[هلالي زمان]

السلام عليكم
على مدى عشرات السنوات منذ تشجيعي للهلال نعم تمر فترات مماثله لهذه الفترة مع المدرب ليشسكو ويكون الحل دائما من قبل جميع رؤساء نادي الهلال هي إقالة المدرب ومنهم اقيل والهلال متصدر الدوري .
الذي يعي ومطلع على تاريخ نادي الهلال ولديه درايه بما يجب فعله عند حدوث مثل هذه الظروف التي تمر بالفريق يدرك ان الحل هوإقاله المدرب وطبعاً قبلها البحث عن مدرب فاهم وقادر على السير بالفريق الى مستويات افضل.

[mxo]

اليوم فرص سهلة ضاعت قدام الباب
سالم انفرد وغوميز انفرد
الانهاء صفر عند اغلب اللاعبين
يا غوميز يسجل او نطلع بلا اهداف

ما انكر ان المدرب مسؤول عن عدم اشراك المفرج والطريس وناصر
وما اعطاهم فرصة
وحتى يوم بدع المفرج قدام التعاون
ركنه بالدكه
لكن اللاعبين وخصوصا الاجانب خذلونا
كاريلو يسحب رجليه
وجوفينكو بس يطيح
وكويلار محور قزم وهذا اكبر عيب فيه

اتمنى جلب محمد قاسم لاعب العراق بدل جوفينكو
اشوفه لاعب مناسب
واتمنى جلب حارس او ظهير (يسار - يمين) بدل خربين

[ثائرالهميجان]

المدرب أخطأ بالتبديلات فقط دخول كنو بدل الفرج خطأ وكان يفترض دخول كاريلو ثم أخطأ بخروج جحفلي ودخول الشهري ثم كملها بخروج البريك ودخول ناصر وهنا يتحمل ايضا كريري والمفرج مسؤولية هذه الأخطاء وتكرارها يجب مناقشته

[ابوساري]

طول فترة تشجيعي للهلال .. و متابعتي لكرة القدم عندنا بشكل خاص بالسعودية ..
عندي قناعة إن المدرب مهب كل شيء بالفريق ..
يعني خروج المدرب أو بقاءه ماراح نخسر شيء ..
لكن مرات اللاعبين يتشبعون من المدرب و خططه .. و تبدأ الميانة بينهم .. ثم يخف العمل داخل الملعب و خارجه ..
فيصير تغيير المدرب مطلب .. مهب لأن المدرب أفلس .. لأن اللاعبين تشبعوا و يحتاجون شيء جديد ينعشهم ..

و لا أخفيكم إني متأكد إن الفريق اللي حقق آسيا و الثلاثية هو نتيجة عمل خيسوس ..
يعني لو العجلاني رجع و درب الهلال بعد خيسوس ممكن يحقق آسيا و يلعب نهائي كأس العالم ..

الآن تحتاج تنظر للفريق بعين العاشق بعين عن العاطفة ..
وتطرح الأرقام اللي طلعت به من اللاعبين اللي جلبتهم ..
واترك العاطفة على جنب .. أدري نحب الأجانب .. بس لو ترجع للإحصائيات .. بتلقى فضايح ..

قوميز الوحيد اللي كسر القاعدة .. و لكن قوميز كبير بالسن .. و استهلاكه بهالشكل إجرام بحقه ..
اللاعب لعب كل المباريات هالموسم بدون توقف .. رجع من كورونا و جلدوه جلد بالمباريات دون رحمة ..
طبيعي اللاعب بهالسن بيقل عطاؤه مع هالجهد اللي يبذله .. وبيضعف تركيزه .. بالأخير لحم و عضلات مهب آلة ..
إذا بيستمر قوميز .. لازم تجيب بداله مهاجم و تحيّط قوميز و تلعب على خبرته فقط في بعض أوقات المباريات ..
ودامك جبت الحمدان .. أرشّح تشيل فكرة المهاجم من راسك .. وتعتمد على صالح و الحمدان أساسيين ..

الآن عندك خيارات كثيرة تقدر فيها تعيد الهلال لمكانته بشكل سريع ..

أولاً ..
مثل ما قال MXO
تجيب اللاعب العراقي محمد قاسم و تحطه أولوية كآسيوي .. لاعب موهوب و بيفرق معك كثير ..
يكفي إنه عراقي .. واللاعبين العراقيين للأمانة عندهم روح بالملعب ..
محمد قاسم يلعب كصانع لعب و يغطي لك مراكز بالوسط ..

ثانياً ..
بما إنك جبت لاعب آسيوي مثل محمد قاسم ..
الكوري ماله لزمة حالياً .. هات مكانه مدافع من أي قارة بالعالم .. مدافع وحش .. تستفيد منه بالركنيات اللي عليك و اللي لك ..
مدافع يمسك لك دفاعك ..

ثالثاً ..
اللاعبين الأجانب شف لهم حل ..
كاريلو سوقه .. بأسرع وقت دامه يجيب قيمة ..
لأن اللاعب من جاء و أنا أقول لاعب مزاجي يبدع مباراة بالموسم ..
أرقامه تفشّل على كثر مايلعب .. لا يصنع ولا يسجل .. بس يتسحّب بالملعب ..
و أتحدى أي شخص يجيب لي أرقامه ويناقشني فيها .. لأني سبق و جبتها أكثر من مرة ..
سيروتي اللي قبله كان أفضل منه بمراحل على مستوى المهارة و العرضيات و السرعة و المساندة الدفاعية ..

جيوفنكو .. ماقصر .. لكن ما نحتاجه أبداً .. و محمد قاسم بيحل مكانه باقتدار..
تقدر تصرفه و تجيب لك لاعب بالوسط .. لاعب عنده امكانيات يفتقدها الفريق ..
مثل التسديد من بعيد مثل طيب الذكر رادوي أو نيفيز أو ادواردو ..
مثل الفاولات .. مثل اللعب الطويل الدقيق ..
لاعب مبتكر .. إذا صكّت المباراة يقدر يلقى حل ..
مثل الشلهوب الله يذكره بالخير .. لاعب يدخل المباراة تحس اللي يسويه سحر .. يفتح شوارع بالدفاعات بالتمرير البيني ..

فييتو .. سو عملية تبادل مع أي نادي .. شف لك لاعب و عطهم سعر و فوقه فييتو ..
اللاعب واضح ماعنده شيء .. لا تقول لي مباراة ولا عشر مباريات ..
لعبنا كورة و نعرف الأساسيات .. اللاعب لا هو مبتكر و مبدع ولا هو مهاري ولا هو راعي تسديد ..
لا تقولي ويلهامسون كان مثله .. أي واحد عنده شك بمهارات ويلهامسون .. يرجع لأول مبارياته ..
بتشوف ويلي كان عنده امكانيات .. لكن ما تأقلم مع أسلوب اللعب هنا ..


إضافة ....
نحتاج حارس أجنبي بأسرع وقت .. حراسنا مايمشون الحال .. المعيوف حارس ممتاز بس الهلال يحتاج أمتز :]

الفريق يحتاج تجديد ..
مدرب و لاعبين ..
اللاعبين لازم يحسون بالتغيير و لازم يحسون بالمسؤولية .. ولازم يجيهم مدرب مايعرفونه..
علشان يثبتون أنفسهم له .. لأن المدرب الجديد بيجي مايعرف أحد ..
أما خوينا الحالي .. فأشوف اللاعبين أنفسهم يلعبون بكل مباراة .. لكن بكل مباراة مركز ..
يعني واسطات .. لو بيده يلعب المعيوف هجوم لو ينصاب قوميز ..


الله يدبّر الصالح .. والحمد لله على كل حال ..
يعلم الله منب حزين على الخسارة .. بالعكس بطولة من عرض البطولات .. الهلال قادر يحقق البطولات هالسنة واللي بعدها بإذن الله..
بس ناصر الدوسري و كنو و صالح الشهري و الحمدان .. هذولا لازم يكونوا أساسيين من المباراة القادمة ..
صدقوني هالرباعي قادر يسوي شيء لو اعطوهم الفرصة كاملة..

[Hilali.8]

إقتباس الرسالة الأصلية كتبت بواسطة ابوساري طول فترة تشجيعي للهلال .. و متابعتي لكرة القدم عندنا بشكل خاص بالسعودية .. عندي قناعة إن المدرب مهب كل شيء بالفريق .. يعني خروج المدرب أو بقاءه ماراح نخسر شيء .. لكن مرات اللاعبين يتشبعون من المدرب و خططه .. و تبدأ الميانة بينهم .. ثم يخف العمل داخل الملعب و خارجه .. فيصير تغيير المدرب مطلب .. مهب لأن المدرب أفلس .. لأن اللاعبين تشبعوا و يحتاجون شيء جديد ينعشهم .. و لا أخفيكم إني متأكد إن الفريق اللي حقق آسيا و الثلاثية هو نتيجة عمل خيسوس .. يعني لو العجلاني رجع و درب الهلال بعد خيسوس ممكن يحقق آسيا و يلعب نهائي كأس العالم .. الآن تحتاج تنظر للفريق بعين العاشق بعين عن العاطفة .. وتطرح الأرقام اللي طلعت به من اللاعبين اللي جلبتهم .. واترك العاطفة على جنب .. أدري نحب الأجانب .. بس لو ترجع للإحصائيات .. بتلقى فضايح .. قوميز الوحيد اللي كسر القاعدة .. و لكن قوميز كبير بالسن .. و استهلاكه بهالشكل إجرام بحقه .. اللاعب لعب كل المباريات هالموسم بدون توقف .. رجع من كورونا و جلدوه جلد بالمباريات دون رحمة .. طبيعي اللاعب بهالسن بيقل عطاؤه مع هالجهد اللي يبذله .. وبيضعف تركيزه .. بالأخير لحم و عضلات مهب آلة .. إذا بيستمر قوميز .. لازم تجيب بداله مهاجم و تحيّط قوميز و تلعب على خبرته فقط في بعض أوقات المباريات .. ودامك جبت الحمدان .. أرشّح تشيل فكرة المهاجم من راسك .. وتعتمد على صالح و الحمدان أساسيين .. الآن عندك خيارات كثيرة تقدر فيها تعيد الهلال لمكانته بشكل سريع .. أولاً .. مثل ما قال MXO تجيب اللاعب العراقي محمد قاسم و تحطه أولوية كآسيوي .. لاعب موهوب و بيفرق معك كثير .. يكفي إنه عراقي .. واللاعبين العراقيين للأمانة عندهم روح بالملعب .. محمد قاسم يلعب كصانع لعب و يغطي لك مراكز بالوسط .. ثانياً .. بما إنك جبت لاعب آسيوي مثل محمد قاسم .. الكوري ماله لزمة حالياً .. هات مكانه مدافع من أي قارة بالعالم .. مدافع وحش .. تستفيد منه بالركنيات اللي عليك و اللي لك .. مدافع يمسك لك دفاعك .. ثالثاً .. اللاعبين الأجانب شف لهم حل .. كاريلو سوقه .. بأسرع وقت دامه يجيب قيمة .. لأن اللاعب من جاء و أنا أقول لاعب مزاجي يبدع مباراة بالموسم .. أرقامه تفشّل على كثر مايلعب .. لا يصنع ولا يسجل .. بس يتسحّب بالملعب .. و أتحدى أي شخص يجيب لي أرقامه ويناقشني فيها .. لأني سبق و جبتها أكثر من مرة .. سيروتي اللي قبله كان أفضل منه بمراحل على مستوى المهارة و العرضيات و السرعة و المساندة الدفاعية .. جيوفنكو .. ماقصر .. لكن ما نحتاجه أبداً .. و محمد قاسم بيحل مكانه باقتدار.. تقدر تصرفه و تجيب لك لاعب بالوسط .. لاعب عنده امكانيات يفتقدها الفريق .. مثل التسديد من بعيد مثل طيب الذكر رادوي أو نيفيز أو ادواردو .. مثل الفاولات .. مثل اللعب الطويل الدقيق .. لاعب مبتكر .. إذا صكّت المباراة يقدر يلقى حل .. مثل الشلهوب الله يذكره بالخير .. لاعب يدخل المباراة تحس اللي يسويه سحر .. يفتح شوارع بالدفاعات بالتمرير البيني .. فييتو .. سو عملية تبادل مع أي نادي .. شف لك لاعب و عطهم سعر و فوقه فييتو .. اللاعب واضح ماعنده شيء .. لا تقول لي مباراة ولا عشر مباريات .. لعبنا كورة و نعرف الأساسيات .. اللاعب لا هو مبتكر و مبدع ولا هو مهاري ولا هو راعي تسديد .. لا تقولي ويلهامسون كان مثله .. أي واحد عنده شك بمهارات ويلهامسون .. يرجع لأول مبارياته .. بتشوف ويلي كان عنده امكانيات .. لكن ما تأقلم مع أسلوب اللعب هنا .. إضافة .... نحتاج حارس أجنبي بأسرع وقت .. حراسنا مايمشون الحال .. المعيوف حارس ممتاز بس الهلال يحتاج أمتز :] الفريق يحتاج تجديد .. مدرب و لاعبين .. اللاعبين لازم يحسون بالتغيير و لازم يحسون بالمسؤولية .. ولازم يجيهم مدرب مايعرفونه.. علشان يثبتون أنفسهم له .. لأن المدرب الجديد بيجي مايعرف أحد .. أما خوينا الحالي .. فأشوف اللاعبين أنفسهم يلعبون بكل مباراة .. لكن بكل مباراة مركز .. يعني واسطات .. لو بيده يلعب المعيوف هجوم لو ينصاب قوميز .. الله يدبّر الصالح .. والحمد لله على كل حال .. يعلم الله منب حزين على الخسارة .. بالعكس بطولة من عرض البطولات .. الهلال قادر يحقق البطولات هالسنة واللي بعدها بإذن الله.. بس ناصر الدوسري و كنو و صالح الشهري و الحمدان .. هذولا لازم يكونوا أساسيين من المباراة القادمة .. صدقوني هالرباعي قادر يسوي شيء لو اعطوهم الفرصة كاملة..

اختلف معاك في نقطة المعيوف والله انه حارس ممتاز والكوري ايضا مدافع ممتاز والاثنين هاذول ياما شالو

اما بخصوص كاريلو اتفق معك ما اشوف ارقام كاريلو قويه وعيبه انه ماهو هداف ولا يشوووت

اما بالنسبه للتغيرات اللي تقولها فصعبه في الشتويه نغير كل الاجانبب

الحل الوحيد هوا الجلوس مع اللاعبين وبث روح الحماس فيهم

والاعتماد على اللاعبين الشباب الطريس والعبدان ياخي لعبهم اساسي

ونهاية الموسم لكل حادث حديث

[لانوس]

المدرب اخطأ في بعض المباريات وتغييراته ايضا كانت خاطئة
ولكن لما الفريق يوصل المرمى ويضيع 3 اهداف محققة ما تضيع حتى من لعيبة حواري هنا اللوم ايضا ع اللعيبة
كرة سالم في الشوط الاول وكرة قوميز في بداية الثاني كانت كافية تقتل المباراة وما كنا شفنا هالكلام كله

سالم هالموسم رجع لأيام حس يا سالم وقوميز بحكم العمر والمستوى الحالي لازم نشوف مهاجم ثقيل مكانه

اذا الفريق كان ما يوصل المرمى ولا يلاقي فرص محققة للتسجيل هنا المدرب وحده يتحمل
برأيي اللعيبة يتحملون مع المدرب والسبب تشبعهم بالبطولات وهذا شيء طبيعي في عقلية جميع الفرق السعودية

[عاشق الزعيم505]

بالنسبة لمباراة اليوم فترات يفرض الهلال اسلوبه
وفترات تتباعد الخطوط ونفقد السيطرة
واستلم الفاولات والاخطاء

اللاعب رقم ( 10 ) مهم لأي فريق
صحيح جيوفنكو لاعب مبتكر وذكي ويتحرك بالمساحات
لكن اذا وصلته الكورة لا يجد من حوله احد تتباعد الخطوط ويضطر للسقوط احيانا
ولا محاور من الخلف تعمل الزيادة العددية وتجد قوميز بين المدافعين والاجنحه كل واحد على خط التماس مسنتر

أي فريق بالعالم يلعب بثلاث اساسيات
1 - البناء
2 - التحضير
3 - الانهاء
البناء دفاع مهزوز كان البليهي له شخصية قوية في البناء مع الكوري لكن جحفلي تكملة عدد لا اكثر
كذلك البريك ما يعرف الا طريق واحد امامه مع كاريلو .. كذلك الشهراني يبغا في كل هجمة يوصل للجناح ويترك خلفه مساحات انتضر لا تهاجم الا في اوقات معينه
فيكون البناء ضعيف
التحضير كل مباراة لاعب والسبب جهاز طبي سيء للغاية والدليل لاعبين مصابين وهم ما لعبوا مثل الطريس والمفرج وعطيف وهتان !!!!!
الانهاء الكل ينتضر قوميز يسجل فقط وهذا خطأ خصوصا انه كبير في السن وطوال الموسمين يلعب متواصل

اللوم وكل اللوم في نتائج الفريق الاخيرة يقع على سعود كريري والمفرج في عدم التهيئة بالشكل المطلوب
لا تقول لي نفسيات الللاعبين ولا يحزنون لاعب ياخذ في الساعة ما يعادل راتبي شهرين لكن ان تلعب بلاعبين غير جاهزين بدنيا هذي كارثة وايضا تجيب لاعبين دكة ولا تستفيد من مجهوداتهم أجل ليش جبتهم من الأساس ؟
ايضا تبديلات غريبة تحدث
صحيح اصابات هتان والطريس ماعندك بدلاء للاجنحة طيب ركز على العمق اكثر
واطلب من الادارة التعاقدات المطلوبة
أصيب سلمان على طول نزل عطبف صديق العيادة والا اقشع اي لاعب زجاجي واطلب غيره
طلعت جيوفنكو نزل مكانه ناصر الدوسري
حبيبنا بن نافل ياخي ما عندك فلوس والا وش الحاصل بالضبط احنا قاعدين نشوف ناس تغير وتبدل في اللاعبين والمدربين وتلعب بالدراهم لعب وانت الان على المحك ضيعنا بطولتين وباقي بطولتين وكانت في متناوول اليد لو تحركت ... ؟!!
معقوله بديل خربين ما فيه ؟ ومعقولة تجيب فييتو وانت شايف انه مربي كلاب وشوتاته مثل وجهه !! هذا بديل كارلوس ادولاردو ؟ كان جبت لاعب حديد والا تركت ادوارد اقل سعر وافضل مليون مره

اخيرا انا مع تغيير اجانب الفريق بالكامل
بس اعيد وأكرر اللاعب رقم 10 أهم مراكز الفريق ورمانة الفريق ووصلة الربط بين خطوط الفريق الهجومية
وللاسف حتى جيوفنكو لم يستثمر بالشكل المطلوب ولم يتم تجهيزه بالشكل المطلوب ولم يتم الاهتمام بقدراته اللي اختفت وراح نتعب كثير في احضار لاعب 10 مميز
الجار بغا يهبط وما انتشل الفريق بعد الهويش الا لاعب واحد وانتم تعرفونه يسجل ويصنع في كل مبارة ويحتج وخبيث كرويا واخلاقيا
الفصة امام اللاعبين في الدوري واسيا
ولو ضاعت سزف يتم تشتيت كل لاعب متخاذل حتى لو مجدد ثلاث وخمس سنوات
المتخاذل ما نبيه واللي ما يحترق للشعار ما نبيه

[نجم سهيل1424]

المدرب الجهاز الطبي سعود كريري
فيتو... جوفينكو.. كويلار مع السلامه
مهاجم...صانع لعب...محور قوي.. مدافع بدل خربين.
جحفلي... مدالله .. هتان.. الجدعاني...كردي..مع السلامه.
اعطاء فرصه للحمدان..والطريس..واليامي.
التعاقد مع ظهير ايسر محلي ومع الشراري مدافع ابها الشاب.