[ابومشاري الهلالي]

مبروكين وعقبال الفوز عالشباب والظفر بالكاس من امام الاهلي.....

الزعيم ماشاء الله انتصر اليوم على القادسيه والتحكيم الذي حسب تسللات كثيره خطأ وتجاوز اخطاء وكروت عالفريق الخصم واستمر التحكيم السعودي في انحدار مستواه والكل يشهد بذلك ولكن يظل الزعيم اكبر من التحكيم متى تفرغ لاعبوه للكره فقط.
المستوى فوق المتوسط

دونيس مستمر في النجاح بتدوير اللاعبين وتخطيطه على المنافسه على جميع البطولات كما طلبته الاداره

من فوائد التدوير كسبنا رجوع عبدالعزيز الدوسري لمستواه فقط تغير شكل الفريق بدخوله

ايضا رجوع ياسر التدريجي وكل مباراه يقدم افضل من اللي قبلها .... لاعب مهم

تسجيل الشمراني مهم والاهم هو حرصه على اللعب بدون نرفزه .... الزلزال محتاجينه جدا اذا احتدمت المنافسات وآسيا

سلمان يرش الكور ماشاء الله عليه رمانة الفريق... فقط يكتملون المدافعين ويرجع كريري يغطي المحور ويتفرغ الفرج للابداع الهجومي

ما شاء الله فريق الهلال ولاول مره منذ سنوات لايفرق معه غياب اي لاعب... احتياط قوي واحتياط الاحتياط قوي... اربعه اظهره جاهزين بمستوى متقارب.. واربعه محاور ... واربعه مهاجمين ماشاء الله اما الوسط فمكتمل يبقى فقط قلب دفاع سوبر ستار محلي او من الاولمبي وانا متأكد دونيس بيحل الموضوع قريبا.

الزعيم يلعب الكره الشامله لدرجة ان جحفلي يصنع من خط السته للفريق الخصم.

لا أحد يفهم تفكير دونيس ولكن الاداره واللاعبين يثقون فيه جدا واغلب الجمهور الغير منفعل. فما بالكم بمدربي الفرق الاخرى فهم يفكرون الف مره في كيف سيلعب وهذي في حد ذاتها تربك خططهم وتجعلهم يحذرون من المغامره.
اللي يقول انهزمنا امام الاهلي والاتحاد واهلي دبي ... أقول له لو طبق اللاعبين خطة المدرب ولعبو بالتركيز المطلوب كان الامور غير. لكن لايوجد فريق لايهزم. ولو اعيدت تلك المباريات عشر مرات لفاز الهلال في تسع.

درويش .... ماشاء الله لديه حل لكل مشكله ومخرج من كل زنقه

اخيرا... احترامي لكل من حضر وامتعنا في المدرج

[كوديباك]

مشكور ع الكلام الحلو
واللي حضروا اليوم يستاهل كل شخص قبله على راسه

وعقبال رجعة البقيه لمستواهم العابد وسالم والسالم

[جمهور بن أزرق]

فيه أخطاء كبيرة في الشوط الأول لكن الفوز يجب ما قبله
3 قلوب دفاع ما تناسب الزعيم اتمنى 4-5-1

شفت الهدف اللي سجل علينا يذكرني بالمباراة النهائية
بين سادس (أ) وخامس (ب)
ما استفدنا من 3 قلوب دفاع الله يستر من المباريات القوية

[ابومشاري الهلالي]

إقتباس الرسالة الأصلية كتبت بواسطة جمهور بن أزرق فيه أخطاء كبيرة في الشوط الأول لكن الفوز يجب ما قبله 3 قلوب دفاع ما تناسب الزعيم اتمنى 4-5-1 شفت الهدف اللي سجل علينا يذكرني بالمباراة النهائية بين سادس (أ) وخامس (ب) ما استفدنا من 3 قلوب دفاع الله يستر من المباريات القوية

فيه اخطاء وفيه ايجابيات اكثر من الاخطاء والنتيجه دليل

الخطه وامورها بيد المدرب وانا اثق فيه والهلال ليس بفريق صغير حتى لاتناسبه او تناسبه خطه واحده. انا اليوم شفتهم يلعبون مره اربعه اربعه اثنين ومره اثنين اربعه اربعه.

موضوع الخطه والانتشار موضوع عميق وقد يكون عالورق شي والتطبيق شي ثاني. الفرق الكبيره لديها مرونه عاليه في التشكيل يتغير بحسب الظروف في المباراه الواحده والحمد لله الهلال لديه نجوم ويتمتع بهذه المرونه


اهم شي التقيد بتعليمات المدرب واللعب بروح عاليه

[hilalicanada]

ودي اقول شي عن التحكيم:

مافي اعذار تحكيم للاعبين

جميع اللاعبين مطالبين بالفوز حتى لو كان الحكم ضدنا

ومافي شك ان الحكم الهويش ضميره يذكرني بزنوبه الحمام اعزكم الله

لكن الحمدلله ان اللاعبين كانو اكبر منه ولا اعطوه اي اهتمام... وهذا هو تصرف اللاعبين الكبار

[king99]

مبروك الفوز لكن مقولة اكبر من التحكيم ما تنهضم نسيت نيشمورا ومرعي وامس الهويش لولا ستر الله طرد نصف الهلال بعض الجمهور اذا فاز نسي كل شيء واذا انهزم تذكر كل شيء لا ينسينا الفوز النقد الصحيح ولا تجعلنا الخسارة نبخس حقوق الآخرين الاعتدال مطاب في جميع الاحوال يفترض الادارة تصرح بوضع التحكيم الكوارثي امس ثلاث اهداف هلالية وطرد لمصالحنا وتغاضي عن خشونة وش نبي نسوي مع الشباب نسكت لين يتوقف كل الفريق

[خيال هلاليه]

وربي مهما وكان فزنا والحمدلله بس مفروض وربي الأمير نواف مايسكت عن هالشي !!
يعني معقوله ثلاث او اربع تسللات تحسب وهي مو تسلل والفرص كانت تقريبا انفرادات يعني اهداف بنسبه كبيره !!!
الأمير نواف ليته طلع بعد المباراه وتكلم عن هالتحكيم الفاااشل والغريب !!
لو جا هدف علينا من هالفرص للقادسيه بنهاية الشوط الأول كان يمكن صعبت علينا المباراه لانجلس نتكلم ونطنش هالتحكيم والصافره علشان بس فزنا وبأربعه !!!
وربي حتى هالهويش أي لمسه من لعيبتنا لهم فاول أي شي جالس يحسب لهم ولولا ستر ربي كان وصل فينا بالاحمر ..
لانهم هالحكام يطبقوون كل شي مع الهلال لكن اللي لنا اييه عاادي طنش عدي له ولا يآخذ كرت ومو مشكله احسب تسلل مشكوك للهلال لكن للفريق المقابل وربي اتحدى اذا بمباراه أي فريق ثااااااني غير الهلال تحسب له اربع تسللات وهي مو تسلل ؟!! وربي اتحدى من هنا لمية عاام !!
خلاصة الكلام الرئيس على كل رجالات الهلال مايطنشون هالاغلاط الفادحه من الحكام ضد الهلال والتحدث فيها بكل الوسائل !!
مو كل مره ترى مع الظلم نقدر نفوز لاتسوون فيها اووه الهلال اكبر من التحكيم .. احنا نبي حقنا بسس !! لانظلم ولانـُظلم

[ازرق هلالي1]

موضوع رائع وانصاف لعمل الجميع بنادي ولا يوجد عمل بدون اخطاء الكامل لله سبحانه وتعالى
من الصعب ان تجد مدرب يعطي باخلاص ويركز ع جميع الموجودين من لاعبين في التشكيله
هذا التنافس من صالح الفريق ويطمن ان الفريق لا يعتمد ع لاعب بل الاعب هو من يحتاج ان يعمل
اكثر حتى يلعب للفريق امس شفنا الاعبين الكل يحاول يثبت نفسه
ويارب التوفيق لعملاق اسيا الزعيم الملكي.

[عاشـ يـ 20ــاسرــــق]

- عندما يلعب الزعيم ويبادر بالهجوم والروح العاليه مهما كانت القرارات التحكيميه الغير المنصفه حتماً ستجده يثمر .

- مافيه شك التدوير بين اللاعبين في هذا التوقيت من صالح الفريق وتحسب لدونيس .
خاصتاً ان امام الفريق مباريات مهمه تحتاج الى الاحتفاظ ببعض العناصر المهمه .

- صحيح ان الشوط الاول الفريق افتقد الانسجام بسبب بعض العناصر
الجديده + الحارس وهذا شي طبيعي ..

- اداء عبد العزيز الدوسري بالامس ساهم في نجاح ماكان يسعى اليه دونيس ونجاح اللاعب
عن ماقدمه سابقاً واتمنى ان يستمر على هذا العطاء . فمبارة امس من أجمل المباريات الي شاهدت لعبد العزيز الدوسري بعد عودته من الاصابه .

- اداء الفريق بشكل عام امام القادسيه خاصتاً بالشوط الثاني لاحظت كثرة تنويع التكتيك الهجومي من الفريق سواءً مع الاطراف او العمق او التسديد . شكرا دونيس .

- اتمنى من مدرب الحراس تكثيف التدريبات للثنيان والجلوس معه على اخطاءه
فالكوره المنفذه من فاول للقادسيه والتي حصل القادسيه منها هدف كانت قصيره
فمن الخطأ خروج الحارس بهذا الشكل وأرباك المدافعين ..

الف شكر لك يبو مشاري ..
وبالتوفيق للزعيم أمام الشباب ..

[ابومشاري الهلالي]

العفو لكل من شكر او اشاد او انتقد.

احب اكرر مقولة ( الزعيم أكبر من التحكيم ) وهي حقيقه ويجب على اللاعبين استيعابها جيدا ... لانها تصب في مصلحة الفريق
و تحيد تأثير قرارات التحكيم او سقطاته على اللاعبين المؤمنين بهذه العباره

[aommasi]

اقوووووووول الله يوفق الزعييم الاسيوي ويجنب لاعبيه الاصابات والبطا قات الملونه ويسر لهم جميع البطولات اللهم امين

[تررركي2007]

موضوع رائع..
الهلال فعلا اصبح يلعب الكرة الشامله..وعملية التدوير انتجت لنا مالايقل عن 20 لاعب بمستوى واحد وقادرون على اللعب في اي وقت..قلتها سابقا واقولها الان..دونيس لها اخطاءه فلا يوجد مدرب كامل..ولكنه براءيي الشخصي الافضل والانسب للهلال والاقل اخطاء..بل الاكثر اخلاصا للفريق الهلالي فهو يبني فريقا كاملا واعاد لنا عدة لاعبين كادوا ان ينتهوا..
الهلال بالامس سجل اربعة اهداف واضاع مثلها واضاع عليه الحكم المساعد هجمات وانفرادات بحجة التسلل! الذي لم يكن له وجود..
كما قال عدة محليين ان الهلال يتعب اي فريق يقابله بلعبة الاستحواذ والكرة الشامله طوال ال90 دقيقه..
لايوجد عمل كامل...فلازال هناك بعض السلبيات...وان شاء الله تتم معالجتها..
الهلال في طريقه براءيي الشخصي ان يكون افضل فريق سعودي يلعب الكرة الشامله فقط اعطوا نواف بن سعد ودونيس الفرصه لسنوات قادمه وباذن الله ترون هلال الكرة الشامله...الكل يسجل والكل يصنع ..

[ابومشاري الهلالي]

إقتباس الرسالة الأصلية كتبت بواسطة تررركي2007 موضوع رائع.. الهلال فعلا اصبح يلعب الكرة الشامله..وعملية التدوير انتجت لنا مالايقل عن 20 لاعب بمستوى واحد وقادرون على اللعب في اي وقت..قلتها سابقا واقولها الان..دونيس لها اخطاءه فلا يوجد مدرب كامل..ولكنه براءيي الشخصي الافضل والانسب للهلال والاقل اخطاء..بل الاكثر اخلاصا للفريق الهلالي فهو يبني فريقا كاملا واعاد لنا عدة لاعبين كادوا ان ينتهوا.. الهلال بالامس سجل اربعة اهداف واضاع مثلها واضاع عليه الحكم المساعد هجمات وانفرادات بحجة التسلل! الذي لم يكن له وجود.. كما قال عدة محليين ان الهلال يتعب اي فريق يقابله بلعبة الاستحواذ والكرة الشامله طوال ال90 دقيقه.. لايوجد عمل كامل...فلازال هناك بعض السلبيات...وان شاء الله تتم معالجتها.. الهلال في طريقه براءيي الشخصي ان يكون افضل فريق سعودي يلعب الكرة الشامله فقط اعطوا نواف بن سعد ودونيس الفرصه لسنوات قادمه وباذن الله ترون هلال الكرة الشامله...الكل يسجل والكل يصنع ..

إضافه رائعه اخوي تركي
وصدق من قال اذا تبي تعرف الهلال تخيل نفسك تلعب ضده