[ibrahim bawazir]

قسم بالله ذبحتونا بإرجاااع الكوره للحارس . . لاتستغرب تشوف تمريرات الهلال كثر شعرك لكن كلها من الحارس للدفاع

والله العظيم ملينا ~ الكوره بنص ملعبك تقوم ترجعها للدفاع ومن الدفاع للظهير ومن الظهير يرجع للحارس ويصير ضغط على الحارس ويشتتها اي مكان خارج الملعب وعلى كذا
أيام قريتس كان كذا ؟؟ ماغير نشوف هجوم هجوم هجوم لاتفريط في الكرات اللي مع لعيبة الهلال

والفلسفه الزايده حدث ولا حرج وتسببت بهدف الاول للوحده اليوم ~ كان الفرج والعابد والحين انضم لهم عطيف .. برود دم وحرق اعصاب الجماهير ~ تنقطع منك الكوره تصير هجمه خطيره علينا وتحطون اللوم في الدفاع والحارس ..

لعب بارد بدون جديه ~ يلعبوا اول الدقايق بحماس وإن سجلوا هدف خلاص ضمنوا المباراه ميسي وسواريز ع غفله ! !
شفناها في اكثر من مباراه وابرزها مباراة الريان واليوم في مبااراة الوحده ~ وين المدرب وين المدير الفني ~ صارخوا ع الكديش اللي بالملعب خلوهم يحترقوا ~ يستلموا بالملايين ويلعبون ع الواقف الا من رحم ربي ~ يارجال الوحده اضعف فريق بالمجموعه وقبل مبااراته معنا كانت نقاطه 0 ~ تخيل عزيزي ان الوحده كسب نقطته الوحيده من الهلال

ضيعنا المباراه بانفسنا كان نقدر نخلصها من اول 20 دقيقه بـ 3 ~ افهم انت ببطوله اسيويه لو تسجل 10 اهداف اجتهد وقاتل عشان تجيب ال11 ~ لولا ستر الله اليوم كان خرجنا مهزومين

البريك والشهراني نجوم ولا غبار عليهم

العابد والفرج وعطيف لعيبه كويسين ويقدموا بس لو يتركوا الفلسفه ويلعبوا بجديه

قلبي الدفاع مانلومهم لما يصلحوا غلطات المحاور الباردين ~

ادواردو كويس ويتطور من مباراه الى اخرى

ميلسي وليو ~ ماينفعوووون ابداً اتمنى نهاية الموسم رحيلهم وجلب صانع العاب ومدافع اجنبي ان احتجنا

عمر خربين تسلم رجلك انقذتنا من فضيحه كرويه ~

نصيحه لوجه الله ~ احين فترة توقف منااااسبه للتصحيح ~ تداركوا هالامور قبل مايوقع الفاس بالراس ونندم ويضيع كل شي
افهموا نبي دوري واسيا فقطططط كل تركيزنا عليهم

هذا ماعندي والسموحه ع الاطاله ~ خرجت كل اللي بقلبي واتمنى مايروح كلامي هباء منثوووور

استودعكم الله