[مناحي الفرزة]

ماهو هلال العز والي نعرفه
هذا فريقن مختطف ياجماعه

خل العذرلاتشرحه وسط ضرفه
ماعاد فينا للهزايم مناعه

كلن خذا من بحر الامواج غرفه
من عقب ماكنا نكسر اذراعه

وصرنا على افواه الشماتات طرفه
كلن علينا صار ينفض اشراعه

والديك صار يميل اليوم عرفه
ولاعاد يحسب يالربع للسباعه

نصك باب وينفتح الف درفه
وتفكك احبال الوصل بالقطاعه

صرنا مثل ددسن تعلق ابجرفه
ماعاد يمشي وانكسربه اذراعه

وانشق شقن صعب ياناس ترفه
وفي كل يوم ايزيد كبر اتساعه

وين التمر يالي تقول ابنخرفه
وين الزبون الي يشيل البضاعه

اما انكم شوفوا للاشكال صرفه
المسأله تبغى رجال اوشجاعه

ولا يجي واحد محنك نعرفه
مايقبل انصاف الفرص والضعافه





منقول للشاعر محمد الروقي
اعجبتني وقلت اهديها لعشاق الزعيم