[سعد النخيلان]

من حقي أكفخ في شموخي كما الطير
.... ومن حقي أعشق ناعمات اليدينا

لاني زعيم ودوم ذكري على خير
.... ذكرن حسن يصبح ويمسي علينا

حنا الهلال أليا وقفنا جماهير
.... وأمواجنا الزرقا طغت كل مينا

حب القمم يكسر قلوب ومناخير
.... وحنا الهلال آليا غزينا غزينا

ولو خصمنا مثل وطنا مع الغير
.... نأزره ونقول يالله تعينا

ماهوب (سودان الوجيه) المصاغير
.... يالله تشافيهم ولا تبتلينا

اللي لجل غيره يطق المشاوير
.... وأعلامهم خجلى يسار ويمينا

بنو هلال الزرق روس المشاهير
..... تاريخنا سطر لنا من سنينا

