[ThiagoNeves]

السلام عليكم

بدخل في الموضوع على طول



طقم الهلال هذا الموسم رائع للامانه الاكمام والخطوط السوداء معطيه فخامه للقميص والشعار
لكن فيه معيّب ومخرب الطقم من 3 سنوات مشوّه الارقام من الخلف اللي هو المربع حق اعلان
الرمال للرياضة .. اولاً اشك ن هالرعايه تجيب ملايين للهلال .. ثانياً من باب اولى انه يوضع اسم الشركة او المحل
لحاله مايحتاج مربع كبير يغطي الرقم يشوّه ويشوه اللون .. التصميم من الخلف غبي صراحه وما فيه اي تناسق
لكن من الامام اشوفه فخم .. صح انها نقطة ماتستاهل لكن اشوف الاغلبيه متذمرين من هالشيء وما الومهم صراحه



اتمنى تعديل التصميم من الخلف وازالة المربع اللي ما ادري وش يبي .. وترا نايك مالها دخل للمعلومية ..

انتهينا من الموضوع الطقم نجي لموضوع ليو

اللاعب صغير وله مستقبل والواضح من لمساته في السوبر والجولتين الاولى انه لاعب ممتاز فنياً ويفيد الفريق بتحركاته
المشكلة العظمى وللاسف ان جمهورنا او الجمهور السعودي بشكل عام اذا جاك مهاجم اهم شي يسجل وما يضيع اي هجمه .. ما ادري متى يتثقف البعض فنياً .. اللاعب كنتروله على الكرة وتمريراته اغلبها سليمه .. وهذا الشي اللي نفتقده في مهاجمينا .. تلقى كراته 90% منها مقطوعه ومايلمس الكورة الا مرتين بالمباراة ويجيب هدف سلك صدفه وتشوف الجمهور يطبله

طيب تبون مهاجم يسجل ؟ هذا الميدا سجل في اول مباريات الدوري وبالنهايه صار سيء وفاشل بنظركم !!
واذا على تضييع الفرص هذا ناصر الشمراني يضيع فرص مع الهلال اكثر من اهدافه .. ومع ذلك له جمهور يطبّل له وللحين مقتنع انه مهاجم حاسم ..

ليو تضاربت عليه اندية اوروبيه لصغر سنه ولمهاراته .. يجيك مشجع من اول مباراتين يقول عنه فاشل وانه الميدا ثاني !!! يا جماعه اصحوا
فريقكم ما اكتمل وسطه .. وسط الفريق يعتبر نقطة ضعف بالسنوات الاخيرة الان بدى يتحسن مع وجود الرويلي و الاجانب الجدد

انا ما اقول ان ليو سينجح بالنهاية .. لكن كبداية اشوفه مقدم اداء جيّد جداً .. التسجيل ماهو كل شي
وايضاً بدري جداً الحكم عليه

لا وما يضحكك اكثر الا اللي يقول لك فرصه 3 مباريات او 4 اذا ما سجلت فيها ف انت فاشل !
وربي ماخرب فريقنا الا هذي النوعية


كل التوفيق لهلالنا
بإذن الله لقب الدوري يكون حليفنا هذا الموسم