قصة اهزوجة " جحا جحا .. حمير جحا " الشهيره وهل اختفت ام انها أخفيت ..
القصة هذي كتبتها عشان مغرد نصراوي جاء في المنشن وكان يحاول يستفزني يحسبني بعمره او من جيله قال العالميه صعبه قويه ضحكت
قال طواقي ضحكت قال سيدني اوراوا
رديت بفيسات السامج الثلاثه
بعدين قال حمير جحا قلت لحظه هذي عليكم قلت ايه طيب وش رأيك اعطيك قصة تسمية جمهور النصر بلقب
النصراوية حمير جحا
واعتبرني شاهد على العصر ..
والله على ما اقول شهيد ..
قصة تسمية جمهور النصر
بلقب حمير جحا ومن اطلق
هذا اللقب في احد المواسم الكروية
كان التنافس شرس بين الهلال
و النصر وكانت الافضلية للهلال وكان عنده نجوم تفرق وما كانت نتائج النصر جيده قبل مواجهة الديربي وتعثر كذا مباراه اما الهلال كعادته كان
مبدع ومتصدر #صداره_بس
كان في امتعاض من جمهور النصر
على ادارة عبدالرحمن بن سعود
قبل الديربي يس هو الله يرحمه ما كان يفكر في احد طرد كميخ والهريفي والدويش تبيه يفكر في جمهور
والجمهور اول ما عنده الا يحضر
ويرجع لبيته لا تويتر وهاشتاقات ولاشي
الهلال مبدع ومستحوذ وضاغط كانه هلال جيسوس
ترى سالفة الاستحواذ قديمة من زمان
..
الهلال ضاغط وصوت هتافات جمهور النصر ترتقع ويزيد الصوت اخر ربع ساعة وضحت الكلمة سهلة " جحا " اثاريهم جمهوركم كانوا يرددونها
قبل الديربي
المهم فاز الهلال وما اهتمينا كجمهور
في سالفة جحا مالنا شغل فيه وخرجنا
من الملعب درينا بعدين طبعا بعدها بأسبوع ان فيه مذيع راح يسوي لقاء
مع ابوخالد ومن ضمنها سأله سمعنا فيه هتافات وغضب جماهيري
ابوخالد سأل اللي حوله كان من ضمنهم الاعلامي الاشهب علموه انهم يرددون جحا .. ابوخالد الله يرحمه حكيم تحسبه عصب والا جيبوا اللي قالها لا جلس يضحك ورد عليهم بالرد التاريخي وكعادته رده يكون بالفصحى :
اذا هم يرون بأني جحا فهم حميره ..
الله لا يوريك بعدها الدنيا ولعت ..
الحين جاء وقتنا وفرصتنا لازم نستغلها
وهذا طبيعي هذا انت لكم سنين ترددون العالمية و سيدني واوراو ..
حضرنا الديربي اللي بعده ويوم
تقدمنا وضمننا النتيجة وقبل اذان المغرب شلة الشويكبي طبعاً امزح بس هذا تشبيه عشان توضح للفكره
المهم بدوا ينادون جحا جحا .. وردينا معهم وفيه ناس خذوا رد ابو خالد
يوم قال انهم : حمير جحا ورددناها
واستمرت الين طبعت النسخة الاصلية
" جحا جحا .. حمير جحا " واستمرت ورددوها جماهير اندية اخرى كثير
اتذكر منها جمهور في مباراة النصر
و الكوكب اللي في الرياض اللي فاز فها فخر الخرج برباعية بقيادة شايع النفيسة ..
هذي القصة يعني لا حنا اللي سميناكم ولا اطلقنا عليكم القاب استغلينا حدث وغضب بين الجمهور والاداره ..
الاهم في هذه القصة واللي ابيك تركز فيه وغيرك يركز ان بعد وفاة ابوخالد الله يرحمه صرنا نخجل اذا جاء طاريه وكدنا ننساه وجاء جيل جديد يمكن منهم انت يمكن ما تدري ..
الكل نسى هذه العباره حتى اني اعرف ان فيه فيدوهات موثقة بهذه الحادثة وقصاصات صحف ومواضيع في المنتديات كانت محفوظه في الارشيف
و اغلبها مع مشجعين هلاليين اعرفهم شخصياً قاموا بحذفها بالكامل لانها مرحله وانتهت ..
لكن تجون انتم وبتحطون اللقب علينا عشان عبدالكريم الجاسر شبه ..
وانا اعرف انه مو عشان حديث الجاسر
واعرف انا من اراد اعادة هذا اللقب
مجموعة مشجعين او اعلاميين من الجيل النصراوي القديم او الشله اللي كانوا يحضرون بالمدرجات اللي شبهتهم بقروب الشويكي يمكن كانو سبب في انتشار اللقب في السابق وحاولو يقلبونها على الهلال ..
اخيراً فيه فرق كبير بين الحادثتين :
الهلاليين اطلقوا هذا اللقب
لما حدث بين رئيس النصر
وجمهوره في المدرج
جمهور يهتف بالمدرجات
ويصف رئيس ناديه بجحا
ويرد الرئيس اذا هم يقولون
عني جحا فهم حمير جحا
النصراويين اطلقوا اللقب
بعد لقاء تلفزيوني مع مدير المركز الاعلامي بنادي الهلال عبدالكريم الجاسر
لانه في احد اجابته شبه فئه قليله
من جمهور الهلال وكانهم يركبون
او يجرون العربه .. يعني حتى لفظ
كلمة حمار ما قالها وبعد تحاولون تقلبونها شفت الفرق ..
اخيراً لي طلب من الزعماء من يملك اي دليل يثبت صحة هذه الاهزوجة من فيديو او صوره او مقال او من منتدياتهم يعطينا في الردود لان كل ما يوجد في اليوتيوب تم حذفه ..
وجدت مقال لعميد كتابهم الدويش كان فيه تلميح للحادثه لكن ما وضح باللفظ لانه ما يقدر ..
اخيراً : لاننسى الشير واسركبرايز
والاشتراك في القناه
والسلام عليكم ورحمة الله وبركاته
الوضع العادي
