[saud-114]

الهلال يعاني من ازمة بعد طرد المدرب السباك .. نمرة واستمارة

الخوف ان يكون بعد هذا الصبر يخلفه تمخض الجبل

الهلال كان من الاولى ان يغتنم فرصة انجوس مع نهاية الدوري العام الماضي

اما عملية البحث عن مدرب ليه الكلام .. مع احترامي لن يحضر لنا مدرب

الا اذا كان عزوبي او مضرب عن الزواج ..

الى متى والهلال يعاني من نفس المشكلة .. ارقام فلكية ولاعبين اتوقع بعشر المبلغ المعلن

او اتوقع يجون بنظام اختر لاعبين من عندنا والثالث مجاناً ..

كلمة من القلب يا بو سعد السمسار الى عندك ( مثل سمسار النصر السابق الى جاب لهم لاعب راسه مادخل مع الفنيلة )

اجل الاهلي والاتحاد يحضرون لاعبين بمبالغ بسيطة ويمتعون جمهورهم ونحن ندفع اضعاف مبالغهم

على الاعبين احتياط ومدرب سباك .. اتوقع بنلف ونلف ونلف وندور وبنرجع على مدرب جالس

عند البوفية باوروبا يشرب شاهي او بنكمل بسيبيريا ..

اتوقع اخر زمن كان فيه اختيار مدرب جيد جريتيس قبل نهاية الدوري اعلن اسمه ..

المشكلة ان تويتر منار لجميع الجماهير الهلالية ويصدقون كلام الحاقدين والكتاب ابو ريالين

الاهلي فسخ / توقيع / واستقبال ..

ونحن من معاه الهندسة معي من معه المسطرة عندي

من الى خطه زين انا من الى بيطبع الخطاب بعد ما يخلص صابر من الى بيتكفل بقطية المدرب

كل واحد يطالع الثاني باحراج ..

الهلال يعيش ازمة والجمهور يعاني اكثر من الادارة

هل يعقل السوق مسكر ما فيه مدربين

اتوقع الهلال ينتظر الشارقة يطرد دونيس عشان يوقع معه

المسلسل مستمر حتى لحظة كتابة كلامي .. ومن الممكن ان يبدا الدوري ونحن لم نجد طباخ للفريق