[مش فاهم]

السلام عليكم

اسعد الله صباحكم

مؤسمم متهالك للهلال فعلا الواحد كل مباراه يكون ع اعصابه لدرجه اني صرت م اتابع المباراه لان ادري انها ضغط وسكر .. وش صار؟

جمله كان الجميع يرددها الهلال لايقف ع لاعب !
جمله كان الجميع يتغنى بها الهلال يمتلك خط ثاني !

المشكله مشكله لاعب .... لا تقول لي مدرب واداره
ياخي اللاعب مو جالس يقدم شي بالملعب
كوره مافيه ... هذا هو الهلال ؟؟؟

صح استحواذ طول المباراه بس بدون نهايه بهدف
التهديد صار ع حراس الخصم جدا ضعيف

قلنا الهلال يحتاج مهاجم صريح ... جو مهاجمين مبدعين مع انديه غير الهلال وفشلوا في الهلال

هو شي واحد بس متى م اللاعب احترم الشعار لن يجد له ند ابدا !!




- في نقطه جدا م اعجبتني من وجه السعد ..

انك تقول ( ياسر والشلهوب هذا اخر موسم لهم ) بوسائل الاعلام
جمله غير موفقه ومع ذلك تلعبم اساسيين ؟؟

( تخيل تقول لموظف ان هذا اخر اسبوع لك معنا ) كيف راح تكون انتاجيته!


رساله لكل لاعب

ابتعد عن كل الاشياء السلييه واعلب لاجل الشعار
لاجل الجمهوز
لاجل الفوز

الدوري هلالي باذن الله متى م كان الهلال في يومه

[مضيع بيتهم]

من عرفنا الهلال وكان فيه عله بالفريق اما الظهير او الحارس او السنتر وكنا مسيطيرين على اغلب البطولات وننافس على كل البطولات .. السنة هذي تقريبًا مكتمل الفريق وفيه صف ثاني قوي وسبع اجانب مع الحارس ومع ذلك طلعنا من كل البطولات تقريبًا مافيه الا الدوري هو المنعطف الأخير للإنقاذ الموسم ولحفظ ماء الوجه.

سبق وطالبت الإدارة بالإعتماد على العناصر الشابه من اولمبي الهلال لأنهم الوحيدين اللي بيلعبون للشعار بعيدًا عن المادة ولكن لاحياة لمن تنادي ..
بالنسبة لمقولتك عن الموظف اللي باقي له اسبوع .. شفنا الشلهوب اذا نزل للملعب يعطي كل اللي عنده وبالعكس يكون من افضل اللاعبين في المباراة ولاعب مؤثر ويصنع فارق على الرغم من ضعف اللياقة نسبة للعمر ولكن ياسر لاعب منتهي من سنين وتمنينا انه يعتزل من سنوات لحفظ تاريخه ولكن يبدو انه من النوع اللي لازم يصكه الواحد في وجهه

الشي الأخير دور ال16 من اسيا بيلعبون الفرق بدون لاعبين المنتخب يعني ماله داعي تتعب نفسك وتلعب بالأساسي قدام العين والفريق الايراني لانك بتطلع بعدها ..
التركيز على الدوري أهم من اسيا حاليًا لانقاذ الموسم ولتسكيت افواه طالت السنها وقهر بعض الناس اللي يحاولون اسقاط الهلال ..

[hamodinho]

إقتباس الرسالة الأصلية كتبت بواسطة مضيع بيتهم من عرفنا الهلال وكان فيه عله بالفريق اما الظهير او الحارس او السنتر وكنا مسيطيرين على اغلب البطولات وننافس على كل البطولات .. السنة هذي تقريبًا مكتمل الفريق وفيه صف ثاني قوي وسبع اجانب مع الحارس ومع ذلك طلعنا من كل البطولات تقريبًا مافيه الا الدوري هو المنعطف الأخير للإنقاذ الموسم ولحفظ ماء الوجه. سبق وطالبت الإدارة بالإعتماد على العناصر الشابه من اولمبي الهلال لأنهم الوحيدين اللي بيلعبون للشعار بعيدًا عن المادة ولكن لاحياة لمن تنادي .. بالنسبة لمقولتك عن الموظف اللي باقي له اسبوع .. شفنا الشلهوب اذا نزل للملعب يعطي كل اللي عنده وبالعكس يكون من افضل اللاعبين في المباراة ولاعب مؤثر ويصنع فارق على الرغم من ضعف اللياقة نسبة للعمر ولكن ياسر لاعب منتهي من سنين وتمنينا انه يعتزل من سنوات لحفظ تاريخه ولكن يبدو انه من النوع اللي لازم يصكه الواحد في وجهه الشي الأخير دور ال16 من اسيا بيلعبون الفرق بدون لاعبين المنتخب يعني ماله داعي تتعب نفسك وتلعب بالأساسي قدام العين والفريق الايراني لانك بتطلع بعدها .. التركيز على الدوري أهم من اسيا حاليًا لانقاذ الموسم ولتسكيت افواه طالت السنها وقهر بعض الناس اللي يحاولون اسقاط الهلال ..

ياسر القحطاني لاعب كبير و يبقى لاعب كبير ..

مصطلح اصكه على وجهه .. هاذي ما تنقال للاعب نشأ محب للهلال .. و ما يقولها مشجع هلالي اصلا

ف احسن الادب مع لاعبيننا .. و ادعم الفريق و شجع و قول رأيك اذا زين او شين

اما الاساءه .. ف ي ليت تكرم الهلال عنك

[abubadr98]

الله يعطيك العافية
وبالتوفيق للهلال الزعيم الملكي

[ثائرالهميجان]

المشكلة من يسقط على الهلال بمثل هذه الاشياء (الاستحواذ ، ضعف الدوري ، المجاملات ، لاعبين الهلال بدون روح ، كل هجمة يدينا على قلوبنا ، فريق يجيب الضغط ، الهلال ما فيه هداف ، الهلال لاعبيه شايفين نفوسهم ووووو) لا يقوله عن فريقه الأهلي والنصر والاتحاد .
إذا سجل الهلال قالوا بعد طلعت الروح واذا فاز بفارق هدف قالوا الله ستر واذا سجلنا أكثر من هدف قالوا الفريق المقابل متهالك وووو
الهلال المتصدر بالبطولات وحتى بالدوري حاليا وكلنا نعلم ان الفريق راح يصير له دروب بعد الخروج الآسيوي وهذا طبيعي
ينقص الهلال صانع لعب سريع ومهاري ويجيد التسديد الثابت و المتحرك هذا صحيح ومطلوب من أكثر من موسم ولدينا لاعبين لا نحتاجهم لكن الفريق اجمالا جيد بدليل يغيب عنا فريق كامل للاصابات ولازلنا الأول والمتصدر