[هِلالي خيالي]

السلام عليكم

الحين لو تسأل أي هلالي
وش مشكلة ياسر الشهراني يقولك مجهود ضائع من كل عشر طلعات وحده خطره رغم أنه افضل اللاعبين يفتح ومجهود ماشاء الله
تسأل ثاني وش مشكلة الفرج يقولك لا مبالاته واستعراضه وفلسفته الي مو بوقتها
تسأل وش مشكلة بن شرقي يقولك اناني
وسيروتي يقولك يحتفظ بالكورة
البريك يقولك صار يرجع كثير ولا عنده رغبة بالتقدم

كل واحد عنده عيب واااضح للجميع

الآن سؤالي هذي الأشياء واضحة للجميع وين الدور الإداري يتدخل إذا الفني ضعيف أقل شي لو يترك سلمان فلسفته وياسر يستفيد من أخطائه وينبه بن شرقي و و و والله بيتحسن الوضع كثير

مشاكل الهلال هذا الموسم معروفة ولكن لم تحل .

تحياتي

[ابوساري]

ياسر الشهراني لاعب ماشاء الله عليه .. دفاعياً لاعب عالمي .. قوي و سريع و افتكاكه جميل جداً .. ارتقاؤه للرأسيات والألعاب الهوائية ممتاز ..
لاعب صاحب مجهود بدني كبير ماشاء الله عليه .. الله لا يضره ..
لو كانت عندك ناس تخلص الهجمة و تعرف تتمركز و تستغل العرضيات كان أصبح أفضل صانع لعب ..
مباراة الهلال الأخيرة صلح كورة و ضاعت برعونة ..

و فكرة إنه هجومياً سيء هذي كذبة ما أدري من اللي اخترعه ..
ظهير مصلّح لك 3 اهداف بالدوري فقط.. و مسجل هدفين ..
يعني ساهم بشكل مباشر بخمسة أهداف .. ناهيك عن دوره الدفاعي الجبّار .. !

مابه مهاجم أو لاعب وسط يفتح النفس بالتمركز غير إدواردو .. وبدرجة أقل خربين .. وكلهم غايبين بالفترة الماضية ..
عندك ريفاس .. قصدي ماعندك أحد ريفاس .. وباقي البكشة اللي ينفرد ويقعد يسحّب باللاعبين وبالهواء ..

[go hilal go]

لو كل لاعب قبل يسدد من نص الملعب ويضيع هجمه واعده يشيل هم الادارة.
كان حنا بخير
لو كل لاعب قبل يراوغ ويستعرض في مناطق خطرة يشيل هم المحاسبة.
كان حنا بخير.
لو كل هجمة مرتده مافيها انانية.
كان حنا بخير.
لو كل لاعب يمرر في وقت التمرير ويراوغ وقت المراوغة.
كان حنا بخير.
لاعبينا هم الافضل محليا لكن فعلا نحتاج بعض من الحزم..من المدرب او من الادارة.

[المجهر]

فعلا ... ماشاء الله عليك .. هذا اللي كنت الاحظه وقت المباراة ! ..
ياسر الشهراني يعاني من ضعف تركيز هائل ..وكل موسم يخرب اكثر من الموسم اللي قبله ...خاصه في هذه المباراه كان فعلا فاقد تركيزه بالمره .....
لكن مع ذلك ...مع ذلك...يبقى لاعب مهم جدا ..موهبة ونشاط هائل ...يندر تجد مثل نشاطه ....
نحن نحبه ونريده ....الا بحالة استهتاره بمستقبله ...واستمرار معدل هبوط مستواه اكثر واكثر ....
هنا لابد الغاء عقده ....

يجب تنبيهه وتذكيره باهمية مستقبله ... يجب نصحه وتذكيره ..على التخلص من كل هم او لذات زائده عن اللزوم ..مثل السهر وكثرة الاصدقاء والسهرات ..او غذاء سيء ...او هموم وتفكير زائد في تفاهات ...تشتت تفكيره وبعدين ينخفظ مستواه لان عقله مشتت بامور كثيره واهتمامات كثيره ..

[من غيرك زعيم]

نعم هذه الاخطاء واضحة وضوح الشمس في رابعة النهار لكل المتابعين وتسأل عن الدور الاداري اقول لك من هم أداريين الهلال سمو الأمير يبدو أنه احبط بعد نهائي اسياء وزادت عليه الأعباء والبقيه بما فيهم المفرج لم يقدمو الدور المأمول منهم ولذلك فرحيلهم مطلب نهاية الموسم سواء تحقق الدوري ام لا

[مع الزعيم وين ماراح]

متى الهلال سجل من خارج الثمانية عشر من فاول او شوته

[هلاليه زي القمر]

ماحولك احد لا فنيا ولا اداريا

الله كريم

صحيح الشهراني عنده بعض العيوب لكن يبقى الاعب الاكثر قتاليه والاميز في خط الدفاع مع جحفلي

يعطيك العافية

[هِلالي خيالي]

إقتباس الرسالة الأصلية كتبت بواسطة ابوساري ياسر الشهراني لاعب ماشاء الله عليه .. دفاعياً لاعب عالمي .. قوي و سريع و افتكاكه جميل جداً .. ارتقاؤه للرأسيات والألعاب الهوائية ممتاز .. لاعب صاحب مجهود بدني كبير ماشاء الله عليه .. الله لا يضره .. لو كانت عندك ناس تخلص الهجمة و تعرف تتمركز و تستغل العرضيات كان أصبح أفضل صانع لعب .. مباراة الهلال الأخيرة صلح كورة و ضاعت برعونة .. و فكرة إنه هجومياً سيء هذي كذبة ما أدري من اللي اخترعه .. ظهير مصلّح لك 3 اهداف بالدوري فقط.. و مسجل هدفين .. يعني ساهم بشكل مباشر بخمسة أهداف .. ناهيك عن دوره الدفاعي الجبّار .. ! مابه مهاجم أو لاعب وسط يفتح النفس بالتمركز غير إدواردو .. وبدرجة أقل خربين .. وكلهم غايبين بالفترة الماضية .. عندك ريفاس .. قصدي ماعندك أحد ريفاس .. وباقي البكشة اللي ينفرد ويقعد يسحّب باللاعبين وبالهواء ..

انا معك في كل شي خاصة في الأدوار الدفاعية والتمركز لكن هجومياً غالباً أوفراته تكون بعد ما ينزنق او قريب لخط المرمى ما في لاعب يخلوا من عيوب حتى مارسيلو في مدريد له عيوب هدفنا هو تجاوزها .

تحياتي لك

[بلجيك]

الشهراني والفرج وبن شرقي والبريك

يعلمون ان مافي احد ينافسهم على الخانه

وسيروتي شكله سبهه شد بلد

من نظراته تحس انه مهبول

[هِلالي خيالي]

إقتباس الرسالة الأصلية كتبت بواسطة بلجيك الشهراني والفرج وبن شرقي والبريك يعلمون ان مافي احد ينافسهم على الخانه وسيروتي شكله سبهه شد بلد من نظراته تحس انه مهبول

ههههههه ضحكتني اما سبهه ههههه