[مهتم7]

السلام عليكم
الحمدلله ان الهلال نجى بصعوبه من خساره ثالثه في الدوري
والبركه في الرجال اللي نزلو الشوط الثاني
الشمراني ، العابد، ياسر القحطاني

نعم بعض الاعبين
لهم اخطا
لكن
هل انتقد احد المدرب دونيس!؟
هل يحاسب من الاداره؟

وجواب على سؤال دونيس عندما سال استغرب ليه الهلال ماحقق الدوري من سنوات ؟
الجواب بوجودك انت وامثالك من المدربين...
اللي " يصرون على قناعاتهم الخاطئه
وبدون قراءة الخصم جيدا والاستهتار في العمل والاصرار على لاعب معين يشركه على حساب لاعب افضل

علمو دونيس ان الهلال يمتلك لاعبين سوبر ستار
ولكن يحتاجون مدرب "
يحتاجون دفع معنوي في الملعب مدرب يظهر روح الانتصار من الاعبين..

"ماهو مدرب يحاول ييعلق فشله على الحكام"


تعليق الخسائر على الحكم
لغة دخيله على الهلال
وحتى لو الحكم متعمد يخسرك
حاول ان تهزم الخصم والحكم كما كان الهلال في السابق.

قسم بالله ملينا من هالاعذار في كل موسم ، حكم وحكم
عيييب



تبي الدوري
اضبط المدرب والاعبين
مدرب يستهبل في التشكيله ولاعبين يستعرضون ومستواهم ضعيف وتجي اخر المباراة تلوم الحكم مالك حق.

خالد شراحيلي :
قبل كل مباراة للهلال يثير الجمهور ويشغل نفسه ويشغل الجمهور بتصرفاته الطفوليه

" تغير لوك"

وتصوير سنابه ونشرها
وضجه مالها اخر

ليه وش هدف شراحيلي من هالتصرفات الغريبه ؟
غير لوك وجاب العيد في الهلال
كورتين من إلتون
ويقول صعبه لا والله ماهي صعبه لان تفكيرك ماهو في الملعب
في ايش قالو الناس عن " الوك الجديد"

سؤال هل شراحيلي صدق ان مافيه الا هو في حراسة الهلال؟

هدفين من إلتون بنفس الطريقه
وثقل في الحركه من شراحيلي
لان تفكيره برى المباراة
تفكيره كم وصلو متابعينه في السناب شات


للاسف حتى طقم الحراسه الاخضر
غير لائق
اقل شي الطقم الثاني يسهل على الحارس الحركه لاحضو وارجعو لكل مباراة يلبس حارس الهلال الطقم الاخضر .. يخسر الهلال
لانه يثقل حركة الحارس ويتلاصق لدرجة كورة كوبري تمر بسهوله
ونتذكر السديري كان لابس هالطقم في نهائي اسيا في سيدني
واي مباراة يلبس حارس الهلال هالطقم يلقم اهداف


عموما نحتاج لتصليح اخطا المدرب
واخطا الاعبين
قبل مانطلع الاعذار اللي ملينا منها اللي كل موسم تتكرر

اذا تبي الدوري
انسى الحكم..


وزين ان منافسك في الدوري هالموسم الاهلي
اللي حتى لو يلعب لحاله على الدوري جاب الثاني..::