[دارك نايت]

احمد الله على الفوز وتحقيق البطولة الاغلى والتي كانت عصية على الزعيم ولكن روضها كما روض غيرها وبحول الله الدور جاي على الاسيوية

كلامي عن هكرنا عبدالله الزوري ,, صراحة حز في نفسي تصريحه بعد النهائي وحسيت انه ناقم على الجماهير ,, يعني كأنه يقول اذا انهزم الهلال حطوا كل شي علي واذا فاز الهلال ما يمدحوني

لازم نفهم ان اللاعبين يجيهم دروب احيانا ومو دايم على مستوى ثابت
الزوري يمكن كنت ضده في احيانا كثيرة لكن اثبت انه رقم صعب في بعض المباريات
الاحظ الزوري يكون مستواه موازي للمستوى العام ,,يعني لو كان رتم الفريق عالي تلقى الزوري يمكن افضل واحد
,,واذا كان الرتم منخفض تلقى الزوري برضو منخفض ,,
اللي ابي اوصله ان الزوري صحيح له تقصير سواء دفاع او هجوم ,,لكن هذا لا يعني تحطيم اللاعب او حتى استفزازه من قبل الجماهير ! ما اذكر قد حضرت مباراة للهلال والا وفيها تجريح من بعض الجماهير على الزوري ,, زوري يا اسطورة بطريقة تهكمية ! ارضي يا زوري ارضي ! وغيرها من الكلمات اللي تحطم

الخلاصة :
ودي اننا نحب الزوري مثل ما نحب الشهراني وسالم ونواف ,, يستحق منا الحب والتشجيع والصبر على هفواته لانه مثال للاعب المنضبط والاخلاق العالية
الله يعطيك العافية يا عبدالله ,, او الهكر كما تحب ان نسميك