[إيهاب زكري]

السلام عليكم ورحمة الله وبركاتة

هاردلك للزعماء خسارة النقاط الثلاث (فقط)

الهلال فعل كل شيئ في كرة القدم اليوم الا الفوز !!! وزعلانين؟؟؟

مو بعد كل هزيمة نخرج ونفرد عضلاتنا على اللاعبين والمدرب والادارة

اغلب الجماهير طاحت في المدرب (اللي هو نفس المدرب اللي فازو معاه قبل) شخصيا اشوف دونيس ممتاز ويعرف كيف يتعامل مع احداث المباريات ولولا تحركاته وقرائته للمباراه لكانت النتيجة 4-0 لكن قدر يعود بالشوط الثاني لولا فقدان التركيز للسديري وتشتت الذهن اللي كان طوال المباراه كان قدرنا نرجع ونتقدم

الجماهير اللي تبي الهلال يفوز بس لا تتابعو المباريات الافضل انكم تقعدون وتشوفون اشغالكم وتعرفون النتائج عن طريق الرسائل او تطبيقات الرياضه ... انتو تشجعون الهلال ولا تشجعون الهلال الفائز ؟؟

فتحو عقولكم شوي الهلال كبير باسمه كبير بشعاره كبير بجماهيره الوفية .. ايش المشكلة انو يتعثر في بطولة او مباراه (حتى لو كانت مهمه له في الدوري) ترى لسه احنا بالجولة الخامسة وباقي واااااااااااااااحد وعشرين جولة

ماراح اقول انو الهلال عنده نقص لاعبين ديقاو وناصر وخالد شراحيلي لاني مؤمن بانو الهلال لا يقف على لاعب او مجموعة لاعبين لكن اقدر اقول انو تغيير بعض اللاعبين ودخولهم التشكيلة قد يزعزع الاستقرار الفني للفريق وهذا شي طبيعي لاي نادي يملك نجوم كثير

وما الومكم على بعض الانتقادات لبعض اللاعبين امثال السديري وعبدالعزيز الدوسري لان ماعاد يقدرون يعطون الهلال شي بالعكس اصبح وجودهم عالة على الهلال

الهلال يا شقردية يحتاج الدعم اكثر من الانتقاد مننا كجماهير واذا ما ساندناه في الهزائم متى بنسانده ؟؟ ونوقف معاه ... خلو المدرب يعمل وخلو الادارة تعمل

انضباطية المدرب هي الحل الوحيد لعقلية اللاعب السعودي اذا ما انرك في الدكة وعرف ان الله حق بيضرب بشعار النادي عرض الحائط وهذا مايستحق انو يكون لاعب هلالي ويحمل شعار الهلال (شراحيلي) استهتر بالهلال وكيان الهلال وكان لابد له من قرصة اذن والشمراني كذلك لايحسب نفسه في الشباب اذا ما لعبتوني اهايط واتمشكل مع المدرب احترم المدرب واحترم نفسك كلاعب محترف (يعني اكل عيشك الكوره) متى يفهمون اللاعبون انو احترام وقت التدريب واحترام قرارات المدرب من اساسيات اللاعب المحترف

مباراه وانتهت بيننا وبين المتصدر نقطه وما تصدر الاهلي الا بشق الانفس امام نجران بهدف وحيد يعني الفرصه قدامنا كبيره والكره مازالت في الملعب

نساند ونحضر وندعم النادي في كل مبارياته هلالنا بيكون بخير بعودة بقية اللاعبين ديقاو وناصر وشراحيلي وياسر راح نرجع كأبطال وهذه عادة الهلال انو بطل بس يحتاج وقفتنا

اتمنى ان نبتعد عن الانتقاد وقت الهزيمة الدوري باقي فيه جولات كثير الدعم هو الخيار الوحيد لنا لنحقق الدوري