[سيف الزعيم]

[ALIGN=CENTER]
أحبائي اعضاء منتدى المجلس العام:
اعتدت ان اتسلل للتجول في ربوع منتداكم
والاستمتاع بقراءة مشاركاتكم الرائعة والمتجددة
لكنها المرة الاولى منذ اكثر من عام التي اشارككم بكتابة
احدى المشاركات هنا وهو ماقد يعتبره ( العوام ) وربعه
في منتدى الجمهور خيانة لاتغتفر

عموما هذه ايضا اول مرة أنشر فيها قصيدة عاطفية عبر وسائل
الاعلام بمختلف اشكالها ( لحبي وعشقي لهذه الشبكة العملاقة واعضائها )

أتمنى ان تعجبكم القصيدة كما اتمنى منكم ان تبدوا ارائكم وانتقاداتكم
حولها بكل صراحة وعدم مجاملة

ملاحظة هامة:
القصة والشخصية في القصيدة لاتتعدى كونها خيال شاعر
ولاتمت للواقع بصلة;)

[/ALIGN]


[poet font="Simplified Arabic,5,darkblue,bold,normal" bkcolor="transparent" bkimage="backgrounds/19.gif" border="double,4,darkblue" type=2 line=200% align=right use=ex length=0 char="" num="0,black" filter=""]
لو اعبر عن إحساسي لك فشعري وأبياتي=أبي تتخيلي وش كثر ابكتب من شعر وابيات

هذا لو افترضنا انها تساعدني عباراتي=و اذا قلنا الحبر يكفي ترا ماتكفي الصفحات

لأني من عرفتك صرتي انتي كل غاياتي=وصرتي لي مثل شربي و زادي وشمة النسمات

وعلى هذا دواي انتي اذا حسيت بآهاتي=اصير اطيب من حصانٍ معك من اول الجرعات

لأنك فيك شي قام وتسلل بين خفقاتي=يتل القلب من صدري ويروح يلف به لفات

ولاتسألني ويش اللي احبه فيك ؟ وحياتي=انا نفسي ترا مدري ولاتسعفني الخبرات

سألت القلب قبلك قال: ياخبلك ! و ويلاتي=انا اللي مبتلي بالحب كله واسكره سكرات

ترا نبضه.. ورى نبضه .. بعد نبضة .. ونبضاتي=لو تترجم لغتها .. كلها تردد اسم ( آيات )

كذا فجأة بدون انذار .. مليتي لي مساحاتي=مثل ماتمتلي عند البدو بالقهوة الدلات

سكنتي لك مخطط كامل بصدري و ساحاتي=مزود يابعد عمري عشانك بأحدث الخدمات

مع ان غيرك يسوم المتر منه بالألوفاتي=تجين انتي واحرر لك صكوك ( فري ) فدا الضحكات

لأن الغالي يرخص لك.. وترخص روحي وذاتي=ولأن القلب من دونك سرابٍ في نفود الذات

و لأني ان ماعطيتك منهو اعطي ؟ و منهو آحاتي؟=فديتك من قدمك لوجنتك الى ( اشقر ) الخصلات

متى ما اسمع انا صوتك وتسرح بي خيالاتي=اسلم نفسي لعزفك .. واذوب فكاسة النبرات

حسبت انك بداياتي .. وصرتي لي نهاياتي=ولا بعرف احد قبلك ولا بعدك ولو ( بالشات )

ولا اطرش ( مسج ) الا لك انتي يا اجمل اوقاتي=وأخلي ( الباندا ) لجلك واخصك بأروع النغمات

اخافك تتصل تلقاه مشغول بصداقاتي=وتظن اني اخونك ثم تحرميني من ( الطلات )

ولاني مستعد اثير شكك باتصالاتي=ولاني مستعد اخسر حياتي لاتفه الحاجات

لأني لو خسرتك بخسر الدنيا و لذاتي=وعسى الله لا يقوله:لانتحر بالستة الطلقات

ترا هذا الكلام الجد... وهو أصدق قراراتي=فلا تقتلني بصدك وتكسب فيني الويلات

حبيبي من كتبت الشعر فيك انسابت أبياتي=وأنا لو أكتب لبكرة ما أظن تخلص الأبيات

ولكن علها ولا عساها توصّل ( آياتـــي )=هدية والهدية فوقها مني عشر بوسات

وعساها تقبل الأبيات مني مع تحياتي=وقبلاتي وتعذرني اذا حصل بعض زلات


= شعر / السيف ابو بدر المهلهل
[/poet]