[hamodinho]

محمد كنو ..

اقل من ان يكون احتياط في الهلال

والله الذي لا اله الا هو
من اول ما سمعت بخبر انتقاله لنا .. قلتها بالفم المليان

محمد كنو مكانه الدرجه الثانيه
فضلا على ان يكون في نادي كبير ف الدوري
لكن توصيات الدعم .. تعيق الرؤيه الفنيه للانديه
__________________________

ودي اجلس جلسه خاصه مع الاشخاص اللي كانوا يرددون عبارات فنيه و هم مو فاهمينه ..
و للامانه انا اتضايق من الجاهل اكثر من العدو نفسه
و احيانا اكثر ما يغضبني هو "الجاهل المعاند"

و صراحه الموسم اللي راح
انقهرت من القله اللي كانوا يقولون "هيه ترا محمد كنو عنده استلام و تسليم"

ياخي ودي افهم شي ..
على اي اساس قلت كذا

و لا انت مجرد حافظ و مو فاهم ..
و تحسب اذا تبغا تمدح لاعب لازم تقول حق استلام و تسليم حتى لو هو عاهه

محمد كنو اسوأ لاعب حاليا في الاستلام .. و سيئ في التسليم
بعيدا عن القرارات

لان احيانا اللاعب يكون ممتاز في الاستلام و التسليم
لكن في اتخاذ القرارات فهو سيئ

لكن الشي هذا بعيد عن الجمهور .. و كل اللي يهتمون فيه هو الشي المرئي و اللي هم "يظنونه"

فرق و فرق شاسع بعد بين قرارات ادواردو بالكوره و بدون كوره
و بين قرارات كنو ..

و ابسط مثال .. في حاله وجود هجمه مرتده لنا كمثال

اذا كانت الكوره مع ادواردو
راح نلاحظ ادواردو يقرر التحرك بالكوره و التقدم الى اخر نقطه
عشان يكون عند منطقه العمليات ثلاث خيارات
اما التمرير للزميل اليمين
او التمرير للزميل اليسار
او التسديد

اما اذا فيه هجمه مرتده و الكوره مع كنو ..
راح نشوف كنو يمرر الكوره من اول ما تبدا الهجمه ل احد الزملاء اللي هم على الجهتين
و كذا حامل الكوره اذا تقدم .. راح يكون خسران خيار واحد
ف يُجبر على مراوغه الخصم
اللي هي من المهمات الغير سهله
_______________________________

في بناء الهجمه ..
غالبا بوتيا او علي ال بليهي ما عندهم الا ثلاث خيارات فقط

اما التمرير على اطراف الملعب "للظهير"
او عاده الكوره للمدافع الاخر
او التمرير للوسط او المحور

باقي خيار رابع اللي هي مهمه المحور و لاعب الوسط ..
1) اذا المدافع مرر للمحور .. المحور يمررها للوسط
2) او لاعب الوسط ينزل للنص و يطلب الكوره من المدافع

و الرقم 2 .. يطبقها سلمان الفرج و ادواردو جيسوس حاليا

لكن ماذا لو كان سلمان الفرج احتياط
و ادواردو مهاجم ثاني مع قوميز ..

وقتها كنو هو الوسط ..
اللي صاير و والله الذي لا اله الا هو
ان كنو يتعمد ما "يطالع" في حامل الكوره حتى
و اذا طالع فيه .. ما يطلب الكوره
اقول لكم كنو ماا يبغاااا احد يمرر له اصلا يبغا الفكه من الكوره لانه يعرف ان المهمه صعب مرررره عليه ..
هذا اذا ما تحرك و اقترب من لاعب الخصم المراقب له
و مباراتنا الجايه .. كللللكم طالعوا في كنو اذا جات الكوره مع احد المدافعين
شوفوا كيف يطالع قدام و كأنه مو منتبه و يطالع في جزماته او يسوي اي شي كأنه منشغل بالغلط و ان اوه ما دريت ان فيه احد كان ب يمرر لي .. هذا اذا كان هو لاعب الوسط مو المحور
و تذكروا كلامي هذا ..

و الشي هذا يلغي خيار لاعب الوسط لدى محورنا و لدى مدافعنا

و بكذا .. يُجبر سالم الدوسري لاعب الجناح انه ينزل للوسط عشان يطلب الكوره
ثم يتقدم فيها للطرف ثم يمررها للظهير
ثم يتقدم خلف ظهير الخصم و يطلب الكوره

جهد بدني .. تسبب فيه ضعف لاعب الوسط

اما اذا كان سلمان الفرج موجود
ف الكلام هذا ما راح نشوفه و العشوائيه و الجهد البدني هذا كله يروح
بوجود سلمان الفرج ف وسط الملعب .. نضمن تنظيم عالمي ف الملعب و كل اللاعبين يأدون 90 دقيقه

لكن من يعقل ؟؟