[Yazeed abdullaH]

صباح الخير

في الحقيقه اني صدمت من منظر استقبال لورينتو ريجيكامب في مطار الملك خالد بالرياض
من الواضح ان التنظيم لايوجد سوا رجل امن واحد،،،،الم يلاحظوا الجماهير!
وجررري مترو المطار ،،،،،هل هذا يليق بنا كمحبين للزعيم؟
او هل يليق بسمعة الجماهير في اول انطباع للمدرب......ومالغاية للحاق بالمدرب والصراخ باسمه!!!
وغير القلة الهمجية اللي يحاولون اللحاق به،،،،هناك جماهير راقيه ادوا ماعليهم وغادرو بهدووء وهؤلاء هم الذين يمثلون اغلب جماهير الهلال

‫لحظه خروج المدرب ريجيكامب من حشد جماهيرية الهلال الغفيره‬‎ - YouTube

حبيت اعرف رايكم،،،،،،ودمتم بود

[القويطير]

نقطة سوداء بتاريخ الهلال
من دخل الجاسر بنادينا وحنا ماشفنا خير

[حب الزعامة]

إقتباس الرسالة الأصلية كتبت بواسطة القويطير نقطة سوداء بتاريخ الهلال من دخل الجاسر بنادينا وحنا ماشفنا خير

ههههههه
على اني اتمنى الجاسر يطلع من النادي اليوم قبل بكرا وفاقع مرارتي
بس من جد وش دخله بهالموضوع !!!!
عسكري وغلط وش دخل الجاسر

[حصان ابيض]

فوضى عارمه مافيه تنظيم ابد
وفيه ناس لابسين اصفر غريبه؟؟
الاداره السبب

[ابومشاري الهلالي]

عااااااااااااااااااااااادي ماصار شي

وش هالشبه الاعلاميه.... ترى ماصار مضاهرات ولاتخريب ولا مات احد

[! دحـوم الهـلالـي !]

الصراحه بالنسبه لـ رأيي تصرف غير حضآري من بعض الجماهير ..
وللاسف هالشي فينا بأغلب الجماهير السعوديه مافيه تنظيم وتصرف حضآري من الجماهير ..

يعني كان بالامكان تشجيع المدرب من دون ركض ورا ومدافعات بين الحشود للوصول للمدرب البعض يمكن يبغى صوره مع المدرب وهالاشياء اللي تبحث عنها بعض الجماهير ..
مع انه قدامهم موسم كامل يقدرون يحصلون هالشي بدون فوضويه وبهالطريقه الغير حضاريه ..

[فيس هلالي]

. مؤسف ان المطار م قدر يسيطر علي عدد محدود من المراهقين

وجه غير حضاري للمملكه عاااااامه

لو عامل م قعدت تركض فيه بهالشكل ...وين الامن يفترض اخذه لمكان منعزل عن الجمهور لوقت معين وتفريق الجماهير ثم يتم خروج المدرب اما بهالشكل المخزي لديرتنا فلا اعتقد يحصل حتي في افقر الدول

[رهف الجنوب]

ههههههههههههههههههههههههههه
والله ماادري ايش اقول

[musa'b]

::


انا استغرب هذه الضجه الاعلاميه ..!!!

صحيح انه كان عمل غير حضاري من قله من جماهير الهلال ،، ولاكن لم يتم ايذاء المدرب ولا حبسه ولا تهديده ،، فقط كانو يرددون اسمه وكأي مشهور يتم محاصرته وترديد اسمه ..

الا اذا شفتو غير الي شفناه فهذا كلام ثاني ..


هاليومين صايرين حساسين وتسوون من الحبه آوبه ..


::

[ارنولد]

قسم بالله تخلف مابعده تخلف

لا من امن المطار ولا من المنسق الهلال ولا من الجمهور الهمجي

[Yazeed abdullaH]

الف شكر اعزائي الزعماء،،،،وفعلا الاغلبيه اجمعت على انه تصرف غير حضاري

تحياتي

[مـٍلآمـح شمـآلـيّ]

اشوف الغلطان من رايي العسكري هو اللي مسوي اكشن
طبيعي الهلال نادي كبير وله جمهوره

والجمهور يستقبلون المدرب لا اكثر ولا اقل
لو مشى المدرب مشي عادي ماكان لحقوه اصلا كان عالاقل صورو معه وراحو
لكن العسكري الله يهديه هو اللي يسوا الاكشن كله وفيه هواره زايده الله يهديه

[Yazeed abdullaH]

إقتباس الرسالة الأصلية كتبت بواسطة مـٍلآمـح شمـآلـيّ اشوف الغلطان من رايي العسكري هو اللي مسوي اكشن طبيعي الهلال نادي كبير وله جمهوره والجمهور يستقبلون المدرب لا اكثر ولا اقل لو مشى المدرب مشي عادي ماكان لحقوه اصلا كان عالاقل صورو معه وراحو لكن العسكري الله يهديه هو اللي يسوا الاكشن كله وفيه هواره زايده الله يهديه

اوافقك الراي اخي الكريم،،،،االمتسبب الاول والاخير هو المسؤول عن الامن في المطار


تحياتي

[hilalicanada]

المشكله بتنظيم امن المطار... والي يلوم اي هلالي يكون انسان ظالم..
المفروض عندهم قسم "رصد و تنظيم" سريع لاي شخص مشهور و في استقباله الجماهير
يعني يكون عندهم نظام يطبق فورا في هذي الحالات.. استخدام مداخل ومخارج معينه.. وحراسه سريعه..

[Yazeed abdullaH]

إقتباس الرسالة الأصلية كتبت بواسطة Yazeed abdullaH صباح الخير في الحقيقه اني صدمت من منظر استقبال لورينتو ريجيكامب في مطار الملك خالد بالرياض من الواضح ان التنظيم لايوجد سوا رجل امن واحد،،،،الم يلاحظوا الجماهير! وجررري مترو المطار ،،،،،هل هذا يليق بنا كمحبين للزعيم؟ او هل يليق بسمعة الجماهير في اول انطباع للمدرب......ومالغاية للحاق بالمدرب والصراخ باسمه!!! وغير القلة الهمجية اللي يحاولون اللحاق به،،،،هناك جماهير راقيه ادوا ماعليهم وغادرو بهدووء وهؤلاء هم الذين يمثلون اغلب جماهير الهلال حبيت اعرف رايكم،،،،،،ودمتم بود

وجد نفسه يركض والجميع يهتف باسمه
مطاردة ريجي.. «فيلم أكشن»

مشاري الفهد من الرياض

بينت صحيفة رومانية أن مواطنها لرويينت ريجيكامف عاش أجواء مليئة بالأكشن في مطار الملك خالد الدولي في الرياض، بعد مطاردة أنصار نادي الهلال له في الممرات، ما أحدث بعض الإرباك.

وقالت صحيفة "بورو سبورت" الرومانية، إن الاستقبال المثير الذي حظي به لوريينت ريجيكامف، الذي سيحل بديلا عن المدرب الوطني سامي الجابر للترحيب به بعد وصوله إلى الرياض، رسم عليه علامات التعجب المختلطة بالدهشة.

وأعدت الصحيفة الرومانية تقريرا مطولا مدعما بالصور، إلى جانب مقطع فيديو قام بتصويره أحد الهواة الذين وجدوا لاستقبال ريجيكامف، يظهر من خلاله التدافع الجنوني للمشجعين ومطاردتهم للمدرب الروماني داخل ممرات المطار على طريقة أفلام الأكشن. مضيفة "ريجي لم يتوقع أبدا أنه سيحظى بمثل هذا الاستقبال المثير، وأنه سيعيش تلك الاجواء المليئة بالأكشن، حيث دلف المئات من أنصار النادي إلى المطار من أجل استقبال المدرب الجديد، وهو ما لم يكن متوقعا حتى لرجال الامن في المطار وتسبب في إحداث بعض الإرباك".

من جانبه، علق ريجي على الأمر بقوله "لم أتوقع أن أجد نفسي أركض بشكل مفاجئ بصحبة رجل أمن داخل ممرات المطار للهروب من الجمهور الذي حضر بكثافة لاستقبالي، لقد كان الأمر جنونيا بعض الشيء ولكنني سعيد للغاية بذلك، عشت لحظات مثيرة وطريفة، الجميع في المطار كانوا يهتفون باسمي".

وتحدث عن أبرز ما شاهده في العاصمة الرياض قائلا: "بعد المطار ذهبنا إلى فندق فخم للغاية، وشاهدت في الرياض مدى التقدم العمراني والمباني الفخمة، كل القصص التي قيلت لي عن السعودية قبل مغادرتي لرومانيا لم تكن دقيقة، البلد متقدم، الشعب هناك يعيشون في ترف لا يصدق".