[king99]

اسكتوا ترى ماهو وقته
هذه المقولة اغلب من يرددها هم بني فقرون والطابور الخامس
هذه المقولة للأسف انتشرت في المنتدى
كلامهم معناه اتركوا المدرب يمرمط الفريق عادي طبيعي بس اسكتوا
لا تتكلمون إلا بعد ضياع الدوري والخروج من آسيا
قسم بالله هذا ما يبحث عنه… ويصدقه المغفلون
مدرب يهمش هداف الدوري علشان ما يفضح مهاجمه اللي جايبه معه
مدرب ما عندك احد اسألكم بالله المبزوط شراحيلي عقابه مباراة والمنزبط الشمراني لإنه زعل من التهميش يطرده من الفريق
الميدا يضيع عشر ويسجل هجمه يقتل اللعب قتلا كم هدف ضيع اليوم وكم كورة قتلها وكم هجمة خربها ومع ذلك اساسي بهذل السالم لاصقن فيه ولا يمكن يمرر للمهاجم خويه يدور اي لاعب يمرر له إلا زميله المهاجم
ومع ذلك اساسي
مدرب راكن محور مثل كريري وحتى عطيف ما سلم من شره يطلعه ويخلي الأشول الخلوق محمد الشلهوب محور تصوروا محاورة الفريق كلهم شول لا ويزيد الطين بلة يطلع الشلهوب وينزل درويش ايمن وينقل الشهراني يسار مع الزوري
طيب عادي اسكتوا حتى تطلعون من آسيا انتبهوا تتكلمون مو وقته اذا انتقدتوا المدرب وغيره تراكم مندسين
العبارات السابقة والسكوت لين تخرب مالطا هي مايريده منكم بني الأصفر
قلتها واقولها جيل خالد شراحيلي والفرج وعزوزي وسلومي لن يحققوا دوري إلا برباعي عالمي من نوعية وليهامسون وروح رادوي والتايب
اسكتوا لا تتكلمون خلوا المدرب على كيفه اسكتوا حتى يروح الدوري ونطلع من آسيا بعد تكلموا أي واحد يتكلم تراه...
ايه يا زمن لاعب مثل الشمراني مبعد بقرار فني وعزوز أساسي .