12/12/2017, 09:24 AM
|
 | زعيــم مميــز | | تاريخ التسجيل: 13/04/2013 المكان: ولاية الرياض
مشاركات: 3,179
| |
|
شي ف الخاطر .. قبل تنتهي الشتويه
السلام عليكم ورحمة الله
اسعد الله اوقاتكم بكل خير
اتمنى من ادارة الهلال تكون تتابع الطرح اللي يصير ف المنتدى من مواضيع ومشاركات
لأنها تجي ف المقام الأول من ناس محبه وغيوره على هذا الصرح العظيم
الانتقالات الشتويه قربت واكيد الهلال بيطعم الفريق بحكم اصابة ادواردو وعدم توفيق ماتياس
الهلال من وجهة نظري ووجهة نظر ناس كثير متابعين للهلال خاصه وللدوري عامه يحتاج في المقام الأول صانع لعب
مع العلم ان الغالبيه كانوا يطالبون بلاعب في هالخانه وادواردو يلعب .. شلون الحين وهو مصاب والوعد الموسم الجاي
طبعا ليش نطالب بهالخانه وحنا وسطنا يعج بلاعبين جيدين ؟
لأن ولا واحد فيهم عنده مهارة " الصناعه " اوك يسلم ويستلم ويفتح لك بس انه يصنع ما يقدر
لأن هذي امكانياته
يعني مافيه احد يعطيك كوره انت وضميرك
واكبر دليل ع كذا ان الهلال وصل ف الاستحواذ الى ارقام مرعبه من 70 وفوق لكن المحصله ف الاخير 0 !!
وما مباراة الفتح ببعيد وهي اقرب مثال لحالات سابقه
صانع الاهداف مهمته الاساسيه اذا لعبت قدام الأنديه المتكتله يعطيك كوره في غمضة عين الا وانت مقابل الحارس
مو تقعد تمرر مليون كوره من اليمين لليسار واخرتها تسطيح او كورنر , يجيك 30 ويمكن تستفيد من وحده
اتمنى عموري لسبب بسيط جدا .. شاري الهلال ويبي يلعب معنا لو مباراه .. وغير كذا الملاعب تشهد له ما شاء الله
ميليسي واضح غيابه .. لك ان تتخيل عزيزي القارئ ان نادي الهلال لا يملك لاعب يسدد من خارج 18 الا ميليسي
عموما ما اطول عليكم
خيارات الهلال واضحه وما تحتاج تأليف
بدرجه اولى صانع لعب يعوض ادواردو .. ومب لازم يشوت فاولات او لا اهم شي " يصنع"
مهاجم بدال ماتياس .. راس حربه لاعب صندوق يتنفس ع التسجيل مب مهاجم ثاني او جناح
واذا ما ودكم ب 6 لاعبين مو مشكله جيبوا مهاجم احسن من ريفاس
وان حصل لاعب طرف خير وبركه
اخيرا اتمنى ان صوتي وصوت جمهور الهلال يوصل وتكون الإداره تتابع وش نكتب هينا
احترم ان الاداره تعطي كل شخص مهامه وصلاحياته وتترك له حرية التصرف
بس فيه اوقات تحتاج تدخل عاجل وقرار إداري للمصلحه العامه
يارب وفق الزعيم ~ |
5Likes 
الوضع العادي
