[هلالية الشمال]

بسم الله الرحمن الرحيم

بصراحه ماني متعوده اكتب مواضيع بس الحين احس انه لازم علي اكتب هالموضوع وهو عباره عن رساله تحفيزيه للعيبه علشان يعرفون اننا نحبهم ونشجعهم ونحترق من اجل شعار الزعيم وان الفريق امانه باعناقهم خاصه يوم باقي مباراه وحده بالعين بكره وبعدها ان شاءالله نتأهل في حال تجاوزنا لشقيقنا العيناوي بعد مافزنا عليهم بالرياض بثلاثيه نظيفه .
العبو بجد وبكل تفاني واخلاص مثل ماعهدناكم واذا انتم تبون الكأس مثل مانبيها هذا يومكم ورونا الجد هاتو لنا النتيجه من ارض ملعب هزاع بن زايد علشان نعرف اننا جديرين بتحقيق كأس آسيا للنوادي البطله .
لان الفريق اذا كان رتمه صح وماشي من اول مباراه في اي بطوله اكيد رايح يضع في باله الكأس وانتم قدها يالعيبة الزعيم الاداره ماقصرت معكم اعطتكم كل شي وقفت معكم ساندتكم اعطتكم المكافآت اعضاء الشرف كذلك حتى الامس ودعكم ابو خالد الامير الوليد بن طلال وخلاكم تسافرون بطيارته الخاصه هذا غير المكافآت والحوافز اذا تجاوزتو العين وحققتو الكأس واللي تبرع بالتذاكر وغيره وغيره وايضا قائدنا التاريخي صالح النعيمه وقف معكم في لفته طيبه ومعه نجوم الكره مثل حمزه ادريس وفؤاد انور ماقصروا .
الآن الكره في ملعبكم ورونا الجد وردوا الدين لنا لاننا وقفنا معكم وشجعناكم وسنظل نشجعكم في كل الاوقات .
تمنياتي لكم بالفوز والعوده للرياض علشان نحتفل بالتأهل ونستعد للنهائي ان شاءالله .وفي الختام ارجو منكم تسامحوني لاني ماعرف الكتابه حاسه اني خربطت .