ان الواحد يكون عنده اختبارات ويدخل النت الصبح بدري
لأنه يكون بحالة نفسيه سيئه ويحاول يفرغ هالحالة بخفت دم وما يلاقي غير يوزرات الأعضاء

على فكرة حاتم الطي يسلم عليك ويقول رجع يوزره

على فكره
العمده عنده كمبيالات
شكل الحاله عندك دمار على هالصبحيه [/ALIGN][/CELL][/TABLE][/ALIGN]

[مخاوي الشوق]

هلا بالحاتمي
هههههههههه
الله يحلحل محاليلك
على تعليقاتك ليوزرات الاعضاء
المهم
اخترت يوزري
لاني كنت بختار
مخاوي الحزن<< لانه اسمي المستعار في كتابة الشعر
>> يبي يعلمكم انه يكتب قصايد

بس للاسف مدري من اللي ماخذ هالاسم
المشكلة اني للحين ماشفته يكتب مويضيع
قلت مالي الا امر على ولد عمي( الشوق):p
وسبحان الله!!
صرت مخاوي الشوق
تحياتي لك حبيب البي

[قرقاص]

هلا والله بالطائي <<< يسمع بحاتم الطائي ولاقد شافه
بالنسبة ليوزري مايحتاج اقول قصته لأنك قلتها في مقدمة موضوعك<<<< اجل وشوله داخل
اما بالنسبة للندم فأنا ابد مانيب ندمان ولاودي اغيره ومفكر اسوي له حقوق ملكية فكريه بدري عليكم تسونها

إقتباس ترى هذا مهوب هلالي الجوف أبد !!

اجل ماهوب هلالي الجوف ابد ابد ماكنك تلمح <<< مايبي يشب بينهم ابد

[هلالي شامخ]

[ALIGN=CENTER]هــلا يالحاتمي .. ;)
بصـراحـة سؤال حلـو وش سبب اختيار الاسم ;) واتوقــع فيـه نــاس راح
تنحـرج تقـول السبـب الرئيسـي فـي اختـيار اساميهـم ..

بالنسبـه لـي الاسـم الاول اللي هـو هلالي حتى المووووووت أخترته
أيام المراهقه وبعد ما سألت عن جواز الاسم قالوا فيه شك
وغيرتـه لهالاسم الـي احسـه قريـب جــدا من شخصيتـي .. ;)

إقتباس و فيه ناس واسطات مثل ( كادي ) و ( هلالي شامخ ) غيروا يوزراتهم عند الأحوال بعد موافقة العمدة اللي بصمّهم على كمبيالات

لا وبعــد طلبــوا منـي شهــادة حسـن سيــره وسلــوك ،، واربعـه
يشهــدون وعزيمـة تغييـر الاســم .. وشهــادة خـط ( خاص لاحد الاداريين )

تحيااتي الحاتمي ومشكـور علـى هالموضـوع ؛؛ [/ALIGN]

[الوجه السموح]

بالنسبة لي انا

انا عندي يوزرين
كنت استخدم واحد من زمان و عاجبني مره بس بصراحة فكرت بالوجه السموح وقلت حرام هالاسم الحلو يروح فاااا قررت اسوي ايميل بهالإسم لكن للأسف لقيته مأخوذ رحت سجلت بهذا اليوزر في المنتدى كنوع من تفريغ القهر و مشت معي .

بالبيت اكتب بيوزري هذاك و بالدوام اكتب بهذا اليوزر ( بنفس الفكر ) مو اقول كلام هناك و اغيره هنا .

[riyad]

هلا وغلا
هذا هلالي الجوف ؟؟؟؟ باين عليه من الصعيد
انا اليوزر نيم هو اسمي وسلامتك
ريــــــــــاض

[عبدالعزيز الأول]

اما انا فقصة اسمي مره كنت عند اشارة التخصصي جنب العزيزيه بنده

ومير التفت يمين والقا لوحة حقت الشارع

مكتوب جنبها عبدالعزيز(الأول) وقلت ايوه وحطيته في بالي

عاد شفته في اكثر من مكان ودخل مزاجي

فعاد كل ماتوقفون عند اشارة التخصصي وشفتوا اللوحه تذكروني

يالحاتمي ورا ماتقول قصة اسمك

[الحوت الوحيد]

هلا والله

والله موضوعك حليو........


الحوت الوحيد............ اسمى

الحوت لاني من برج الحوت
الوحيد لاني عشت بغربه لعده سنوات خارج اللملكه بحكم الدراسه.


اما haRRy DJ
هاري طلعها واحد الله يذكره بالخير على ( وكان اسمي ايام الثانويه بين الزقرت و احيانا بعض المدرسين)
والدي جيه.............. فهو احترافي وهوايتي .

[أبـو بندر]

<<<< اسم سخيف ومو انا الي مختاره . قلت لواحد من الشباب سجلني في الزعيم , كنت وقتها قروي نت تصدق اني كنت احسب الايميل ينشرى

المهم انه سجلني بهذا الاسم الله يخسه وتعيجزت اغيره .

وبعدين انت ما قلتلنا وش قصه الحاتمي واهم شي ليش مر من هنا

سلام مربع

[اماراتيه]

[ALIGN=CENTER]


هلا الحاتمي

بالنسبه ليوزري :p ... اخترته على اساس اني اماراتية الجنسيه <<< احلفي

و على فكـــره .. بعد ما سجلت في المنتدى عينوني سفيرة الامارات في السعويه


[/ALIGN]

[البرفسور]

هلا بالحاتمي

انا عن يوزري اخترته لاني طموح بالدراسه
وكان دائما راسي مرفوع فوق .. ولا اشوف لا للماجستر ولا الدكتوراه
وكنت ابي اصير بروفسور ;) لكن الشهاده راحت الله يخلف .. والبرفسور موجود
< ======= ما يشتهي