[رعــد]

السلام عليكم ورحمة الله وبركاته

يا زمان العجايب وش بعد ما ظهر --- كل ما قلنا هانت جد علمٍ جديد
إن حكينا ندمنا وإن سكتنا قهر --- بين اتحاد عطيب وبين فكر عنيد

تركي ال الشيخ صرح بأن الموسم القادم يقصد هذا الموسم ( الدوري غير ) بتشوف نجوم بتشوف حماس أنا ابغاء ترجع الاثارة ( المحترمة ) يبي بطل دوري جديد , وعد النصر والاتحاد بموسم مختلف ( فهم النصراويين التصريح غلط ان الدوري نصراوي بطريقتهم القديمة )

دعم اندية الممتاز باعتماد تسجيل 8 لاعبين أجانب
تحكيم اجنبي كامل
اعتماد تقنية ( VAR )
من أجل دوري مولع في الميدان وعدالة كاملة لجميع الفرق بالميدان

لكن الجار الاصفر متعود على سكة قديمة يتوه اذا غيرها , ينعمي اذا شاف الهلال في المقدمة
النصراويين يعيشون صدمة الواقع على عكس ماكانو يتوقعونه بأن الهلال هذا الموسم بيكون في المركز من الثالث الى الرابع

تغريدة تركي آل الشيخ : -
‏
( أشياء غريبة تحدث وكأن المقصود إفشال الدوري وقتل المنافسة فيه !
سؤال مهم واوجهة ل الاتحاد السعودي وللأخ عادل البطي ... مباراة احد والهلال أتاجلت ... النصر والوحدة ماتأجلت ؟! احد يفهمني !
ولـــــــــــــع الدوري )

الدوري اذا ولع داخل الملعب يحترق المتعصبين - اذا ولع الدوري خارج الملعب تحترق الرياضية بكاملها ( أحد فهمني )

كبش الفداء دائما هلالي ( عادل البطي ) استلموه !!! هم دائما الحلقة الاضعف

هذا الموسم صراخ متواصل وبكائيات وهاشتاقات المظلومية تتابع متعودين انه كلما زاد صراخهم تتحقق مطالبهم لعل وعسى رئيس الهيئة الرياضية تركي ال الشيخ يسمع ويستجيب وبطريقة غير مباشرة يذكرونه كيف كانو يعطلون الهلال ويحقق النصر الدوري

علي كميخ يذكر تركي ال الشيخ بنصراويته وانه عضو نصراوي داعم وكان يد بيد مع فيصل بن تركي عليه الالتفات للنصر ( شين وقوي عين )

سعود الصرامي ( صابه هبال مع خبال ) يرسل أشاراته ويحشد حشوده ترى فيه وسيلة كانت فعاله تمنح النصر الدوري بدون ما يحقق المركز الاول يرفع صوته عبر منابر الاعلام ( تسمع ياتركي ال الشيخ )

لو نرجع للمربع الذهبي ونفكك اضلاعة نجد اضلاعه اربعة وليست خمسة كما يريدها النصراويين ( الهلال _ الاتحاد _ الشباب _ الاهلي _ ) هم من تشرفو بتصدر الدوري هم الاربعة الكبار فقط .

من هو المستقيد الوحيد من نظام المربع ولا أحد غيرة تعالوا نشوف ..

الهلال
تصدر الهلال 7 مواسم وحقق بطولة الدوري 4 مرات بخسارة ( 3 دوري )

الاتحاد
تصدر الاتحاد 5 مواسم وحقق بطولة الدوري 6 مرات بزيادة ( دوري واحد )

الشباب
تصدر الشباب 3 مواسم وحقق بطولة الدوري 5 مرات بزيادة ( 2 دوري )

الاهلي
تصدر الاهلي موسمين 2 وحقق بطولة الدوري 0 مرات بخسارة ( 2 دوري )


فريق واحد لاغيره ( النصر ) المستفيد من المربع 17 موسم ولم يتصدر ,, ويحقق بطولتين ببلاش هدية المربع بكوارثر تحكيمية

النصر
تصدر ( 0 ) مواسم وحقق بطولة الدوري 2 مرات ( باطل )

عايد الرشيدي وعبر برنامج 24 مشتغل على مدرب الهلال ( جورجي جيسوس ) يقول عنه مدرب ما يفهم ومو عارف وش يسوي ,, مدرب موب عالمي ,, وماهو تاريخ المدرب وقال مدرب ماعنده شي يقدمه ,, لكن المدرب يحقق نتائج احرجت عايد الرشيدي طلع فسالة ثانية المدرب موب جالس في الهلال وسيغادر للبرتغال يبي زعزعة الهلاليين

ثم نكس على رأسة وطلع بتغريد عبيطة عن مدرب المنتخب السعودي ( المدرب بيتزي لن يصنع الفارق في آسيا منتخبنا بلا هوية )
قال وجهة نظرة ( أن مدرب الهلال جيسوس قد يعيد الأمل للأخصر في آسيا )

في أشارة تكفون أخذو مدرب الهلال وفكونا منه وهذه الطريقة كانت مستخدمة سابقا اذا الهلال تصدر ووسع فارق النقط يستخدمون المنتخب في حرامان الهلال من مدربه ولا يهمهم هل سينجح مع المنتخب اولا المهم يتضرر الهلال ( المنتخب بقريح )
في ادارة الامير عبدالرحمن بن مساعد على مأذكر حاولو استخدام هذه الطريقة لكن الامير عبدالرحمن رفض ذهاب المدرب للمنتخب

اشتغلو على ( VAR ) هذا بالنسبة لهم مصيبة يفضحهم وكالعادة يرمون على الهلال بأنه المستفيد للتمويه وابعاد هذه التقنية
مراسل القناة الرياضية بدون مناسبة يذكر لاعب النصر بان الهلال تحصل على 8 ضربات جزاء يرسلون أشارتهم لا تحتسبون أي ضربة جزاء للهلال بعدها للهلال ضربين جزاء لم تحتسب مدري صدفه ام وصلت الاشارة ( نجاح بالنسبه لهم )
لجنة الحكام مازال في القلب غصة !!!
هذا الموسم يطالبون برجوع الحكم المحلي ,, غريبة طيب الحكم المحلي المستفيد منه الهلال في نظرهم ولا يفوز الهلال الا بالحكم المحلي كيف تغيرت قناعتهم او جاهم انفصام في الشخصية !!
يدركون قبل غيرهم هذا علاجهم في تسليك البطولات لدواليب ناديهم 99% من بطولاتهم عبر هذا المنفذ

مازات ادوات اللوبي الاصفر تشتغل بنفس الفكر السابق كيف يمكن يحققون الدوري بدون تعطيل الهلال !!؟؟
شيلوا مدرب الهلال ابعدوا لاعبينه الاجانب وقفوا لاعبينه المحليين ابعدو لاعبيه عن طريق المنتخب ضعوا المكايد والفخاخ بدلو وعدلو في جدول الدوري قدم وخر .الخ ..........

السؤال ؟ هل نفوذ اصحاب القرار السابقين مازالو قادرين على التجاوب والتدخل في تغيير مسار بطولة الدوري وتوجيهها لغير مسارها الطبيعي ومنحاها لمن لا يستحق بالتحايل على الانظمة كما السابق

الهلال الآن يتصدر وأي طريق بيسلكون لتعطيل الهلال _ الموسم الماضي تصريف سالم الدوسري لاسبانيا,, السماح للاعب الفتح الموقوف بالمشاركة ,, اختراق المدرب دياز وتغيير قناعاته وابعدة الامير نواف بن سعد في الوقت المناسب تسهيل مباريات الاهلي المنافس

ياهلاليين فاقد الشي لا يعطية ثقتهم في انفسهم معدومه لا تستغربوا اي شي جديد يحرف مسار بطولة الدوري

وضعهم مثل وضع بعض العوائل مع ابنهم الصغير ,, يقولون للكبير اخوك الصغير وياخذون اللي بيديه ويعطونه للصغير , كبر الصغير وشاب ومازالو,, يقولون اخوك الصغير ,, تعود على الاخذ ولا يعتمد على نفسه في شي ( يا اتحاد الكرة ويا هيئة الرياضة متى يكبر الصغير ويعتمد على نفسه )